RUM 1:24 - PEJANJIAN EMPAI CERITAU ILUAK

²⁴ Itula sebapau Allah ngenangka ughangtu dikuasaui serilau atiau endak ngerjauka setu diau nidau senangaian, mangku sangi kerjauka setu diau ja'at.

RUM 1:24 Referans Kwoze

RASUL 7:42

Mangku Allah ninggalka ughangtu ngan ngenangka ughangtu nyemba setu di langit luak ditulis dalam kitab nabi-nabi, ‘Ui, kapu dighi, apu batan endak Aku kamu ngerbanka benatang selamau empat pulua taun di padang bungin?

RASUL 14:16

Timpau dulu Allah ngenangka gegalau bangsau idup nurut kenda'au ajau.

MATIUS 15:14

Nengkela ughangtu. Ughangtu luak jemau butau diau mapa jemau butau. Amun jemau butau mapa jemau butau, cetau ughang duautu ka telabua masuak pelubang.”

1 TESALUNIKA 4:4

Bilang lanang jak di kamu mesti keruan, luak manau bulia bunting ngan carau diau beresia, mangku idup ngan buntingautu ngan carau diau melemakka ati Allah ngan manusiau.

1 KURINTUS 6:18

Jawuhila kerjau diau ja'attu! Gegalau dusau lain diau dikerjauka jemau di luagh badan. Anyautu jemau diau ngerjauka kerjau ja'at ndusaui badanau sendighi.

1 KURINTUS 6:13

Makanan batan endak busung, busung bada makanan. Empuak busung empuak makanan, gegalaunyau ka diabiska Allah. Anyautu badan ukan batan endak ngerjauka kerjau ja'at, tapitu batan endak ngerjauka kerjau Tuhan mangku Tuhan ka nyayiau.

RUM 6:12

Karnau itu jangan agi endak idup kamu di deniauni dikuasaui dusau, supayau jangan agi nuruti serilau diau ja'at.

IPISUS 2:3

Sebenaghau senitu gegalau kitau semegi ngan ughangtu. Kitau nuruti serilau manusiau ngan ngerjauka sekendak badan ngan rupu'an kitau diau ja'at. Masau itu kitau jemau diau kenau mara Allah semegi ngan jemau laintu.