RASUL 9:22 - PEJANJIAN EMPAI CERITAU ILUAK

²² Anyautu Saulus tamba bekuasau mbuktika, Yesus itula Almasih, Rajau Penyelamat, mangku jemau Yahudi diau mendam di Damsiktu nidau pacak agi nimbal.

RASUL 9:22 Referans Kwoze

RASUL 18:5

Silas ngan Timutius la sampai jak di Makedunia, kerjau Paulus cuman ngiciakka ceritau jak di Allah ngan jemau Yahudi, mbak bansau Yesus itula Mesias, Rajau Penyelamat itu.

LUKAS 21:15

Akunila ka ngenjuakka ngan kamu katau-katau ngan kepintaran, mangku nidau sughang kia jak di musua kamu pacak melawan ngan nyalaka kamu.

1 KURINTUS 1:27

Allah sajauka milia diau dianggap bigal di deniauni, supayau jemau diau pintar dimaluka. Allah milia pulau diau dianggap deniau litak, supayau jemau diau gaga dimaluka.

RASUL 28:23

Mangku ughangtu netapka aghiau endak betemu ngan Paulus. Aghi diau ditetapkatu banyak nian jemau datang ke bada Paulus. Jak di akap enggut malam Paulus ngiciakka ngan nerangka ceritau Allah endak merinta. Makai ayat-ayat kitab Musa ngan kitab nabi-nabi diau beusaha, supayau ughangtu percayau ngan Yesus.

PILIPI 4:13

Gegalaunyautu pacak kutanggung, karnau kuasau diau dienjuakka Keristus ngan aku.

RASUL 17:3

Diau nerangka ngan mbuktika, mbak bansau Mesias, Rajau Penyelamattu, mesti sengsarau mangku ngulang idup jak di mati, kataunyau, “Inila Mesias, Rajau Penyelamattu, Yesus diau kukiciakka ngan kapu dighi.”

RASUL 9:20

Diau pegi ke ghuma sembayang ngan ngiciakka, bansau Yesus itula Anak Allah.

RASUL 9:21

Gegalau jemau kemangan ndengagh kici'annyautu ngan bekatau, “Diau inila asauku di Yerusalim mbunua gegalau jemau diau percayau ngan Yesus itu. Mangku diau datang ke sini endak nangkap ughangtu, dibata'inyau ngadap imam-imam bepangkat tinggi.”

RASUL 9:23

Lum lamau udim itu, jemau Yahudi sepakat endak mbunua Saulus.

RASUL 9:27

Mangku Barnabas nulung diau, dibata'inyau njenguak rasul-rasul, dikiciakkanyau ngan ughangtu ceritau Saulus nginak Tuhan di tenga jalan ngan Tuhan ngiciak ngan diau. Dikiciakka pulau ceritau Saulus diau beghani nian ngajagh di Damsik pakai namau Yesus.

GALATIA 1:18

Tigau taun la udim itu, aku pegi ke Yerusalim endak betemu ngan Pitrus. Aku berayak ngan diau cuman limau belas aghi.

1 TIMUTIUS 1:12

Aku beterimau-kasia ngan Yesus Keristus Tuhan kitau. Diautu nguatka aku bekerjau batan endak Diau, karnau Diau nganggap aku pantas ngerjauka titu.