TITUS 1:15 - PEJANJIAN EMPAI CERITAU ILUAK

¹⁵ Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.

TITUS 1:15 Referans Kwoze

RUM 14:14

Aku seghundak ngan Tuhan Yesus, mangku aku keruan nidau bediau setu diau asalau aram, anyautu ngan jemau diau nganggap titu aram nyela titu aram.

RUM 14:20

Jangan merusakka kerjau Allah karnau makanan. Gegalau makanan bulia dimakan. Anyautu amun setu diau kamu makan mbuat jemau bedusau, kamutu besala.

1 KURINTUS 10:23

Katau jemau, “Kitau bulia ngerjauka tuapau kila.” Nyela, anyautu nidau gegalaunyautu begunau. “Kitau bulia ngerjauka tuapau kila.” Nyela, anyautu nidau gegalaunyau ngiluakka idup kitau.

MATIUS 15:18

Anyautu setu diau ngeluagh jak di mulut asalau jak di ati. Itula diau mbuat jemau aram.

RUM 14:23

Amun jemau asau-asau ngan setu diau endak dimakan, mangku masia dimakan, jemautu besala, karnau kerjaunyautu nidau dikerjauka nurut kepercayauannyau. Gegalaunyau diau dikerjauka nidau nurut kepercayauan itu dusau.

1 KURINTUS 10:31

Tuapau kila diau kamu kerjauka, apu makan apu minum, kerjaukala gegalaunyautu batan endak meregaui Allah.

RASUL 10:15

Suarau itu bekiciak agi ngan diau, “Setu diau dinyatauka Allah alal, jangan kaba kiciakka aram.”

1 KURINTUS 8:7

Anyautu nidau bilang ughang ngeruani titu. Adau jemau diau senitu pegi ke keramat, mbak kini diau gi meghasau, bansau makanan diau la disiwaukatu makanan diwau. Mangku amun ughangtu makan makanan itu, ughangtu meghasau bedusau, karnau kepercayauannyau lum tegua.

IBRANI 10:22

Karnau itu mela kitau ngadap Allah ngan ati diau sebenagh-benaghau ngan maju percayau, karnau ati kitau la diberesiaka jak di sala kitau, badan kitau la dibasua ngan ayiak diau beresia.

1 KURINTUS 10:25

Kamu bulia makan gegalaunyau diau dijual di pekan, nidau nanti ditanyauka kudai, karnau nidau nanti ghibal.

1 TIMUTIUS 6:5

becelikaian diau nidau udim-udim. Rupu'an ughangtu la buntu, nidau agi benagh. Ughangtu sangkau pacak kayau jak di agamau.

IBRANI 9:14

apau agi dagha Keristus. Karnau Rua diau selelamaunyau Keristus nyeraka diriAu njadi kerban diau nidau becacat batan endak Allah. DaghaHautu mberesiaka ati kitau jak di kerjau diau nidau begati, mangku kitau pacak nyemba Allah diau idup.

IBRANI 12:15

Jagauila, supayau jangan adau diau njawuaka diriau jak di keilu'an Allah, supayau jangan adau akagh diau beracun tumbua di guak kamu, mangku nimbul kekacauan ngan merusak banyak jemau karnau racunau.