TITUS 1:16 - PEJANJIAN EMPAI CERITAU ILUAK

¹⁶ Ughangtu bekatau, bansau ughangtu keruan Allah, awuak perembak ughangtu nidau ngaku'i Allah. Ati ughangtu ja'at ngan melawan ngan nidau pacak ngerjauka setu diau iluak.

TITUS 1:16 Referans Kwoze

1 YUHANIS 2:4

Jemau diau bekatau, “Aku keruan Allah,” anyautu nidau na'ati perintaHau, jemautu pembu'ung, Allah nidau bediau dalam atiau.

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

RUM 1:28

Manusiau enggup ngeruani Allah, mangku Allah ngenangka rupu'an ughangtu njadi rusak, mangku ughangtu ngerjauka setu diau nidau pantas.

PENGINA'AN 21:27

Anyautu jemau diau ngerjauka setu diau meghegingka ngan penipu ngan tuapau kila diau najis nidau ka masuak ke dalamau. Diau masuak cuman jemau diau namaunyau ditulis dalam kitab jemau idup diau adau di Anak Bebiritu.

PENGINA'AN 21:8

Anyautu jemau diau penakut, jemau diau nidau percayau, jemau najis, pembunua, jemau menaugawia, dukun, jemau nyemba diwau, ngan gegalau pembu'ung ka dicapakka ke dalam laut api diau maghak ngan belirangtu. Itula kematian diau keduau.”

1 TIMUTIUS 5:8

Amun adau jemau diau nidau nyayia denga-sana'au, apau agi jemau seghumahau, jemautu ngelipat ngan lebia ja'at jak di jemau diau nidau percayau.

1 TIMUTIUS 1:9

Ingatla, bansau ukumtu dibuat ukan batan endak jemau diau benagh, tapitu batan endak pelanggar ukum, penja'at, jemau diau nidau keruan Tuhan, jemau bedusau, jemau diau idup nurut carau deniau, jemau nidau ta'at ngan nidau buagamau, pembunua pejadiau ngan pembunua lainau,

2 TIMUTIUS 3:17

Mangku bilang jemau Keristen didandani batan endak gegalau kerjau diau iluak.

TITUS 3:1

Ingatkala jemau Keristen, supayau tunduak ngan pemerinta ngan jemau diau bekuasau. Ughangtu mesti ta'at ngan sukau ngerjauka gegalaunyau diau iluak.

TITUS 3:3

Karnau senitu kitau pulau idup bigal, nidau ta'at, sesat. Kitau dibudakka bemecam serilau ngan kendak. Idup kitau ja'at, sengit, sangi luatka.