RUM 1:14 - PEJANJIAN EMPAI CERITAU ILUAK

¹⁴ Aku adau kewajiban ngan gegalau jemau, empuak jemau diau maju empuak jemau diau kulut, empuak jemau diau sekul empuak jemau butau urup.

RUM 1:14 Referans Kwoze

KULUSI 3:11

Mangku nidau bediau bidahau antarau jemau Yahudi ngan jemau ukan Yahudi, antarau jemau besunat ngan jemau nidau besunat, antarau bangsau-bangsau, antarau babu ngan jemau bibas, karnau Keristus itu gegalaunyau, Diautu seghundak ngan gegalau ughangtu.

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

RASUL 22:21

Anyautu Tuhan bekatau agi, ‘Pegila, Aku ka ngajung kaba ke bada diau jawua jak di sini njenguak jemau bangsau lain.’ ”

RUM 12:16

Suijauanla sughang ngan diau lain. Jangan geduak. Terimaula pulau jemau diau nidau diregaui. Jangan anggap diri kamu pintar.

2 KURINTUS 11:19

Kamu ngaligh nian ngan jemau bigal, karnau kamu meghasau pintar.

RUM 16:19

Gegalau jemau la keruan kamu ta'at nian. Karnau itu aku riang ngan ceritau kamu. Aku endak, supayau kamu bepengertian ngan setu diau iluak, tapitu bigal ngan setu diau ja'at.

RUM 13:8

Jangan beutang tuapau-apau ngan sapau kila. Cuman semecam ini diau mesti kamu kerjauka: sangi sayangi. Karnau jemau diau nyayangi kantinau la na'ati gegalau ukum Taurat.

RUM 8:12

Mangku, kantin-kantinku, kitau adau utang. Kitau ukan beghutang ngan manusiau endak idup nurut serilau manusiau.

RUM 1:22

Ughangtu nganggap diriau pintar, awuak bigal.

TITUS 3:3

Karnau senitu kitau pulau idup bigal, nidau ta'at, sesat. Kitau dibudakka bemecam serilau ngan kendak. Idup kitau ja'at, sengit, sangi luatka.

2 TIMUTIUS 2:10

Itula sebapau aku nanggungka gegalaunyautu ngan ngaligh batan endak jemau diau dipilia Allah, mangku ughangtu pulau pacak diselamatka Yesus Keristus ngan meghasauka keagunganNyau selelamaunyau.

2 KURINTUS 10:12

Nyela, kami nidau beghani nyamauka ngan mbandingka kamini ngan jemau diau muji diriau. Alaka bigal ughangtu! Makai diriau njadi ukuran, mangku mbandingka diriau ngan diri ughangtula.

1 KURINTUS 14:16

Amun kamu beterimau-kasia ngan Allah ngan basau rua ajau, mangku jemau lain nidau pacak ngaminka du'a beterimau-kasia, karnau nidau terti setu diau kamu kiciakkatu.

1 KURINTUS 14:11

Anyautu amun aku nidau ngerti basau, jemau diau ngiciak basautu jemau asing ngan aku. Mangku aku pulau jemau asing ngan diau.

1 KURINTUS 3:18

Jangan sughang kia nipuka diriau. Amun adau jak di kamu diau meghasau pintar nurut deniauni, nengkela diau njadi bigal, mangku diau bepengertian nian.

1 KURINTUS 2:13

Mangku, amun kami ngiciakka Allah ngan jemau diau adau Rua Allah, kami nidau ngiciakkaNyau nurut rupu'an jemau, tapitu nurut ajaghan Rua Allah.

RUM 11:25

Kantin-kantinku, mangku supayau kamu jangan nganggap kamu la keruan gegalaunyau, aku endak supayau kamu ngeruani resiau ini: Separau jak di jemau Israil melawan, anyautu cuman enggut bilangan jemau bangsau lain diau percayau la cukup.

RASUL 28:4

Satu ughangtu nginak ulagh itu tegerintung di tangan Paulus, ngiciak sughang ngan diau lain, “Jemautu cengki pembunua, karnau empuak diau lepas jak di bayau laut, diwau keadilan nidau ngenangka diau idup.”

RASUL 28:2

Jemau pulau itu iluak nian ngan kami. Ughangtu ningguakka api besak batan endak kami, karnau aghi ujan lagi dingin.

LUKAS 10:21

Masau itu pulau Yesus injiak nianan, karnau dikuasaui Rua Allah sampai bekatau, “Bak, Aku ngagungka Dighi, Tuhan langit ngan deniau, karnau gegalaunyautu Dighi resiauka ngan jemau pintar ngan jemau beilmu. Anyautu Dighi nyataukanyau ngan jemau biasau. Itula diau melemakka ati Dighi.

MATIUS 11:25

Masau itu Yesus bekatau, “Bak, Aku ngagungka dighi, Tuhan langit ngan deniau, karnau gegalaunyau ini Dighi resiauka ngan jemau diau sekul ngan jemau pintar. Anyautu Dighi nyataukanyau ngan jemau biasau.