RUM 10:16 - PEJANJIAN EMPAI CERITAU ILUAK

¹⁶ Anyautu nidau gegalau jemau nerimau ceritau itu. Yesaya la ngiciak, “Tuhan, sapau ka percayau ngan kici'an kamu?”

RUM 10:16 Referans Kwoze

RUM 3:3

Mangku luak manau, amun adau jemau Yahudi diau nidau setia? Apu karnau itu Allah pulau nidau setia?

IBRANI 4:2

Ceritau iluak itu la dikiciakka ngan kitau luak diau la dikiciakka ngan ughangtu. Anyautu nidau bediau gatiau ceritautu dikiciakka, amun jemau diau ndengaghau nidau percayau.

2 TESALUNIKA 1:8

Ngan api diau maghak Diau ka tughun endak ngukum jemau diau enggup percayau ngan Allah ngan enggup ta'at ngan ceritau iluak jak di Yesus, Tuhan kitau.

GALATIA 5:7

Senitu kamu bejuang ngan iluak. Mbak kini ngapau kamu nidau ta'at agi ngan Allah? Sapau diau ngasut kamu?

1 PITRUS 2:8

Ngan pulau, “Itula batu diau mbuat jemau tuantuak, batu diau mbuat jemau telabua.” Ughangtu tuantuak, karnau nidau ta'at ngan kici'an Allah. Luak itula ditetapka Allah batan endak ughangtu.

IBRANI 11:8

Karnau percayau, mangku Abraham ta'at, masau diau dipilia ngan diajung pegi ke nenggeri diau Allah janjika ngan diau. Mangku Abraham bejalan, nidau keruan ka ke manau diau.

IBRANI 5:9

Mangku la udim Diau njadi sempernau, Diau pacak nyelamatka enggut selelamaunyau jemau diau nurutiNyau.

RUM 6:17

Terimau-kasia nian ngan Allah, karnau senitu kamu njadi budak dusau, mbak kini kamu na'ati nian ajaghan diau benagh diau la dikiciakka ngan kamu.

RUM 2:8

Anyautu jemau diau ndalak idup batan endak diau sughang, nidau endak ta'at ngan Allah ngan maju ngerjauka diau ja'at, jemautu ka didawaika Allah nian.

1 PITRUS 3:1

Luak itu pulau kamu diau njadi bini, kamu mesti tunduak ngan laki kamu, supayau amun adau diau nidau percayau ngan ceritau jak di Allah, kerjau kamu pacak mbuat diau percayau, nidau nanti ngiciak tuapau-apau,

1 PITRUS 1:22

Karnau kamu la ta'at ngan Allah, kamu la mbasua diri kamu, mangku pacak nyayangi jemau percayau ngenian. Karnau itu kamu mesti sangi sayangi nian.

GALATIA 3:1

Ui jemau Galatia, kamu bigal nian! Kamu tepengarua ngan sapau? Keristus diau la mati di kayu saliptu la kamu keruan nian.

RUM 16:26

Anyautu mbak kini rencanau itu la dinyatauka karnau perinta Allah, mangku dikiciakka ngan gegalau bangsau jak di tulisan nabi-nabi, supayau ughangtu percayau ngan ta'at ngan Allah.

RUM 11:17

Separau cangka kayu saitun diau iluak diau diumpamauka jemau Yahudi la ditetak. Mangku cangka kayu diau karut dicangkuakka di guak teta'an tadi. Kamu diumpamauka cangka cangku'antu, mangku kamu idup jak di batang diau iluak.

RUM 1:5

Karnau Diau pulau kami disayangi Allah mangku dijadika rasul endak meregaui Keristus ngan mbimbing jemau jak di gegalau bangsau, supayau percayau ngan ta'at ngan Keristus.

RASUL 28:24

Adau diau percayau karnau kici'an Paulus, adau diau nidau.

YUHANIS 10:26

Kapu dighini nidau percayau, karnau kapu dighi nidau temasuak bilangan bebiriKu.

MATIUS 13:14

Mangku ditepati kici'an nabi Yesaya, ‘Allah bekatau, kamu maju ndengagh, anyautu nidau terti. Kamu maju nginak, anyautu nidau kina'an.