RUM 12:1 - PEJANJIAN EMPAI CERITAU ILUAK

¹ Mangku, kantin-kantinku, Allah iluak nian ngan kitau. Itula sebapau aku mintak nian ngan kamu, supayau kamu nyeraka diri kamu njadi kerban diau idup batan endak Allah ngan melemakka atiAu. Luak itula semestiau kamu nyemba Allah.

RUM 12:1 Referans Kwoze

1 PITRUS 2:5

Kamu umpamau batu-batu diau idup. Karnau itu enangka kamu dipakai batan endak negakka ghuma Allah diau ruhani. Ngan carau luak itu kamu njadi imam-imam diau idup beresia batan endak Allah, mangku ngerbanka ngan Allah kerban diau ruhani diau melemakka ati Allah karnau Keristus.

RUM 6:13

Jangan agi kamu nyeraka dandanan badan kamu ngan kuasau dusau endak ngerjauka setu diau ja'at. Anyautu serakala diri kamu ngan Allah karnau kamu la ngalia jak di mati mangku ngulang idup. Mangku serakala gegalau diri kamu ngan Allah batan endak ngerjauka setu diau benagh.

RUM 6:19

Karnau kamu segau ngerti, aku endak ngiciakka cuntau idup idang aghi. Senitu kamu nyeraka diri kamu njadi budak setu diau nidau senangaian ngan tamba ja'at mangku ngerjauka keja'atan. Luak itu pulau mbak kini kamu mesti nyeraka gegalau diri kamu njadi budak Allah mangku ngerjauka setu diau beresia.

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

IPISUS 4:1

Itula sebapau, aku sughang kawalan diau dikawalka karnau bekerjau batan endak Tuhan. Mangku aku mintak nian, supayau kamu diau la dipilia Allah idup sesuai ngan piliantu.

RUM 6:16

Cengki kamu keruan, amun kamu njualka diri kamu ngan sughang jemau njadi buda'au, mangku kamu budak jemautu nian ngan mesti na'atinyau. Apu kamu budak dusau ngan na'ati dusau diau nyebapka kamu mati, apu kamu budak Allah ngan na'atiNyau, mangku kamu dibenaghka?

2 KURINTUS 4:16

Itula sebapau kami nidau tekedan. Empuak badan kami tamba guyuk, ati kami maju diteguaka.

1 TESALUNIKA 4:1

Mangku mbak kini, kantin-kantinku, kami ngajung kamu idup melemakka ati Allah, semegi ngan diau la kami kiciakka ngan kamu senitu. Nyela, kamu la ngerjaukanyau. Anyautu mbak kini ngan kuasau Tuhan Yesus kami ngajung kamu tamba beusaha agi melemakka ati Allah.

2 KURINTUS 5:20

Kamini diajung Keristus. Mangku amun kami ngiciak, itu luak Allah ngiciak ngan kamu. Atas namau Keristus kami mintak nian, terimaula kasia Allah diau mbuat kamu seilu'an ngan Diau.

IPISUS 5:10

Beusahala ngeruani setu diau meriangka ati Tuhan.

PILIPI 2:17

Berangkali daghaku ka ditumpaka luak dicughuaka di pucuak kerban diau kamu enjuakka ngan Allah karnau percayau. Amun titu ka tejadi nian, aku beterimau-kasia ngan ikut riang ngan kamu.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

RUM 2:4

Apu kamu nganggap mura karnau Allah iluak, ngaligh ngan lambat ngukum? Cengki kamu keruan, bansau Allah iluak karnau Diau endak, supayau kamu ngubai jak di dusau-dusau kamu.

1 PITRUS 2:20

Apu kamu dipuji, amun kamu nanggungka ukuman diau semestiau kamu tanggung karnau besala? Anyautu amun kamu nanggung karnau kerjau diau iluak, mangku Allah ka iluak ngan kamu.

PILIPI 4:18

Mbak kini aku la nerimau gegalaunyau, la lebia jak di cukup. Gegalau pengenjuak kamu la kuterimau jak di Epapruditus. Gegalaunyau diau kuendak la adau galau. Pengenjuak kamutu luak kerban diau bembau ghum diau dikerbanka ngan Allah ngan diterimau ngan riang.

2 KURINTUS 6:1

Kamini sesamau bekerjau ngan Allah, mangku kami mintak nian, supayau jangan kamu mbuat keilu'an ati Allah diau la kamu ghasauka nidau begunau agi.

RUM 15:30

Karnau kitau semegi percayau ngan Keristus ngan kitau sangi sayangi karnau Rua Allah, mangku aku mintak nian, supayau kamu ndu'aka aku.

RUM 15:16

Diautu ngajung aku bekerjau batan endak Yesus Keristus. Diau njadika aku imam batan endak ngiciakka ceritau iluak jak di Allah ngan jemau bangsau lain, supayau ughangtu nyeraka diriau ngan Allah endak idup melemakka ati Allah ngan diberesiaka Rua Allah.

PILIPI 1:20

Aku endak nian ngan ngaghapka, supayau aku maju ngerjauka diau benagh. Aku ngaghapka, supayau luak jak di senitu mangku pulau mbak kini Keristus diregaui ngan gegalaunyau diau kukiciakka ngan kukerjauka, empuak aku idup empuak aku mati.

1 TIMUTIUS 2:3

Itula diau iluak ngan melemakka ati Allah, Penyelamat kitau.

1 TESALUNIKA 5:12

Kami ngajung kamu nian, kantin-kantinku, supayau kamu meregaui jemau diau bekerjau guak kamu, jemau diau la dipilia Tuhan njadi pengulu kamu ngan ngajaghi kamu.

LUKAS 7:47

Keruanila, dusaunyau diau banyak itu la diabiska. Kitau keruan, karnau diau la banyak ngerjauka setu diau iluak. Anyautu jemau diau diabiska dikit dusaunyau, dikit pulau diau ngerjauka setu diau iluak.”

IBRANI 13:22

Mangku, kantin-kantinku, aku mintak, supayau kamu nerimau petua itu tadi ngan riang, karnau surat ini nidau panjang nian.

1 TIMUTIUS 5:4

Anyautu amun sughang randau adau anak ngan cucung, ughangtula diau mesti belajagh, bansau ughangtu wajib nulung denga-sana'au ngan mbalas keilu'an pejadi ngan nini'au. Itula diau melemakka ati Allah.

1 TESALUNIKA 4:10

Nyela, kamu la ngerjaukanyau ngan gegalau jemau diau percayau di Makedunia. Anyautu kami ngajung kamu, supayau tamba ngerjaukanyau nian.

RUM 9:23

Allah pulau endak nunjuakka keagungan ngan kekayauan diau nidau abis-abis ngan kitau diau disayangiNyau, kitau diau la disediauka endak diagungka,

2 KURINTUS 4:1

Kami nerimau tugas itu, karnau Allah itu iluak. Karnau itu kami nidau tekedan.

2 KURINTUS 10:1

Aku, Paulus, adau diau endak kukiciakka ngan kamu. Nurut katau jemau akuni nidau beghani, amun buadapan ngan kamu, tapitu beghani, amun jawua. Karnau Keristustu iluak ngan lembut,

PILEMUN 1:9

Anyautu karnau kitau sangi sayangi, iluakla aku mintak ajau. Akuni la tuau, lagi pulau mbak kini dalam jil karnau Yesus Keristus.

PILEMUN 1:10

Aku, Paulus, mintak ngan kaba batan endak anakku Unisimus. Aku njadi ba'au dalam Keristus masau di jil.