RUM 5:5 - PEJANJIAN EMPAI CERITAU ILUAK

⁵ Aghapan luak itu nidau ka ngeciwauka kitau, karnau ati kitau la diisi ngan sayang Allah. Titu dikerjauka Rua Allah diau la dienjuakka ngan kitau.

RUM 5:5 Referans Kwoze

GALATIA 4:6

Karnau kamu anak Allah, mangku Diau ngajung Rua Ana'Au nguasaui ati kitau diau ngiciakka, “Bak, bakku!”

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 KURINTUS 1:22

Diau la nandaui kitau njadi ha'Au ngan ngenjuakka RuaHau dalam ati kitau. Titu jaminan, bansau Diau ka ngenjuakka gegalaunyau diau la dijanjikaNyau batan endak kitau.

1 YUHANIS 4:19

Kitau nyayangi jemau, karnau Allah la dulu nyayangi kitau.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

RASUL 2:33

Diau diangkat Allah di sebela kananAu, mangku nerimau Rua Allah diau la dijanjika Bapak. Mangku setu diau la kapu dighi dengagh ngan kinak mbak kini, itu Rua Allah diau la dienjuakka ngan kami.

IPISUS 4:30

Jangan madakka Rua Allah. Kamu la ditandaui ngan Ruatu njadi hak Allah. Ruatu njadi jaminan batan endak kitau, bansau aghi kitau diselamatka ka sampai.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

RASUL 2:17

‘Allah bekatau: Masau pengabisan saman Aku ka ngenjuakka RuaKu ngan gegalau manusiau. Mangku anak-anak kamu empuak lanang empuak tinau ka ngiciakka katau Allah. Budak bujang ka nginak pengina'an, jemau tuau ka bemimpi mimpika ceritau Allah.

2 TESALUNIKA 2:16

Kami bedu'a, supayau Tuhan kitau Yesus Keristus ngan Allah Bapak kitau melemakka ngan neguaka ati kamu, mangku kamu pacak ngerjauka ngan ngiciakka setu diau iluak. Allah nyayangi kitau. Diau maju neguaka nian ngan ngenjuakka aghapan diau iluak ngan kitau, karnau Allahtu iluak.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

RUM 8:28

Kitau keruan, bansau Allah ngatur gegalaunyau, mangku ngasilka diau iluak batan endak jemau diau nyayangi Diau, jemau diau la dipilia nurut kenda'Au.

1 KURINTUS 8:3

Anyautu jemau diau nyayangi Allah, diautu dikeruani Allah.

2 KURINTUS 3:18

Mangku di kitauni kina'an keagungan Tuhan, karnau rupu'an kitau nidau tetutup, mangku kitau maju diubai njadi luak Diau. Tamba lamau kitau tamba besinagh karnau keagungan diau asalau jak di Tuhan diautu Rua.

RASUL 10:45

Mangku gegalau jemau Yahudi diau percayau diau ngantini Pitrus kemangan galau nginak Allah ngenjuakka Rua Hau ngan jemau bangsau diau ukan jemau Yahudi.

RUM 1:7

Itula sebapau aku nulis ngan kamu diau adau di Rum, jemau diau disayangi Allah ngan dipilia njadi umatAu. Aku bedu'a, supayau Allah Bapak kitau ngan Tuhan Yesus Keristus iluak ngan kamu ngan njagaui kamu ngan damai.

RUM 9:33

Ceritau batutu la ditulis dalam Injil luak ini, “Keruanila, di Siun la Kutepiakka sebua batu diau mbuat jemau tuantuak ngan telabua. Mangku bilang jemau diau percayau ngan Diau nidau ka dimaluka.”

1 TESALUNIKA 4:8

Karnau itu, jemau diau enggup nerimau ajaghan ini, ukanau enggup nerimau manusiau, tapitu enggup nerimau Allah diau ngenjuakka RuaHau diau beresia ngan kamu.