RUM 9:1 - PEJANJIAN EMPAI CERITAU ILUAK

¹ Setu diau kukiciakka ini benagh. Aku nidau mbu'ung, karnau aku hak Keristus. Ati keciakku diau dikuasaui Rua Allah ngiciak pulau, bansau kici'anku ini benagh.

RUM 9:1 Referans Kwoze

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

RUM 1:9

Aku maju ndu'aka kamu, amun aku bedu'a. Allah keruan setu diau kukiciakkatu benagh. Batan endak Allah itula aku bekerjau nian ngan segenap atiku mangku ngiciakka ceritau iluak nceritauka Ana'Au.

GALATIA 1:20

Setu diau kutulis ini benagh. Allah keruan, aku nidau mbu'ung.

PILIPI 1:8

Allah keruan, bansau aku ghindu tegalau ngan kamu ngan sayang diau asalau jak di Yesus Keristus.

2 KURINTUS 11:10

Karnau ajaghan Keristus diau benagh adau di aku, nidau sughang kiala di gegalau daira Akaya pacak melengitka kebanggaanku itu.

RUM 8:16

Rua Allah ngan rua kitau nyatauka, bansau kitau anak-anak Allah.

1 TIMUTIUS 1:5

Tujuan petuaku ini, supayau pacak sangi sayangi ngan ati iluak ngan ati keciak beresia ngan percayau nian ngan Tuhan.

1 TESALUNIKA 2:5

Kamu keruan, kami nidau kekela iluak di mulut, nipuka kamu endak nyemunika kesela'an kami. Allah keruan!

2 KURINTUS 12:19

Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

1 TIMUTIUS 5:21

Di adapan Allah ngan Yesus Keristus ngan malaikat diau suci aku mintak nian, supayau kaba nuruti petua ini ngan jangan nyalaka jemau, amun lum ngeruani nian. Jangan milia rupau.

2 KURINTUS 11:31

Allah, Bapak jak di Yesus, Tuhan kitau, keruan aku nidau mbu'ung. Tepujila namaunyau selelamaunyau.

2 KURINTUS 1:23

Allah ngeruani aku. Diau keruan, bansau aku nidau lasung ke Kurintus, karnau aku nidau endak mbingungka kamu.

RUM 2:15

Perembak ughangtu nunjuakka, bansau setu diau diajung ukum Taurattu la adau dalam atiau. Ati keciak ughangtu pulau mbuktikanyau, karnau kekadangan ughangtu disalaka rupu'annyau, kekadangan dibenaghka.

RUM 9:2

Aku bingung nian ngan atiku madak kematila