RUM 7:15 - PEJANJIAN EMPAI CERITAU ILUAK

¹⁵ Aku nidau terti perembakku, karnau setu diau endak kukerjaukatu nidau kukerjauka, tapitu setu diau kuluatka itula diau kukerjauka.

RUM 7:15 Referans Kwoze

GALATIA 5:17

Serilau manusiau belawanan ngan kendak Rua Allah, kendak Rua Allah belawanan ngan serilau manusiau, karnau sangi musui. Itula sebapau kamu nidau pacak ngerjauka setu diau kamu kenda'i.

YAKUBUS 3:2

Gegalau kitau rajin bebuat sala. Jemau diau nidau kekela bebuat sala ngan kici'an, diautu sempernau diau pacak nguasaui gegalau diriau.

RUM 12:9

Jangan cak nyayangi. Luatka diau ja'at, kerjaukala diau iluak.

YUDAS 1:23

Selamatkala ughangtu jak di api nerakau. Tariakla ughangtu ke jalan diau benagh. Jemau lain mesti kamu sialka pulau ngan peghasauan takut. Anyautu luatkala bekakas ughangtu diau la dikumuhi serilau endak bedusau.

RUM 14:22

Setu diau kamu yakintu kerjaukala di adapan Allah ajau. Riangla jemau diau nidau meghasau besala ngan setu diau dianggap iluak endak dikerjauka.

2 TIMUTIUS 2:19

Anyautu pelapiak diau tegua diau dibuat Allah nidau pacak diguraka. Di pucu'au ditandaui luak ini, “Tuhan keruan jemau Diau empu.” ngan “Jemau diau ngaku'i ngan nyemba Tuhan mesti mandak ngerjauka setu diau ja'at.”

IBRANI 1:9

“Kaba riang ngan setu diau benagh ngan meluatka setu diau nidau benagh. Itula sebapau Aku, Allah Kaba, milia Kaba. Aku meregaui Kaba, mangku riangla Kaba sangkan kantin-kantin Kaba.”

RUM 7:16

Amun aku ngerjauka setu diau nidau kukenda'i, aku nyetujui, bansau ukum Taurattu benagh.

LUKAS 11:48

Ngan carau luak itu kapu dighi mbenaghka perembak niniak puyang kapu dighi. Nyela, ughangtu mbunua nabitu, mangku kapu dighi mbuat kuburannyau alap-alap.

YUHANIS 15:15

Kamu nidau agi Kukiciakka budak, karnau budak nidau keruan, setu diau dikerjauka tuanau. Kamu Kukiciakka kantin, karnau gegalaunyau diau Kudengagh jak di Bapak la Kukiciakka ngan kamu.