RUM 2:15 - PEJANJIAN EMPAI CERITAU ILUAK

¹⁵ Perembak ughangtu nunjuakka, bansau setu diau diajung ukum Taurattu la adau dalam atiau. Ati keciak ughangtu pulau mbuktikanyau, karnau kekadangan ughangtu disalaka rupu'annyau, kekadangan dibenaghka.

RUM 2:15 Referans Kwoze

2 KURINTUS 5:11

Kami keruan retiau takut ngan Tuhan. Karnau itu kami beusaha meyakinka jemau. Allah keruan ati kami, mangku aku ngaghap kamu pulau keruan kami dalam ati kamu.

TITUS 1:15

Gegalaunyau beresia, amun jemau beresia. Anyautu amun jemau diau rupu'annyau kumua, dikit kia nidau bediau diau beresia, karnau rupu'an ngan ati keciak jemautu kumua.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

1 TIMUTIUS 4:2

Ughangtu ditipuka jemau diau mbu'ung ngan ati keci'au la tekatup.

RUM 9:1

Setu diau kukiciakka ini benagh. Aku nidau mbu'ung, karnau aku hak Keristus. Ati keciakku diau dikuasaui Rua Allah ngiciak pulau, bansau kici'anku ini benagh.

RASUL 24:16

Karnau itu aku beusaha, supayau aku maju idup ngan ati beresia di adapan Allah ngan manusiau.

RASUL 23:1

Paulus ngina'i angguta pengadilan, mangku bekatau, “Ui, kapu dighi. Enggut mbak kini aku nidau meghasau besala dalam atiku di adapan Allah.”

YUHANIS 8:9

La udim ndengagh Yesus ngiciak luak itu, ughangtu pegi ninggalka bada itu sejagh sughang mulai ngan diau tuau. Udim-udimau tigha Yesus sughang di situ ngan jemau tinau tadi diau masia betegak di badahau.

RUM 2:14

Jemau bangsau lain nidau keruan ukum Taurat, mangku amun ughangtu ngerjaukanyau karnau kenda'an atiau, ughangtu nyatauka, bansau atiau keruan setu diau mesti dikerjauka, empuak nidau keruan ukum Taurat.

RUM 2:27

Mangku jemau diau nidau disunat anyautu ngerjauka ukum Taurat ka nyalaka kamu diau la keruan ukum Taurat ngan disunat, anyautu melanggar ukumtu.