RUM 3:28 - PEJANJIAN EMPAI CERITAU ILUAK

²⁸ Kami keruan, bansau jemau dibenaghka karnau percayau ngan Keristus ukan karnau ta'at ngan ukum Taurat.

RUM 3:28 Referans Kwoze

TITUS 3:7

Mangku kitau diau la dibenaghka karnau keilu'anNyautu bulia idup selelamaunyau diau kitau aghapkatu.

GALATIA 2:16

Empuak luak itu kamu keruan, bansau nidau sughang kiala dibenaghka karnau nuruti ukum agamau, tapitu gegalau jemau dibenaghka karnau percayau ngan Yesus Keristus. Itula sebapau kamini pulau percayau ngan Keristus, supayau kami dibenaghka karnau percayau ngan Keristus ukan karnau na'ati ukum agamau. Karnau nidau sughang kiala dibenaghka karnau nuruti ukum agamau.

GALATIA 3:24

Mangku ukum Taurat njadi penjagau kitau, enggut Keristus datang endak mbenaghka kitau, karnau kitau percayau ngan Diau.

GALATIA 3:8

Jak di senitu kitab Injil la keruan, bansau Allah mbenaghka jemau diau ukan Yahudi karnau percayau ngan Diau. Ceritau iluak itu la dikiciakka senitu ngan Abraham ngan janji ini, “Karnau kaba, Allah ka iluak ngan gegalau bangsau.”

YAKUBUS 2:24

Na, kamu nginak, bansau jemau dibenaghka karnau kerjaunyau, ukan karnau cuman percayau ajau.

RUM 3:26

Mbak kini Diau nidau agi ngenangka perembak jemau, anyautu Diau endak seilu'an ngan jemau. Ngan carau itu Diau nyatauka, bansau Diautu benagh ngan pulau mbenaghka jemau diau percayau ngan Yesus.

PILIPI 3:9

ngan seghundak ngan Diau. Aku nidau agi dibenaghka karnau kerjaukunila ngan ta'at ngan ukum Taurat. Mbak kini aku dibenaghka karnau percayau ngan Keristus. Allahtu diau mbenaghka jemau karnau percayau ngan Keristus.

RUM 8:3

Setu diau nidau pacak dikerjauka ukum Taurat karnau kitau manusiau bedusau la dikerjauka Allah. Diau la ngajung Ana'Au datang ke deniau nyerupaui manusiau biasau, njadi kerban batan dusau manusiau, mangku dusau diukum ngan diabiskaNyau.

RUM 4:5

Anyautu amun adau jemau diau nidau ngandalka kerjaunyau, mangku diau percayau ngan Allah diau nyatauka jemau bedusau bibas jak di salahau, jemautu dibenaghka Allah karnau percayau.

IPISUS 2:9

ukan kerjau kamu. Mangku nidau sughang kia diau pacak nyumbungka diriau.

1 KURINTUS 6:11

Adau jak di kamu ngerjauka titu senitu. Anyautu mbak kini dusau kamu la dibasua. Kamu la njadi hak Allah nian. Kamu la dibenaghka ngan kuasau Tuhan Yesus Keristus ngan Rua Allah.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

YUHANIS 6:40

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

YUHANIS 5:24

Kici'anKu ini benagh: Jemau diau ndengagh ngan nuruti kici'anKu, mangku percayau ngan Allah diau ngajung Aku, jemautu la ngempu idup empai selelamaunyau. Diau nidau ka diukum. Diau la ngalia jak di mati ke idup.

YAKUBUS 2:18

Asauku adau diau bekatau, “Kamutu percayau, akuni ngerjauka setu diau iluak.” Aku ka nimbal, “Tunjuakkala ngan aku percayau kamutu nidau bediau setu diau iluak, mangku aku ka nunjuakka ngan kaba percayauku ngan kerjauku diau iluak.”

YAKUBUS 2:20

Ui, kamu bigal nianan. Apu aku mesti nunjuakka, bansau percayau nidau bediau kerjau diau iluak nidau bediau gunaunyau?