RUM 16:25 - PEJANJIAN EMPAI CERITAU ILUAK

²⁵ Tepujila Allah! Diau bekuasau neguaka kamu nurut ceritau iluak jak di Allah diau kuceritauka ngiciakka Yesus Keristus. Aku ngiciakka titu nurut setu diau dinyatauka Allah ceritau rencanau Allah diau buabad-abad nidau dikeruani jemau.

RUM 16:25 Referans Kwoze

1 KURINTUS 2:7

Pengertian diau kukiciakkatu pengertian jak di Allah. Pengertiantu nidau dikeruani deniau. Allah la nyediaukanyau batan endak keriangan kitau, antak ka deniau dijadikaNyau.

RUM 2:16

Nurut ceritau iluak diau kukiciakkatu, gegalaunyau ka tejadi nanti masau aghi itu, amun Allah ngajung Yesus Keristus ngukum gegalaunyau diau tebuni dalam ati jemau.

IPISUS 1:9

Diau la nyatauka ngan kitau resiau rencanauNyau, karnau Diau endak nyataukanyau. Rencanautu la direncanauka jak di penembai endak diudimi Keristus.

2 TESALUNIKA 2:14

Batan endak itula kamu diajak karnau ceritau iluak diau la kami kiciakka ngan kamu, mangku kamu ngikut meghasauka keagungan Yesus Keristus, Tuhan kitau.

2 KURINTUS 4:3

Mangku amun ceritau iluak diau kami kiciakkatu masia pulau jemau nidau terti, itu cuman jemau diau ka benasau diau nidau ngerti.

IPISUS 3:9

Diau pulau nugaska aku ngiciakka ngan gegalau jemau, luak manau Allah diau njadika gegalau deniauni ngerjauka rencanauNyau diau diresiauka senitu.

1 PITRUS 5:10

Udim kamu sengsarau jerang, mangku Allah ka ndandani kamu. Diau ka ngenjuakka pelapiak diau kuat ngan neguaka ati kamu, karnau Allahtu iluak. Diautu la milia kamu endak seghundak ngan Keristus, mangku kamu meghasauka keagunganNyau diau nidau ka udim-udim.

2 TIMUTIUS 2:8

Ingatkala ceritau Yesus Keristus, pengadau Daud, diau la idup agi jak di mati luak ceritau iluak diau kukiciakkatu.

2 TESALUNIKA 3:3

Tuhan pacak dipercayaui nian. Diau ka neguaka ati kamu ngan njagaui kamu jak di diau ja'at.

IPISUS 6:19

Du'akala pulau aku, supayau amun aku ngiciak, Allah ngenjuakka aku katau diau tepat, mangku aku ngiciakka resiau ceritau iluak ngan beghani.

GALATIA 2:2

Aku pegi ke Yerusalim, karnau Allah la nyatauka ngan aku, bansau aku mesti pegi. Aku betemu ngan pengulu-pengulu jemau Keristen di situ, mangku aku ngiciakka ceritau iluak diau kukiciakka ngan jemau bangsau lain, supayau jangan kerjauku empuak senitu empuak mbak kini nidau bediau retiau.

2 KURINTUS 4:5

Ceritau diau kami kiciakkatu ukan nceritauka kaminila. Ceritautu nceritauka Yesus Keristus, bansau Diautu Tuhan, mangku kamini njadi budak kamu karnau Keristus.

1 KURINTUS 1:23

Kamini ngiciakka Keristus mati di kayu salip. Ceritau itu nyinggung jemau Yahudi, jemau ukan Yahudi nganggap itu bigal.

RASUL 20:32

Mangku mbak kini aku nyeraka kapu dighi ngan Allah, supayau Diau njagaui kapu dighi ngan kapu dighi na'ati ceritau keilu'an Allah. Allahtu bekuasau nguatka kapu dighi ngan ngenjuakka setu diau iluak diau la disediauka batan endak gegalau umatAu.

RASUL 9:20

Diau pegi ke ghuma sembayang ngan ngiciakka, bansau Yesus itula Anak Allah.

MATIUS 13:35

Mangku ditepati kici'an nabi ini, “Aku pakai cuntau ceritau, amun ngiciak ngan ughangtu. Aku ka ngiciakka setu diau nidau dikeruani jak deniau adau.”

MATIUS 13:17

Ingatkala, banyak nabi ngan jemau diau ta'at ngan Allah endak nginak setu diau kamu kinak, anyautu nidau kina'an. Ughangtu endak ndengagh setu diau kamu dengagh, anyautu nidau kedengaghan.”

1 PITRUS 1:20

Keristustu la dipilia antak ka deniau dijadika. Mangku masau pengabisan ini Diau datang ke deniau batan endak kamu.

IBRANI 7:25

Itula sebapau selelamaunyau Yesus pacak nyelamatka jemau diau masighi Allah, diantat ngan Diau. Diautu adau selelamaunyau endak mintak ngan Allah batan endak ughangtu.

TITUS 1:2

Kitau ngaghapka idup selelamaunyau. Allah la njanjika idup itu, antak ka deniau dijadika, mangku Allah nidau ka adau mbu'ung.

2 TIMUTIUS 1:9

Allahtu nyelamatka kitau ngan milia kitau, supayau njadi umatAu. Titu dikerjaukaNyau ukan karnau setu diau kitau kerjauka, tapitu karnau rencanauNyau ngan keilu'anNyau itula. Keilu'anNyautu dienjuakka ngan kitau karnau Yesus Keristus, antak ka deniauni dijadika.

IPISUS 3:11

RencanauNyau la adau jak di penembai, mangku diajungAu Yesus Keristus, Tuhan kitau, ngerjaukanyau.

1 KURINTUS 4:1

Anggapla kami pekerjau Keristus diau dipercayauka ngiciakka rencanau Allah diau lum keruan ngan deniau.

RUM 14:4

Kamu nidau bulia ngadili budak jemau. Apu diau benagh apu sala, itu urusan tuanau. Nyela, budak itu ka ngerjauka setu diau benagh, karnau Tuhan pacak njagaui diau, supayau maju ngerjauka setu diau benagh

1 TESALUNIKA 3:13

Ngan carau luak itula Tuhan neguaka ati kamu, mangku kamu beresia, nidau becelakau di adapan Allah Bapak kitau, masau Yesus Tuhan kitau datang ngan gegalau jemau percayau.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RUM 16:24

Aku bedu'a, supayau Tuhan kitau, Yesus Keristus, iluak nian ngan gegalau kitau. Amin.

KULUSI 2:2

Aku ngerjauka titu, supayau ughangtu diteguaka ngan sangi sayangi, mangku ughangtu besatu. Ngan carau luak itu ughangtu ngerti nian ngan yakin ngan ngeruani resiau Allah, diautu Keristus.

KULUSI 4:3

Du'akala pulau kami, supayau kami pacak ngiciakka ceritau resiau Keristus. Ikak aku ngerjauka titu, aku dijilka.

PENGINA'AN 10:7

Anyautu amun malaikat ketujua ngembus terumpitau, mangku Allah ka ngerjauka rencanaunyau diau diresiaukatu, luak la dikiciakkaNyau ngan nabi-nabi, budak-buda'Autu.”

MATIUS 20:7

Ughangtu nimbal, ‘Karnau nidau bediau jemau diau endak ngupa kami.’ ‘Amun luak itu,’ katau jemau tadi, ‘Pegila ke kebun anggurku.’