RASUL 9:18 - PEJANJIAN EMPAI CERITAU ILUAK

¹⁸ Masau itu pulau setu diau luak sisiak ikan di matau Saulus pacul, mangku pacak nginak agi. Udim itu diau dibaptis.

RASUL 9:18 Referans Kwoze

2 KURINTUS 3:14

Anyautu rupu'an ughangtu tetutup. Enggut mbak kini rupu'an ughangtu masia tetutup, amun ughangtu mbacau kitab janji diau lamau itu. Rupu'an ughangtu cuman pacak tebukak, amun seghundak ngan Keristus.

RASUL 22:16

Mbak kini jangan agi kaba asau-asau. Mintakla dibaptis. Ngiciakla ngan Tuhan, mintak supayau dusau kaba diabiska.’ ”

RASUL 2:38

Pitrus nimbal, “Ubaila perembak kapu dighi jak di dusau ngan mintak dibaptis ngan namau Yesus Keristus, mangku dusau kapu dighi diabiska, mangku kapu dighi ka dienju'i Rua Allah.

2 KURINTUS 4:6

Allah la bekatau, “Jak di keleman ka nimbul terang.” Allah itu pulau nimbulka terang di ati kitau, supayau rupu'an kitau njadi terang mangku ngeruani keagungan Allah diau kina'an di dayi Keristus.

RASUL 2:41

Banyak jemau percayau ngan kici'an Pitrus, mangku mintak dibaptis. Gegalau jemau diau percayau aghi itu kekirau tigau ribu ughang.

RASUL 9:8

Saulus betegak ngan mbukak mataunyau, anyautu mataunyau nidau pacak nginak tuapau-apau, mangku diau dipapa masuak ke Damsik.

RASUL 9:17

Mangku Ananias pegi ke situ masuak ghumatu, ditepiakkanyau tanganau di pucuak palak Saulus. Katau Ananias, “Tuhan Yesus diau kaba kinak di tenga jalan masau kaba endak ke sini, Diau ngajung aku njenguak kaba, supayau kaba pacak nginak agi ngan dikuasaui Rua Allah.”

RASUL 9:19

Diau makan mangku diau kuat agi. Saulus mendam bebeghapau aghi di Damsik ngan anak-bua Yesus.

RASUL 22:13

Diau datang njenguak aku, betegak guak aku ngan bekatau, ‘Ui, Saulus, nginakla agi kaba.’ Masau itu pulau aku ncega, mangku matauku nginak agi.