RUM 8:28 - PEJANJIAN EMPAI CERITAU ILUAK

²⁸ Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

RUM 8:28 Referans Kwoze

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

YAKUBUS 1:12

Riangla jemau diau ta'an dicubaui, karnau udim diau buasil diujitu, diau ka nerimau upa, itu idup diau la dijanjika Allah ngan jemau diau nyayangi Diau.

1 KURINTUS 2:9

Luak itula diau ditulis dalam Injil, “Setu diau nidau kekela dikinak ngan didengagh manusiau, ngan nidau pulau kekela dirupuakka manusiau, titu disediauka Allah batan endak jemau diau nyayangiNyau.”

RUM 8:30

Luak itula Allah milia ughangtu diau la dulu ditetapkaNyau, mangku ughang diau la dipiliatu pulau la seilu'an ngan Diau. Mangku ughang diau la seilu'antu ka diagungka pulau.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

1 KURINTUS 1:9

Allah ka ngerjaukanyau. Diautu pacak dipercayaui nian. Diaula milia kamu njadi seghundak ngan Ana'Au Yesus Keristus, Tuhan kitau.

PENGINA'AN 3:19

Jemau diau Kusayangi Kutengul ngan Kusakiti. Karnau itu rilakala ati kaba ngan ubaila jak di perembak kaba!

GALATIA 1:15

Anyautu karnau keilu'an atiAu Allah milia aku, antak ka aku adau mangku ngajung aku bekerjau batan endak Diau.

1 TESALUNIKA 5:9

Karnau Allah milia kitau ukan batan endak ditimpau mara, tapitu batan endak diselamatka karnau Tuhan kitau Yesus Keristus.

MARKUS 12:30

Sayangila Tuhan, Allah kaba ngan sepenua ati kaba ngan sepenua jiwa kaba ngan gegalau akal-pikiran kaba ngan gegalau kekuatan kaba.

IPISUS 3:11

RencanauNyau la adau jak di penembai, mangku diajungAu Yesus Keristus, Tuhan kitau, ngerjaukanyau.

YAKUBUS 2:5

Kantin-kantinku diau kusayangi, ingatkala, jemau diau dianggap deniau serik dipilia Allah njadi jemau kayau karnau percayau. Jemautu ka bulia bagian di sergau diau dijanjika Allah ngan jemau diau nyayangiNyau.

1 YUHANIS 4:19

Kitau nyayangi jemau, karnau Allah la dulu nyayangi kitau.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

RUM 9:11

Antak ka duau ana'autu adau, Allah la milia sughang. Pilian Allah nidau bepaut ngan kerjau manusiau, tapitu bepaut ngan kendak Allah, karnau masau itu duau ughangtu lum pacak ngerjauka tuapau-apau, apu diau iluak apu diau ja'at.

2 KURINTUS 5:1

Badan kitau diumpamauka ngan anjung. Mangku kitau keruan, amun anjung diau kitau tunggu di deniauni la dileghak, Allah nyediauka ghuma di sergau batan endak kitau diau nidau dibuat jemau mangku ta'an selelamaunyau.

GALATIA 5:8

Cetau ukan Allah! Allahtu la ngajung kamu njenguak Diau.

RASUL 13:48

Ndengagh kici'an itu gegalau jemau diau ukan Yahudi riang nian ngan ngagungka ceritau jak di Tuhan. Mangku gegalau jemau diau la ditetapka Allah batan endak idup selelamaunyau percayau ngan Tuhan Yesus.

RUM 11:29

Karnau Allah nidau kekela nyesali keilu'an ngan pilianNyau.

1 KURINTUS 1:2

batan endak jemau Keristen di Kurintus, jemau diau la dipilia Allah njadi umatAu ngan melemakka atiAu karnau Keristus Yesus, ngan gegalau jemau di manau ajau diau nyemba Tuhan kitau Yesus Keristus, Tuhan ughangtu ngan Tuhan kitau pulau.

1 KURINTUS 1:24

Batan endak jemau diau la dipilia Allah, empuak jemau Yahudi empuak jemau ukan Yahudi, ceritau itu nyatauka kuasau Allah ngan pengertian Allah.

GALATIA 1:6

Aku kemangan ngan kamu. Kamu dipilia Allah, karnau Keristus sayang ngan kamu. Anyautu mbak kini kamu cepat nian nyimpang jak di Diau mangku ngikut ceritau iluak diau lain.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

PILIPI 3:14

Mangku aku maju beusaha endak sampai ke tujuan endak bulia adia, diautu idup di sergau. Batan endak itula kitau dipilia Allah karnau Yesus Keristus.

IBRANI 9:15

Karnau kerjau Keristustu Allah mbuat pejanjian diau empai, mangku jemau diau la dipilia Allah pacak nerimau setu diau la dijanjikaNyautu. Keristus la mati endak mbibaska jemau jak di salahau diau dibuat masau pejanjian diau dulu masia dipakai.

1 PITRUS 2:9

Anyautu kamunila bangsau diau dipilia, imam-imam diau kerjau batan endak rajau, bangsau diau idup beresia batan endak Allah, umat Allah itula. Allah milia kamu ngan mantau kamu ngeluagh jak di keleman endak masuak terangAu diau besinagh-sinagh, supayau kamu ngiciakka kerjauNyau diau nyeliatu.

1 PITRUS 3:9

Jangan mbalas setu diau ja'at ngan ja'at, apu maki ngan maki. Anyautu balaskala ngan mintak setu diau iluak jak di Allah. Karnau batan endak itula kamu dipilia Allah, supayau kamu nerimau setu diau iluak jak di Diau.