RUM 4:16 - PEJANJIAN EMPAI CERITAU ILUAK

¹⁶ Allah bejanji karnau jemau percayau ngan Diau. Janjitu dienjuakka ajau, mangku janjitu dienjuakka ngan gegalau pengadau Abraham, ukan ajau ngan jemau diau nuruti ukum Taurat, tapitu pulau ngan jemau diau percayau luak Abraham, karnau Abraham bak kitau galau.

RUM 4:16 Referans Kwoze

IPISUS 2:8

Allah sayang nian ngan kamu. Karnau itu Diau nyelamatka kamu, karnau kamu percayau ngan Yesus. Keselamatan kamutu ukan karnau usaha kamu. Itu pengenjuak Allah,

GALATIA 3:22

Anyautu di Injil la ditulis, bansau gegalau manusiau la dikuasaui dusau, mangku setu diau dijanjika Allah dienjuakka ngan jemau diau percayau ngan Keristus, karnau janjitu cuman dienjuakka ngan jemau amun percayau.

RUM 9:8

Itu bereti, ukan gegalau pengadau dikiciakka ana'au, cuman pengadau diau dijanjika Allah.

TITUS 3:7

Mangku kitau diau la dibenaghka karnau keilu'anNyautu bulia idup selelamaunyau diau kitau aghapkatu.

IPISUS 2:5

mangku masau kitau gi luak mati karnau dusau kitau, kitau diidupka ngan Keristus. Kamu diselamatka cuman karnau keilu'an ati Allah.

RUM 15:8

Ingatkala, bansau Keristus datang endak nulung jemau Yahudi, supayau ngerti, bansau Allah itu pacak dipercayaui ngan nepati janjiAu ngan niniak puyang kitau.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

2 PITRUS 1:10

Karnau itu, kantin-kantinku, beusahala nian, supayau pilian Allah di kamu tamba tegua. Amun kamu ngerjauka titu, kamu nidau ka ngelipat.

RUM 4:11

Sunattu cuman njadi tandau, bansau diau dibenaghka Allah karnau percayau antak ka besunat. Mangku diau njadi bapak gegalau jemau percayau diau nidau besunat, mangku ughangtu dibenaghka karnau percayau.

LUKAS 19:9

Yesus bekatau, “Saghini jemau seghuma ini la diselamatka, karnau jemau ini pulau pengadau Abraham.

RUM 3:22

bansau jemau pacak dibenaghka Allah, amun percayau ngan Yesus Keristus. Itula carau Allah mbenaghka gegalau jemau diau percayau ngan Keristus, karnau Allah nidau mbidaka jemau,

RUM 3:30

Allah gi sughang. Diautu mbenaghka jemau Yahudi karnau percayau, mangku jemau bangsau lain pulau karnau percayau.

GALATIA 3:14

Yesus Keristus ngerjauka titu, supayau keilu'an Allah diau dijanjikaNyau ngan Abrahamtu dienjuakka pulau ngan jemau ukan Yahudi. Ngan carau luak itu gegalau kitau diau percayau nerimau Rua diau dijanjika Allah.

GALATIA 3:16

Janji-janji Allah dijanjikaNyau ngan Abraham ngan jemau pengadau Abraham. Di Injil nidau ditulis, “ngan pengadau-pengadau Abraham”, retiau banyak jemau. Diau ditulis di situ, “ngan jemau pengadau kaba”, retiau gi sughang ajau, diautu Keristus.