RUM 12:10 - PEJANJIAN EMPAI CERITAU ILUAK

¹⁰ Kamu mesti sangi sayangi luak jemau duau beghading, simbang-cepat sangi regaui.

RUM 12:10 Referans Kwoze

PILIPI 2:3

Jangan bekerjau ndalak kepentingan diri kamu ngan mintak dipuji. Anyautu kamu mesti ngensian ngan nganggap pentingla jemau sangkan kamu.

IBRANI 13:1

Sangi sayangila kamu, ui jemau Keristen!

1 YUHANIS 4:11

Kantin-kantinku, amun Allah nyayangi kitau luak itu, mangku kitau pulau mesti sangi sayangi.

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

1 PITRUS 2:17

Regauila gegalau jemau, sayangila kantin-kantin kamu diau percayau, takutla ngan Allah, regauila rajau!

1 TESALUNIKA 4:9

Nidau nanti kami nulis agi ngan kamu ceritau nyayangi kantin seagamau. Kamuni la diajaghi Allah sangi sayangi.

GALATIA 5:13

Kantin-kantinku, nyela kamutu la diajung njadi jemau diau bibas. Anyautu jangan kebibasantu njadi tapakan endak idup nuruti kendak dusau. Tapitu kamu mesti sangi sayangi ngan sangi tulungi.

GALATIA 5:22

Anyautu jemau diau dibimbing Rua Allah asilau luak ini: Jemautu sayang ngan jemau, diau riang, adau damai, ngaligh, galak nulung jemau, diau iluak, setia,

1 YUHANIS 4:20

Amun jemau bekatau, “Aku nyayangi Allah”, anyautu luat ngan kantinau, jemautu pembu'ung. Karnau jemau diau nidau nyayangi kantinau diau kina'an, manau ka pacak nyayangi Allah diau nidau kina'an.

2 PITRUS 1:7

Ta'at ngan Allah ditamba ngan sayang ngan kantin diau suagamau. Sayang ngan kantin kamu ditamba ngan sayang ngan gegalau jemau.

1 PITRUS 5:5

Luak itu pulau kamu diau gi mudau, tunduakla ngan jemau tuau, mangku gegalau kamu sangi tulungila ngan nganggap jemau lain lebia penting. Karnau di Injil ditulis luak ini, “Allah melawan jemau geduak, tapitu nyayangi jemau ngensian.”

YUHANIS 15:17

Inila perintaKu ngan kamu: Sangi sayangila kamu.”

RUM 13:7

Bayighila ngan gegalau jemau setu diau mesti dibayighi. Bayighila gegalau cuki diau mesti kamu bayighi. Regauila gegalau jemau diau mesti diregaui.

RASUL 4:32

Jemau percayau suati serupu'an galau. Nidau bediau sughang kia diau bekiciak, bansau setu diau adau di diautu retaunyau diau sughang, gegalaunyau sesamau ngempuau.

LUKAS 14:10

Amun kapu dighi diaja'i, duduakla di belakang sekali. Asauku tuan ghuma ka njenguak kapu dighi ngan bekatau, ‘Mela, duduak di mukau.’ Mangku kapu dighi diregaui di adapan gegalau menda diau lain.

MATIUS 20:26

Anyautu kamuni jangan luak itu. Jemau diau endak njadi pengulu, jemautu mesti njadi luak anak-bua.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

KULUSI 1:4

karnau kami la ndengagh ceritau kamu percayau ngan Yesus Keristus ngan kamu nyayangi gegalau umat Allah.

GALATIA 5:6

Karnau amun kitau la idup seghundak ngan Keristus, apu besunat apu nidau besunat, itu nidau bediau retiau. Diau penting, percayau ngan Keristus, mangku itu nyatau ngan sayang kitau ngan jemau.

YUHANIS 17:21

Bak, Aku mintak, supayau gegalau ughangtu njadi seghundak, luak Dighi seghundak ngan Aku, Aku seghundak ngan Dighi. Aku endak ughangtu seghundak ngan kitau, mangku deniau percayau, bansau Dighi ngajung Aku.