RASUL 2:40 - PEJANJIAN EMPAI CERITAU ILUAK

⁴⁰ Luak itula Pitrus ngiciak ngan ughangtu. Mangku ngan banyak katau lain diau ngajung ughangtu nian, supayau njawuaka diriau jak di jemau ja'attu diau ka diukum Allah.

RASUL 2:40 Referans Kwoze

PILIPI 2:15

Mangku kamu nidau besala, luak anak-anak Allah diau nidau becacat ngan idup ngan benagh di guak jemau diau ja'at ngan bedusau. Mangku kamu luak bintang diau besinagh di langit nerangi deniau,

1 TIMUTIUS 4:16

Jagauila diri kaba ngan jagauila ajaghan kaba. Kaba mesti tekun ngerjauka gegalaunyautu, karnau ngan carau luak itu kaba ka nyelamatka diri kaba ngan gegalau jemau diau ndengaghka kaba.

IPISUS 4:17

Karnau itu demi namau Tuhan aku mintak nian, supayau kamu jangan agi idup luak jemau diau nidau keruan Allah ngan maju merupuakka setu diau nidau begati.

2 KURINTUS 6:17

Karnau itu, “Tinggalkala jemau diau nidau keruan Allah, jawuaka diri kamu jak di ughangtu. Jangan ngecakka setu diau aram, mangku Aku ka nerimau kamu.

MATIUS 17:17

Katau Yesus, “Ui, kamuni jemau nidau percayau lagi sesat. Lamau beghapau agi Aku mesti guak kamu? Lamau beghapau agi Aku mesti ngaligh ngan kamu? Batakla anak itu ke sini!”

MATIUS 16:4

Alaka ja'at ngan jeditau jemau mbak kini. Kapu dighi mintak Aku mbuat tandau nyelia. Anyautu kamu nidau ka dienjuakka sutiak kia tandau nyelia, lain jak di tandau nabi Yunus.” Udim ngiciak luak itu, Yesus pegi ninggalka ughangtu.

GALATIA 5:3

Lagi kukiciakka ngan kamu. Bilang jemau diau mintak disunat wajib nuruti gegalau ukum Taurat.

RASUL 28:23

Mangku ughangtu netapka aghiau endak betemu ngan Paulus. Aghi diau ditetapkatu banyak nian jemau datang ke bada Paulus. Jak di akap enggut malam Paulus ngiciakka ngan nerangka ceritau Allah endak merinta. Makai ayat-ayat kitab Musa ngan kitab nabi-nabi diau beusaha, supayau ughangtu percayau ngan Yesus.

MATIUS 23:33

Ai, kapu dighi jemau ja'at ngan pengadau jemau ja'at luak ulagh bebisau. Luak manau kapu dighi pacak nyelamatka diri jak di ukuman di nerakau?

1 PITRUS 5:12

Silas, kantinku diau pacak dipercayaui nulung aku nulis surat diau dikit ini. Aku endak neguaka ngan yakinka kamu, bansau gegalaunyau ini ngenian ceritau keilu'an Allah. Bepautla nian ngan pesan ini.

1 TESALUNIKA 2:11

Kamu keruan, bansau kami nulung bilang kamu luak bapak nulungi ana'au.

2 KURINTUS 5:20

Kamini diajung Keristus. Mangku amun kami ngiciak, itu luak Allah ngiciak ngan kamu. Atas namau Keristus kami mintak nian, terimaula kasia Allah diau mbuat kamu seilu'an ngan Diau.

RASUL 20:24

Anyautu aku nidau nyanauka idupkuni, asal aku pacak ngudimi kerjauku diau la ditugaska Tuhan Yesus ngan aku ngan setia enggut mati, ngiciakka ceritau keilu'an Allahtu.

LUKAS 21:36

Sepepadaula ngan maju bedu'a, mangku kamu kuat ngadapi gegalaunyau diau ka tejaditu, mangku kamu pacak ngadap Anak Manusiau.”

MARKUS 8:38

Kinak luak itu, amun jemau maluan ngaku'i Aku ngan kici'anKu di pugan jemau idup mbak kini diau nidau ta'at ngan bedusau, Anak Manusiau pulau ka maluan ngaku'i jemautu, masau Diau datang nanti ngan kuasau Bapa'Au dikantini malaikat-malaikat suci.”

RASUL 20:21

Empuak jemau Yahudi empuak jemau Yunani aku maju ngingatka nian, supayau ughangtu ngubai peremba'au, datang ngan Allah ngan percayau ngan Tuhan kitau Yesus Keristus.

YUHANIS 21:25

Gi banyak kerjau lain agi diau dikerjauka Yesus. Misalau gegalaunyau itu ditulis sejagh sutiak, asauku nidau ka cukup bada di gegalau deniau batan endak muatka gegalau kitab diau ka ditulis itu.

RASUL 20:11

La udim itu diau nayiak agi ke pucuak, diau ngagiaka ruti mangku makan jamuan Tuhan. La udim makan diau ngulang ngiciak, enggut paghak siang, mangku diau bejalan.

RASUL 20:9

Adau budak bujang, namaunyau Iutikus. Diautu duduak di awangan. Mangku karnau Paulus lamau nian ngiciak, budak bujangtu tekantuak mangku tekelap, mangku tumban jak di tingkat tigau. Satu diau dikatangka, diau la mati.

RASUL 20:2

Diau berayak ke daira itu. Ngan banyak petua diau neguaka ati jemau percayau di situ. Mangku diau pegi ke Yunani.

RASUL 15:32

Yudas ngan Silas diau pulau nabi lamau bekiciak ngan jemau percayau, melemakka ngan neguaka ati ughangtu.

RASUL 10:42

Mangku Diau ngajung kami ngiciakkaNyau ngan gegalau bangsau ngan nceritauka, bansau Diautu dijadika Allah akim jemau diau gi idup ngan jemau diau la mati.

MATIUS 12:34

Ui, kamu jemau ja'at. Manau ka adau kamu pacak ngiciakka setu diau iluak, amun kamu ja'at. Setu diau dikiciakka mulut, itula diau ngeluagh jak di ati.

LUKAS 16:28

Adau limau beghading agi di ghuma. Ajungka Lasarus ngingatka ughangtu, supayau jangan masuak ke bada sengsarau ini.’

RASUL 4:36

Luak itula pulau Yusup. Diau pulau njualka tanahau, mangku tanciau dibata'au, diserakanyau ngan rasul. Yusuptu pengadau Liwi, asalau jak di Siprus. Diau pulau diadaki Barnabas, retiau jemau diau meriangka.