RUM 15:3 - PEJANJIAN EMPAI CERITAU ILUAK

³ Keristus pulau nidau merupuakka diriAu ajau. Di Injil ditulis, “Gegalau gela'an diau kaba asauka la Kutanggungka.”

RUM 15:3 Referans Kwoze

PILIPI 2:8

Diau ngensianka diriAu ngan ta'at ngan Allah enggut mati, lagi mati di kayu salip.

YUHANIS 4:34

Katau Yesus, “MakananKu ngerjauka kendak Allah diau ngajung Aku, mangku ngudimi kerjau diau diserakaNyau ngan Aku.

YUHANIS 6:38

Karnau Aku datang jak di sergau ukan batan endak ngerjauka kendakKunila, tapitu batan endak ngerjauka kendak Allah diau ngajung Aku.

YUHANIS 5:30

“Akuni nidau pacak ngerjauka tuapau-apau nurut kendakKu sendighi. Aku ngadili nurut setu diau la Kudengagh. Mangku keputusanKu benagh, karnau Aku nidau nuruti kendakKu sendighi, tapitu kendak Allah diau ngajung Aku.

2 KURINTUS 8:9

Kamu keruan, bansau kitau disayangi Yesus Keristus, Tuhan kitau. Empuak Diau kayau, Diau njadi serik batan endak kamu, mangku kamu njadi kayau karnau keserikanNyautu.

YUHANIS 8:29

Diau ngajung Aku nyertaui Aku. Diau nidau kekela ngenangka Aku sughang, karnau Aku maju ngerjauka setu diau melemakka atiAu.”

MATIUS 26:42

Yesus pegi agi endak bedu'a, katauNyau, “Bak, amun sengsarau ini mesti Kualami, nengkela kendak Dighi tejadi.”

MATIUS 10:25

Jadila, amun anak-murip la semegi ngan guruau, mangku budak la semegi ngan tuanau. Amun tuan ghuma dikiciakka Bilsebul, apau lagi jemau seghumahau.”

YUHANIS 15:24

Misalau di guak ughangtu Aku nidau ngerjauka setu diau lum kekela dikerjauka jemau, ughangtu nidau besala. Mbak kini ughangtu la nginak gegalaunyau diau Kukerjauka, anyautu ughangtu meluatka Aku ngan BapakKu.

YUHANIS 15:10

Amun kamu nuruti perintaKu, Aku maju sayang ngan kamu. Itu semegi ngan Aku nuruti perinta BapakKu, mangku Bapak maju sayang ngan Aku.

MATIUS 26:39

Udim itu Diau pegi jawua dikit, mangku nunduak ngan bedu'a, katauNyau, “Bak, amun pacak, jawuakala sengsarau itu jak di Aku. Anyautu jangan nurut kendak Aku, tapitu kendak Dighi ajau.”

MATIUS 27:44

Bandit diau dipakuka serempak ngan Diau nggelakka Diau luak itu pulau.

PILIPI 2:5

Kamu mesti adau rupu'an ngan peghasauan luak Yesus Keristus.