RUM 7:7 - PEJANJIAN EMPAI CERITAU ILUAK

⁷ Amun luak itu, tuapau diau pacak kitau kiciakka? Apu ukum Taurat ja'at? Nidau ka adau! Aku keruan dusau karnau ukum Taurat. Aku nidau keruan, tuapau retiau ngibauka barang jemau, amun ukan ukum ngiciakka, “Jangan ngibauka barang jemau.”

RUM 7:7 Referans Kwoze

RUM 3:20

Karnau nidau sughang kiala pacak dibenaghka di adapan Allah ngan jalan nuruti ukum Taurat. Ukum Taurattu cuman nyatauka manusiau jemau bedusau.

RUM 4:15

Ukum Taurat mbuat manusiau diukum. Anyautu amun nidau bediau peraturan, pelanggaran pulau nidau bediau.

1 KURINTUS 15:56

Bisau maut itula dusau, mangku kuasau dusau itula ukum Taurat.

RUM 13:9

Perinta ini: jangan menaugawia, jangan mbunua, jangan maling, jangan ngibauka barang jemau. Gegalaunyautu ngan perinta diau lain pulau disimpulka ngan perinta ini: “Sayangila kantin kaba luak kaba nyayangi diri kaba.”

RUM 7:8

Anyautu karnau perintatu dusau bulia jalan nimbulka di atiku serbau serilau diau ngibauka. Karnau amun ukum Taurat nidau bediau, nidau keruan dusau.

1 TESALUNIKA 4:5

Jangan ngikut serilau ajau, luak diau dikerjauka jemau diau nidau keruan Allah.

RUM 3:5

Amun keilu'an Allah tamba nyatau karnau dusau kitau, tuapau katau kitau? Apu Allah nidau adil, amun kitau diukum? Titu rupu'an jemau.

KULUSI 3:5

Karnau itu, mandakkala serilau deniau diau adau dalam diri kamu, diautu menaugawia, setu diau nidau senangaian, gegalau serilau diau ja'at ngan selak. Gegalaunyautu semegi ngan nyemba diwau,

IPISUS 5:3

Kamutu umat Allah. Karnau itu jangan kamu menaugawia ngan ngerjauka setu diau nidau senangaian ngan selak. Ngiciakkanyau ajau jangan.

RUM 7:13

Apu itu bereti, bansau setu diau iluak mbuat aku mati? Nidau ka adau! Dusau itu makai setu diau iluak, mangku mbuat aku mati, mangku jemau keruan nian tuapau itu dusau. Ukumtu nyatauka alaka ja'atau dusau.

RUM 7:11

Dusau bulia jalan nipuka ngan mbunua aku karnau ukum itu.

RUM 7:5

Senitu kitau idup nurut carau manusiau. Masau itu serilau bedusau nguasaui kitau. Serilautu nimbul karnau ukum Taurat, mangku kitau ngerjauka setu diau nyebapka kitau mati.

RUM 6:15

Mangku luak manau kitau? Apu bulia kitau mbuat dusau, karnau kitau nidau agi dikuasaui ukum Taurat, tapitu disayangi Allah? Nidau ka adau!

RUM 4:1

Amun luak itu, tuapau diau ka kitau kiciakka ceritau Abraham, niniak puyang kitau?

RASUL 20:33

Nidau kekela aku endak pirak ngan emas ngan baju jak di jemau.

LUKAS 12:15

Mangku katau Yesus lagi, “Dengaghkala! Sepepadaula, supayau kamu jangan selak, karnau empuak sughang banyak kematila retaunyau, idupau nidau tegantung ngan kekayauannyautu.”

MATIUS 5:28

Anyautu mbak kini Aku bekatau ngan kamu: Jemau diau nginak sughang tinau ngan ngibaukanyau, jemautu la menaugawia ngan tinautu dalam atiau.

LUKAS 20:16

Diau ka datang mbunua jemau parauantu, mangku nyeraka kebunau ngan jemau lain.” Ndengagh titu jemau banyak bekatau, “Jangan!”

RUM 5:20

Mangku ukum Taurat dienjuakka Allah, mangku pelanggaran tamba banyak. Anyautu tamba jemau banyak bedusau, tamba Allah banyak nyayangi jemau.

IBRANI 7:19

Ukum Taurattu nidau pacak nyempernauka. Mangku mbak kini kitau dienju'i aghapan diau lebia iluak agi, mangku kitau pacak masighi Allah.