RUM 12:8 - PEJANJIAN EMPAI CERITAU ILUAK

⁸ Jemau diau pacak muji jemau mesti muji nian. Jemau diau pacak ngenju'i jemau mesti ngenjuak nian ngan sepantasau. Jemau diau pacak mimpin mesti mimpin nian. Jemau diau pacak nyialka jemau mesti nyialkanyau ngan riang.

RUM 12:8 Referans Kwoze

2 KURINTUS 9:7

Bilang jemau mesti ngenjuak nurut kenda'au, jangan ngan asau-asauan, jangan meghasau tepasau, karnau Allah nyayangi jemau diau ngenjuak ngan riang.

1 TIMUTIUS 5:17

Pengulu diau iluak kerjaunyau pantas diregaui duau kali lipat, terutamau jemau diau rajin beketuba ngan ngajagh.

1 KURINTUS 12:28

Mangku Allah la netapka mecam-mecam jemau di guak jemau Keristen, diau dulu sekali rasul, mangku nabi, mangku guru, mangku adau pulau diau pacak mbuat tandau nyelia ngan diau pacak meghaduka jemau buidapan, mangku diau pacak nulung jemau lain ngan diau pacak mimpin, mangku pulau diau pacak ngiciak basau rua.

IBRANI 13:17

Ta'ati pengulu kamu ngan tunduak ngan ughangtu, karnau ughangtu maju njagaui kamu ngan nanggung-jawabkanyau ngan Allah. Amun kamu ta'at, ughangtu pacak bekerjau ngan riang. Amun nidau, ughangtu bekerjau ngan dayi mangut, mangku carautu nidau nulung kamu.

RASUL 15:32

Yudas ngan Silas diau pulau nabi lamau bekiciak ngan jemau percayau, melemakka ngan neguaka ati ughangtu.

RASUL 13:15

Ukum Taurat ngan kitab nabi la dibacauka, petugas ghuma sembayangtu ngajung nanyauka ughang duautu, “Amun kamu adau pesan diau nguatka ughang ini, kiciakkala ngan kami.”

IBRANI 13:24

Sampaikala pesan kami ngan gegalau pengulu kamu ngan gegalau jemau Keristen. Adau pulau pesan jak di kantin-kantin kitau di Italia.

IBRANI 13:22

Mangku, kantin-kantinku, aku mintak, supayau kamu nerimau petua itu tadi ngan riang, karnau surat ini nidau panjang nian.

IBRANI 13:7

Ingatkala pengulu kamu diau ngiciakka ceritau jak di Allah ngan kamu. Peratikala carau idupau ngan carau diau mati. Penaula carau ughangtu percayau.

IBRANI 10:25

Mela kitau rajin betunggal endak sembayang, jangan kitau malas luak bebeghapau jemau. Mela kitau sangi ingatka ngan tamba rajin ngerjaukanyau, karnau nidau lamau agi Tuhan ka datang.

2 KURINTUS 8:12

Amun kamu sukau ngenjuak, mangku Allah ka nerimau enju'an kamutu nurut setu diau adau di kamu, ukan nurut setu diau nidau bediau di kamu.

1 KURINTUS 14:3

Anyautu jemau diau ngiciakka katau Allah ngan manusiau, jemautu nulungi ngan neguaka ngan ngenjuakka semangai.

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 20:2

Diau berayak ke daira itu. Ngan banyak petua diau neguaka ati jemau percayau di situ. Mangku diau pegi ke Yunani.

1 TIMUTIUS 4:13

Penarau ini enggut aku datang, kaba mesti maju mbacau Injil nian ngan ngajagh ngan neguaka jemau.

1 TESALUNIKA 2:8

Karnau kami sayang, mangku kami galak ngenjuakka ngan kamu ukan ajau ceritau iluak jak di Allah, tapitu idup kami pulau, karnau kami nyayangi kamu nian.

1 TESALUNIKA 2:3

Aja'an kamini ukan karnau kami sesat, ukan pulau karnau tujuan diau nidau iluak, ukan pulau endak nipuka.

KULUSI 3:22

Babu-babu ta'atila gegalaunyau ngan tuan kamu diau di deniauni. Jangan cuman ta'at, amun dikina'i karnau endak dipuji. Ta'atila diau nian, karnau takut ngan Tuhan.

IPISUS 6:5

Kamu, budak-budak, ta'atila perinta tuan kamu diau adau di deniauni ngan takut. Kerjaukala titu ngenian, luak ta'at ngan Keristus.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

2 KURINTUS 9:13

Karnau keilu'an diau kamu nyataukatu banyak jemau Keristen di Yudia ka muji Allah, karnau nginak kamu ta'at ngan ceritau iluak jak di Keristus diau kamu ikutitu. Ughangtu ka muji Allah pulau, karnau kamu iluak ngan ngenjuak setu diau adau di kamu ngan gegalau jemau.

2 KURINTUS 9:11

Ngan carau luak itu kamu ka serbau cukup, mangku kamu maju pacak ngenjuak ngan riang. Mangku banyak jemau ka beterimau-kasia ngan Allah, karnau enju'an kamu diau kami agiaka.

2 KURINTUS 1:12

Kami bangga, karnau diyakinka ati keciak kami, bansau gegalaunyau diau kami kerjauka di deniau ini terutamau ngan kamu, la kami kerjauka ngan jujur ngan beresia di adapan Allah. Kami ngerjaukanyau ukan ngan pengertian manusiau, tapitu ngan kekuatan jak di Allah.

RUM 13:6

Itula pulau sebapau kamu mbayighi cuki, karnau pemerinta wakil Allah diau ngurus cukitu.

RUM 12:13

Tulungla kantin diau percayau diau nidau bediau tuapau-apau. Terimaula jemau di ghuma kamu ngan riang.

MATIUS 25:40

Mangku Rajau itu ka nimbal, ‘Keruanila, setu diau kamu ngerjauka ngan sala sughang kantinKu ini empuak diau inau sekali, kamu kerjauka batan endak Aku.’

RASUL 13:12

Nginak setu diau tejaditu, gubernur tadi percayau ngan Tuhan. Diautu kepagauan nian ngan ajaghan Tuhan.

RASUL 4:36

Luak itula pulau Yusup. Diau pulau njualka tanahau, mangku tanciau dibata'au, diserakanyau ngan rasul. Yusuptu pengadau Liwi, asalau jak di Siprus. Diau pulau diadaki Barnabas, retiau jemau diau meriangka.

RASUL 11:23

Barnabas la sampai di Antiukia, diau nginak Allah iluak ngan ughangtu, mangku diau riang nian. Diau ngajung, supayau ughangtu maju ta'at ngan Tuhan ngan setia.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.