RUM 5:15 - PEJANJIAN EMPAI CERITAU ILUAK

¹⁵ Anyautu ughang duautu nidau semegi. Besakla akibat keilu'an ati Allah sangkan akibat pelanggaran Adam. Nyela, banyak jemau mati, ikak sughang jemau nidau ta'at. Besakla akibat keilu'an ngan pengenjuak Allah diau dienjuakka ngan banyak jemau, karnau keilu'an ati sughang jemau, diautu Yesus Keristus.

RUM 5:15 Referans Kwoze

RUM 6:23

Karnau upa dusau itu mati. Anyautu Allah ngenjuakka idup sejati selelamaunyau karnau seghundak ngan Yesus Keristus Tuhan kitau, dienjuakka ajau.

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

RUM 5:12

Dusau masuak ke deniau karnau sughang jemau, mangku jemau mati ikak dusau. Mangku kematian nguasaui gegalau jemau ikak bedusau galau.

1 YUHANIS 5:11

Luak ini kici'antu: Allah la ngenjuakka ngan kitau idup sejati selelamaunyau. Mangku iduptu asalau jak di Ana'Au.

2 KURINTUS 9:15

Terimau-kasia ngan Allah, karnau enju'anNyau diau iluak nianantu.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

IBRANI 2:9

Diau kitau kinak itu Yesus diau bekuasau. Gi jerang ajau kuasauNyau dibuat kurang jak di kuasau malaikat, supayau Diau sengsarau ngan mati batan endak gegalau manusiau, karnau Allah sayang ngan kitau. Mbak kini kitau nginak Diau la dienjuakka pangkat tinggi diau agung ngan diregaui, karnau Diau la sengsarau enggut mati.

YUHANIS 4:10

Timbal Yesus, “Amun kaba keruan, tuapau diau dienjuakka Allah, ngan sapau diau mintak minum ngan kaba, cengki kaba mintak ngan Diau, mangku Diau ka ngenju'i kaba ayiak diau ngenjuakka idup.”

YUHANIS 3:16

Karnau Allah sayang nian ngan deniauni, mangku Diau la ngenjuakka Ana'Au diau gi sughang itula, supayau bilang jemau diau percayau ngan Diau nidau benasau, tapitu bulia idup empai selelamaunyau.

MATIUS 26:28

Inila daghaKu diau neguaka janji Allah. Dagha itu ditumpaka batan endak ngampuni dusau banyak jemau.

MATIUS 20:28

Semegi luak Anak Manusiau pulau datang ukan endak ditulung, tapitu endak nulung mangku ngenjuakka nyawauNyau njadi tebusan batan endak banyak jemau.”

RASUL 15:11

Kitau percayau ngan diselamatka karnau keilu'an Tuhan Yesus Keristus. Luak itu pulau ughangtu.”

2 KURINTUS 5:14

Kasia Keristus nguasaui kami, mangku kami keruan, amun sughang la mati batan gegalau jemau, mangku itu bereti gegalau jemau la mati.