RUM 16:18 - PEJANJIAN EMPAI CERITAU ILUAK

¹⁸ karnau jemau diau ngerjauka titu ukan bekerjau batan endak Keristus, Tuhan kitau. Jemau itu bekerjau batan endak muaska serilaunyau. Ngan makai katau diau iluak ngan lemak didengagh ughangtu nipuka jemau diau iluak.

RUM 16:18 Referans Kwoze

KULUSI 2:4

Aku ngiciakka titu, supayau kamu jangan dicalu'i jemau diau pacak ngiciak.

PILIPI 3:19

Idup jemau luak itu ka benasau, karnau serilau ughangtu njadi tuanau. Setu diau maluka itu dibanggaka ughangtu. Ughangtu maju merupuakka setu di deniauni ajau.

MATIUS 7:15

“Sepepadaula ngan cak nabi. Ughangtu datang di guak kamu luak bebiri, anyautu sebenaghau ughangtu luak setuau diau ganas.

1 TIMUTIUS 6:5

becelikaian diau nidau udim-udim. Rupu'an ughangtu la buntu, nidau agi benagh. Ughangtu sangkau pacak kayau jak di agamau.

2 PITRUS 2:3

Ughangtu selak, mangku ughangtu ndalak untung jak di kamu ngan ngiciakka ceritau mbu'ung. Anyautu ukuman ughangtu la lamau ditetapka. Ughangtu ka cepat diukum mangku benasau.

YUDAS 1:16

Ughangtu maju bejijia ajau ngan nyempit karnau penanggungannyau. Ughangtu idup nurut serilau. Ughangtu muji diriau ngan cak iluak, supayau dapat untung.

2 TESALUNIKA 2:10

Diau ka makai gegalau mecam tipuan diau ja'at ngan jemau diau ka benasau. Ughangtu ka benasau nian, karnau ughangtu enggup nerimau, nidau meregaui ceritau benagh jak di Allah diau pacak nyelamatka ughangtu.

YUDAS 1:12

Masau kamu ngadauka jamuan, ughang itula di guak kamu diau maluka. Ughangtu makan ngan selak, nidau maluan ngan cuman merupuakka diriau ajau. Ughangtu luak aban diau ditiup angin diau nidau nughunka ujan. Ughangtu luak batang diau nidau ngasilka bua empuak pangkau bebuahan, luak batang diau la dicabut ngan akaghau diau mati nian.

PILIPI 2:21

Gegalau jemau lainau cuman ngerjauka kepentingan diriau ajau, ukan kepentingan Yesus Keristus.

GALATIA 1:10

Luak manau akuni? Apu aku ngaghapka diregaui manusiau? Ukan, dikit kiala nidau. Aku cuman ngaghapka diregaui Allah. Apu aku beusaha melemakka ati manusiau, mangku dipuji jemau? Amun aku masia ngerjauka kerjau luak itu, aku ukan budak Keristus.

MATIUS 24:24

Karnau ka adau cak rajau penyelamat ngan cak nabi. Ughangtu ka ngerjauka tandau-tandau nyelia, mangku amun pacak, endak nipuka umat Allah pulau.

KULUSI 3:24

Ingatkala bansau kamu ka nerimau upa jak di Tuhan diau dijanjikaNyau, karnau Keristus Tuhan kamu ngan kamu bekerjau batan endak Diau.

2 KURINTUS 4:2

Kami enggup nggunauka carau gelap diau maluka. Kami nidau nipuka jemau ngan nidau ngubai katau Allah. Kami ngiciakka kendak Allah ngenianau. Mangku teserala ngan jemau endak nilai kami dalam ati keciak di adapan Allah.

2 KURINTUS 2:17

Kami nidau luak banyak jemau diau ndalak untung ngan ngiciakka katau Allah. Tujuan kami iluak, karnau kami diajung Allah endak ngiciakka ceritau itu luak semestiau di adapan Allah, karnau kami seghundak ngan Keristus.

RUM 16:19

Gegalau jemau la keruan kamu ta'at nian. Karnau itu aku riang ngan ceritau kamu. Aku endak, supayau kamu bepengertian ngan setu diau iluak, tapitu bigal ngan setu diau ja'at.

YUHANIS 12:26

Jemau diau endak bekerjau batan endak Aku, diau mesti ngikut Aku, mangku anak-buaKu adau guak Aku di badaKu. Mangku jemau diau bekerjau batan endak Aku diregaui BapakKu.”

MATIUS 24:11

Banyak cak nabi ka datang ngan nyesatka banyak jemau.

MATIUS 6:24

Nidau sughang kia pacak njadi anak-bua duau jemau, karnau amun luak itu, diau ka sayang ngan diau sughang diau sughang agi nidau. Diau ka setia ngan diau sughang ngan diau sughang agi nidau. Kamu nidau pacak bekerjau batan endak Allah ngan batan endak retau bendau pulau.”

PENGINA'AN 1:1

Inila ceritau diau dinyatauka Yesus Keristus nceritauka setu diau ka tejadi. Allah ngiciakkanyau ngan Keristus, mangku diancakkaNyau ngan budak-budak Allah setu diau mesti tejadi. Diautu ngajung malaikatAu endak nyataukanyau ngan Yuhanis, buda'Autu.

YUDAS 1:1

Jak di aku, Yudas, ading Yakubus, diau njadi budak Yesus Keristus. Aku nulis ini batan endak jemau diau dipilia ngan disayangi Allah Bapak ngan dijagaui batan endak Yesus Keristus.

YAKUBUS 1:1

Batan endak gegalau umat Allah diau adau di gegalau deniau. Pesan jak di aku, Yakubus. Aku bekerjau batan endak Allah ngan Tuhan kitau Yesus Keristus.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

RUM 14:18

Amun jemau bekerjau batan endak Keristus ngan carau luak itu, jemautu melemakka ati Allah ngan diregaui jemau.