RUM 3:25 - PEJANJIAN EMPAI CERITAU ILUAK

²⁵ Yesus Keristus itula la ditetapka Allah batan endak mati, mangku manusiau pacak seilu'an ngan Allah, amun percayau. Allah ngerjauka titu endak nyatauka, bansau Diautu adil. Senitu Allah ngaligh ngan jemau bedusau, mangku lum diukum.

RUM 3:25 Referans Kwoze

1 YUHANIS 4:10

Luak inila kitau keruan, bansau Allah nyayangi kitau nian: Ukan kitau diau la nyayangi Allah, tapitu Allah la nyayangi kitau ngan ngajung Ana'Au, supayau dusau kitau pacak diabiska karnau Diau.

1 YUHANIS 2:2

Karnau Yesus Keristus njadi kerban, mangku dusau kitau pacak diabiska. Ukan dusau kitau ajau, tapitu pulau dusau gegalau umat manusiau.

RUM 5:9

Apau agi mbak kini, kitau la seilu'an ngan Allah karnau Keristus mati, mangku kitau cengki ka diselamatka jak di ukuman Allah karnau Diau.

RASUL 17:30

Masau kitau nidau keruan nidau diingatka Allah agi. Mbak kini Allah ngajung gegalau jemau di deniau ngubai jak di peremba'au diau ja'attu.

IBRANI 10:4

Dagha sapi ngan dagha kambing lanang nidau pacak ngabiska dusau.

PENGINA'AN 13:8

Mangku gegalau jemau di deniau nyemba diau, gegalau jemau diau namaunyau nidau ditulis jak deniau la adau. Namaunyautu nidau ditulis di kitab jemau idup diau adau di Anak Bebiri diau la disembeliatu.

IBRANI 11:7

Karnau percayau, mangku Nua nerimau petunjuak jak di Allah ceritau setu diau ka jerang agi tejadi diau lum kina'an. Nuatu ta'at ngan Allah, mangku diau mbuat sebua kapal besak endak nyelamatka diriau ngan anak-biniau. Ngan carau luak itu Nua itu dibenaghka, karnau percayau nian, tapitu deniau diukum.

RUM 5:1

Mbak kini kitau la seilu'an agi ngan Allah karnau percayau, mangku kitau idup damai ngan Allah karnau Tuhan kitau Yesus Keristus.

PENGINA'AN 20:15

Mangku bilang jemau diau nidau ditulis namaunyau dalam kitab jemau iduptu dicapakka ke dalam laut apitu.

PENGINA'AN 5:9

Ughangtu benyanyi nyanyika nyanyian empai, kataunyau, “Dighi pantas ngan behak nerimau gulungan kitabtu ngan mbukak sigilau, karnau Dighi la disembelia. Mangku ngan dagha Dighi jemau jak di gegalau jungku, basau, pemili ngan bangsau la dibeli batan endak Allah.

IBRANI 11:14

Jemau diau ngiciak luak itu nyatauka, bansau diau dang ndalak bada diau njadi ha'au.

1 YUHANIS 1:10

Amun kitau bekatau, bansau kitau nidau bedusau, kitau nganggap Allah pembu'ung, mangku Pirman Allah nidau bediau di ati kitau.

IBRANI 11:17

Karnau percayau, mangku Abraham ngenjuakka Isak njadi kerban, masau diuji Allah. Ngan Abraham itula Allah bejanji, mangku diau pulau rila nyeraka ana'au diau gi sughang itula,

IBRANI 9:5

Di pucu'au adau duau kerub, benatang sergau diau nunjuakka keagungan Allah. Benatangtu adau sayap diau nukupi peti tadi, bada ngabiska dusau. Gegalaunyautu nidau pacak kitau kiciakka mbak kini ngan neghagi.

1 TIMUTIUS 1:15

Nyela nian kici'an ini ngan pantas diterimau nian, “Yesus Keristus datang ke deniau endak nyelamatka jemau bedusau.” Mangku jak di ughangtu aku diau paling bedusau ngan ja'at sekali.

RUM 5:11

Ukan itu ajau. Kitau riang pulau karnau keilu'an Allah itu, mangku kitau la seilu'an ngan Diau karnau Tuhan kitau Yesus Keristus.

RUM 3:26

Mbak kini Diau nidau agi ngenangka perembak jemau, anyautu Diau endak seilu'an ngan jemau. Ngan carau itu Diau nyatauka, bansau Diautu benagh ngan pulau mbenaghka jemau diau percayau ngan Yesus.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

RASUL 4:28

Ughangtu betunggal endak ngerjauka gegalaunyau diau la Dighi tetapka jak di senitu, karnau kuasau ngan kendak Dighi.

RASUL 3:18

Ngan carau luak itula la ditepati tuapau diau la dikatauka Allah senitu ngan nabiAu, mbak bansau Mesias, Rajau Penyelamat, mesti ka meghasauka sengsarau.

RASUL 15:18

Jak di senitu titu la dikiciakka.

RASUL 2:23

Nurut rencanauNyau Allah la nyeraka Diau, la kapu dighi bunua ngan ngajung jemau ja'at makuka Diau di kayu salip.

YUHANIS 6:47

Ingatkala, jemau diau percayau bulia idup empai selelamaunyau.

RASUL 14:16

Timpau dulu Allah ngenangka gegalau bangsau idup nurut kenda'au ajau.

RUM 5:18

Jadi, dusau sughang jemau mbuat gegalau jemau diukum. Luak itu pulau kerjau sughang jemau diau ngerjauka kendak Allah mbuat gegalau jemau dilepaska jak di dusaunyau, mangku dienjuakka idup.

1 KURINTUS 5:7

Capakkala kudai ghagi lamau itu, diautu ghagi dusau, mangku kamu njadi luak lejuan ghebuak empai, banci jak di ghagi dusau diau lamau. Karnau aghi rerayau Paska kitau la pasigh. Keristus diau njadi bebiri Paska kitau la dikerbanka.

2 KURINTUS 5:21

Keristustu nidau bedusau. Anyautu Allah ngajung Diau nanggungka dusau kitau, supayau kitau dibenaghka karnau seghundak ngan Keristus.

IPISUS 1:7

Karnau Keristus la mati njadi kerban, mangku kitau dibibaska, retiau dusau kitau diabiska, karnau Diau nyayangi kitau nianan.

IPISUS 2:13

Anyautu mbak kini kamu la seghundak ngan Keristus, mangku kamu diau senitu jawua ngan Tuhan mbak kini la dipasighka, karnau Keristus mati batan endak kamu.

IBRANI 9:28

Luak itu pulau Keristus ngerbanka diriAu cuman sekali ajau endak ngabiska dusau banyak jemau. Mangku Diau ka datang agi ukan endak nanggungka dusau agi, tapitu endak nyelamatka jemau diau nunggu Diau datang.

PENGINA'AN 1:5

ngan jak di Yesus Keristus diau nyatauka setu diau pacak dipercayaui. Diautu dulu sekali ngulang idup jak di mati mangku nguasaui rajau-rajau di deniauni. Diautu nyayangi kitau ngan mbibaska kitau jak di dusau karnau daghaHau,