RUM 8:35 - PEJANJIAN EMPAI CERITAU ILUAK

³⁵ Tuapau pacak ngalangi Keristus nyayangi kitau? Apu Diau dialangi, amun kitau bingung ngan nanggung, amun kitau diluatka, amun kelapaghan ngan serik, amun adau bayau, lagi mati?

RUM 8:35 Referans Kwoze

YUHANIS 10:28

Aku ngenju'i diau idup selelamaunyau, mangku bebiritu nidau ka benasau enggut selelamaunyau. Nidau bediau sughang kia diau ka merebuti diau jak di sayianKu.

YUHANIS 16:33

Gegalaunyautu Kukiciakka ngan kamu, mangku kamu tenang sempernau, karnau seghundak ngan Aku. Di deniau kamu ka sengsarau, anyautu beghanikala ati kamu. Aku la ngalaka deniau.”

2 KURINTUS 4:17

Mangku tanggungan diau mbak kini kami ghasauka nidau sebeghapau. Itu ka ngasilka keriangan selelamaunyau diau jawua lebia besak, amun dibandingka ngan penanggungantu.

RUM 8:39

empuak kuasau diau adau di langit, empuak diau adau di deniau, empuak setu diau lainau. Gegalaunyautu nidau pacak ngalangi Allah nyayangi kitau, luak diau la kitau ghasauka dalam Tuhan kitau Yesus Keristus.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

1 KURINTUS 4:11

Enggut mbak kini kami kelapaghan ngan keausan. Baju kami, baju jarit di badannila. Kami dilagaui, kami nidau bebada.

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

YUHANIS 13:1

Mbak pagi di aghiau aghi rerayau Paska ka lasung, Yesus la keruan, bansau masauNyau la sampai Diau ninggalka deniau ini njenguak Bapa'Au. Yesus la nyayangi anak-buaHau, mangku Diau maju nyayangi ughangtu enggut pengabisanNyau.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

RASUL 14:22

Di kuta itu duau rasultu neguaka ati jemau diau percayau ngan Yesus ngan ngajung ughangtu, supayau maju percayau. Rasultu bekatau, “Kitau mesti sengsarau kudai, mangku kitau pacak njadi angguta umat Allah.”

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,

RUM 2:9

Bilang jemau diau galak ngerjauka diau ja'at ka sengsarau ngan nanggung. Jemau Yahudi kudai mangku jemau Yunani mangku pulau jemau bangsau lain.

RUM 8:37

Dalam gegalaunyautu kitau pacak menang nian, karnau Diau nyayangi kitau.

1 KURINTUS 4:12

Kami mbanting tulang. Amun kami didawaika, kami mbalaska ngan du'a. Amun kami disaraui, kami ngaligh.

2 KURINTUS 4:8

Kami diluatka di manau-manau, tapitu kami nidau nyera. Kami bingung, tapitu nidau putus aghapan.

2 KURINTUS 4:9

Kami disaraui, tapitu nidau kekela dienangka kami ajau. Kami diempaska enggut rubua, tapitu nidau mati.

2 KURINTUS 12:10

Itula sebapau aku riang ngan sukau, amun aku litak. Aku riang, amun aku digelakka, amun adau pekarau ngan setu diau segau karnau Keristus. Karnau amun aku litak, masau itu aku kuat nian.

IPISUS 3:19

Mangku kamu meghasauka sayang itu, empuak nidau pacak dikeruani rupu'an manusiau. Mangku kamu dibimbingAu idup menau carau Allah,