RUM 14:19 - PEJANJIAN EMPAI CERITAU ILUAK

¹⁹ Itula sebapau kitau mesti beusaha, supayau idup suijauan ngan sangi teguaka.

RUM 14:19 Referans Kwoze

IPISUS 4:29

Jangan kiciakka kici'an kumua. Kiciakkala katau diau meriangka ngan nulung jemau. Kici'an luak itu nimbulka keilu'an ngan jemau diau ndengaghau.

RUM 12:18

Kamu mesti beusaha idup damai ngan gegalau jemau.

RUM 15:2

Bilang kitau mesti melemakka ati kantin kitau batan endak keilu'annyau, mangku diau tamba percayau.

IBRANI 12:14

Beusahala idup damai ngan gegalau jemau. Idup kamu mesti beresia batan endak Tuhan. Nidau sughang kiala pacak nginak Tuhan, amun idupau nidau luak itu.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

MARKUS 9:50

Gaghamtu iluak. Anyautu amun gagham nidau masin agi, apu pacak dimasinka? Kamu mesti njadi luak gagham. Idupla bedamai ngan gegalau jemau.”

MATIUS 5:9

Riangla jemau diau ndamaika jemau, karnau diau ka dikiciakka anak Allah.

1 PITRUS 3:11

Jemautu mesti njawuhi setu diau ja'at ngan ngerjauka setu diau iluak. Jemautu mesti beusaha nian endak idup ngan damai.

1 KURINTUS 14:26

Luak manau mbak kini, ui kantin-kantinku? Amun kamu betunggal, adau diau nyanyi, adau diau ngajagh, adau diau ngiciakka pengina'an Allah, adau diau ngiciak basau rua, adau diau meretika kici'antu. Anyautu gegalaunyautu mesti dikerjauka, supayau begunau batan endak gegalaunyau.

1 KURINTUS 10:33

Idupla luak aku. Aku beusaha endak melemakka ati gegalau jemau ngan carau luak manau kila, ukan batan endak kepentingan akunila, tapitu supayau banyak jemau diselamatka.

2 TIMUTIUS 2:22

Karnau itu jawuhila serilau anak mudau. Usahakala idup diau iluak, nurut kendak Allah, sayang ngan jemau ngan idup bedamai. Kerjaukala titu ngan idup seghundak ngan jemau diau ngaku'i namau Tuhan ngan ati diau beresia.

1 TIMUTIUS 1:4

Tegughi ughangtu, supayau jangan agi galak ndengagh ceritau mbu'ung ngan ceritau niniak puyang senitu. Gegalaunyautu cuman mbuat jemau bebala, ukan majuka rencanau Allah diau cuman pacak dikeruani amun percayau.

2 KURINTUS 12:19

Apu kamu ngirau selamau ini kami beusaha endak mbenaghka diri kami tuadap kamu? Dikit kiala nidau! Allah ngeruani, bansau gegalaunyau diau kami kiciakkatu nurut kendak Keristus. Gegalaunyau diau kami kerjaukatu endak neguaka kamu mangku tamba percayau.

1 KURINTUS 7:15

Anyautu, amun jemau diau nidau percayau endak ninggalka lakiau apu biniau diau Keristen, nengkela. Ngan luak itu kamu bibas, karnau Allah endak kitau idup bedamai.

1 KURINTUS 8:1

Mbak kini aku endak ngiciakka ceritau makanan diau la disiwaukatu. Ngenian katau jemau, “Gegalau kitauni la pintar.” Anyautu kepintarantu mbuat jemau geduak, tapitu nyayangi jemau neguaka ati.

1 KURINTUS 10:23

Katau jemau, “Kitau bulia ngerjauka tuapau kila.” Nyela, anyautu nidau gegalaunyautu begunau. “Kitau bulia ngerjauka tuapau kila.” Nyela, anyautu nidau gegalaunyau ngiluakka idup kitau.

1 KURINTUS 14:3

Anyautu jemau diau ngiciakka katau Allah ngan manusiau, jemautu nulungi ngan neguaka ngan ngenjuakka semangai.

1 KURINTUS 14:4

Jemau diau ngiciak basau rua cuman neguaka diriau, tapitu jemau diau ngiciakka katau Allah majuka iman jemau Keristen.

1 KURINTUS 14:5

Alaka iluak, amun gegalau kamu pacak ngiciak basau rua, anyautu iluakla, amun kamu pacak ngiciakka katau Allah. Jemau diau ngiciakka katau Allah, begunaula diau sangkan jemau diau ngiciak basau rua, lain amun jemau diau ngiciak basau ruatu pacak meretika setu diau dikiciakkanyautu, supayau begunau batan endak gegalau jemau Keristen.

IPISUS 4:12

Gegalaunyau dikerjaukaNyau, supayau umat Allah didandani galau, mangku pacak bekerjau batan endak Tuhan, mangku badan Keristus, diautu jemau percayau, diteguaka.