RUM 2:8 - PEJANJIAN EMPAI CERITAU ILUAK

⁸ Anyautu jemau diau ndalak idup batan endak diau sughang, nidau endak ta'at ngan Allah ngan maju ngerjauka diau ja'at, jemautu ka didawaika Allah nian.

RUM 2:8 Referans Kwoze

PENGINA'AN 16:19

Kuta besak itu tebela njadi tigau bagi. Kuta-kuta jemau diau nidau keruan Allah ancur. Mangku Allah teghingat ngan Babil diau besaktu endak ngenjuakka diau minum pan diau penua ngan anggur mara Allah.

1 PITRUS 4:17

La sampai masaunyau Allah ngadili deniau. Umat Allah itula diau dulu sekali diadili. Amun kitau dulu diadili, luak manau jadiau nanti ngan jemau diau nidau percayau ngan ceritau iluak jak di Allah itu?

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

PENGINA'AN 14:10

mangku jemautu ka minum jak di anggur Allah, diautu anggur maraHau diau nidau beundak. Mangku jemautu ka disiksau dalam api ngan belirang di adapan malaikat suci ngan Anak Bebiritu.

IBRANI 11:8

Karnau percayau, mangku Abraham ta'at, masau diau dipilia ngan diajung pegi ke nenggeri diau Allah janjika ngan diau. Mangku Abraham bejalan, nidau keruan ka ke manau diau.

IBRANI 10:27

Diau adau batan endak jemau itu ukuman Allah diau nakutka ngan api besak kematila diau mutungka jemau diau melawan Allah.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

TITUS 3:9

Jawuhila balahan diau nidau begunau diau bigal, ceritau niniak puyang, becelikaian ngan balahan ceritau ukum Taurat. Gegalaunyautu nidau bediau gunaunyau ngan nidau bediau untungau.

1 KURINTUS 11:16

Amun adau jemau diau endak bebala mbalaka pekarau telekung, diau pacak kukiciakka ngan jemautu, bansau kami ngan jemau Keristen lainau cuman carau luak itu tadi, lain nidau bediau agi.

RUM 15:18

Aku beghani ngiciak luak itu ngiciakka cuman setu diau dikerjauka Keristus karnau aku, supayau mbuat jemau bangsau lain ta'at ngan Allah. Aku ngerjauka titu ngan kici'anku ngan perembakku,

RUM 10:16

Anyautu nidau gegalau jemau nerimau ceritau itu. Yesaya la ngiciak, “Tuhan, sapau ka percayau ngan kici'an kamu?”

RUM 9:22

Luak itu pulau Allah endak nunjuakka maraHau ngan nyatauka kuasauNyau. Anyautu Diau ngaligh nian ngan jemau diau mesti diukum ikak mbuat Diau mara.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

RUM 1:18

Jak di sergau Allah nyatauka maraHau karnau dusau ngan keja'atan manusiau. Keja'atantu ngalangi manusiau ngeruani ajaghan diau benagh ceritau Allah.

1 PITRUS 3:1

Luak itu pulau kamu diau njadi bini, kamu mesti tunduak ngan laki kamu, supayau amun adau diau nidau percayau ngan ceritau jak di Allah, kerjau kamu pacak mbuat diau percayau, nidau nanti ngiciak tuapau-apau,

2 KURINTUS 12:20

Aku ghegak, amun aku datang nanti, aku ka nemuni kamu nidau luak diau kuaghapka, mangku kamu pulau ka nemuni aku nidau luak diau kamu aghapka. Aku ghegak, kalu adau diau belagau, sengit, ati besak, mentingka diriau, sangi gelakka, sangi buruakka, geduak, becelikaian.

GALATIA 5:20

di kerjau nyemba di keramat, menterau, bemusuan, belagau, sengit, cepat mara, merupuakka diriau ajau, ngasung ngan mihak,

PILIPI 1:17

Ughang lain tadi ngiciakka Keristus ngan tujuan nidau iluak. Ughangtu ngerjauka titu karnau kepentingan ughang itula. Ughangtu endak ngajung aku nanggung dalam jil.

PILIPI 2:3

Jangan bekerjau ndalak kepentingan diri kamu ngan mintak dipuji. Anyautu kamu mesti ngensian ngan nganggap pentingla jemau sangkan kamu.

YAKUBUS 3:14

Anyautu amun kamu sengit, purik ngan merupuakka diriau ajau, titu nidau nanti dibanggaka, karnau ngan carau itu kamu ngubai ceritau diau benagh njadi sala.

YAKUBUS 3:16

Amun adau diau sengit ngan merupuakka diriau ajau, mangku adau pulau kekacauan ngan gegalau mecam kerjau diau ja'at.