RASUL 2:22 - PEJANJIAN EMPAI CERITAU ILUAK

²² Ui, kapu dighi, dengaghkala kataukuni. Yesus, jemau Nasarit itu, la dipilia Allah. Itu dinyatauka ngan kapu dighi ngan tandau-tandau ngan setu diau nyelia diau dikerjauka Yesus guak kapu dighi ngan kuasau Allah, luak kapu dighi la keruan galau.

RASUL 2:22 Referans Kwoze

YUHANIS 3:2

Adau semalam diau datang njenguak Yesus, kataunyau, “Rabi, kami keruan, Kaba sughang Guru diajung Allah, karnau nidau bediau sughang kia diau pacak mbuat tandau diau luak Kaba buat, amun ukan Allah diau ngenjuakka kuasau ngan diau.”

RASUL 4:10

Kapu dighi ngan bangsau kitau pulau mesti keruan galau, bansau jemau ini ghadu karnau kuasau Yesus Keristus, jemau Nasarit itu. Yesus itu diau la kapu dighi pakuka di kayu salip la diidupka Allah jak di mati.

LUKAS 11:20

Anyautu amun Aku ngisitka iblis ngan kuasau Allah, mangku Allah la mulai merinta di pugan kapu dighi.

MATIUS 12:28

Anyautu Aku ngisitka iblis ngan kuasau Rua Allah, mangku ngenian Allah la mulai merinta di guak kapu dighi.

MATIUS 9:8

Masau jemau banyak nginak setu diau tejaditu, ughangtu takut galau mangku ngagungka Allah, karnau Allah ngenjuakka kuasau besak ngan manusiau.

IBRANI 2:4

Lagi pulau Allah neguaka kici'an ughangtu ngan tandau nyelia ngan nyatauka kuasauNyau ngan ngenjuakka Rua Allah ngan jemau nurut kenda'Au.

2 KURINTUS 12:12

Tandau nyelia ngan kerjau diau hibat diau kukerjauka di guak kamu ngan ngaligh la nyatauka akuni rasul.

RASUL 26:26

Rajau pulau keruan nian gegalau ceritau itu. Karnau itu aku ngiciak terang-terangan ngan rajau. Aku percayau rajau cetau la ndengagh gegalau ceritautu, karnau gegalaunyautu nidau tejadi di bada diau tuasing.

RASUL 26:9

Senitu akuni pulau bependapat, bansau aku mesti ngerjauka gegalaunyau endak melawan Yesus, jemau Nasarit itu.

RASUL 24:5

La nyatau ngan kami, bansau jemau ini mbayauka. Diautu ngacauka jemau Yahudi di manau-manau di gegalau deniau. Diau pulau pengulu partai Nasarit.

RASUL 22:8

Aku betanyau, ‘Sapau Dighi, Tuhan?’ Kataunyau, ‘Akuni Yesus, jemau Nasarittu, diau kaba aniayau.’

RASUL 21:28

sampai tegauk, kataunyau, “Ui, jemau Israil, mela tetulungan! Inila jemaunyau diau ngajagh di manau-manau, ngajaghka gegalau jemau melawan bangsau kitau, melawan ukum Taurat ngan Ghuma Allah ini. Mbak kini diau mbata'i pulau jemau Yunani masuak dalam Ghuma Allah, mangku ngumuhi bada diau suci ini.”

RASUL 14:27

La sampai di situ, ughangtu ngajung jemau percayau betunggal, mangku ughang duautu nceritauka gegalaunyau diau la Allah kerjauka ngan ughangtu, luak manau Allah la nyatauka, supayau bangsau lain pulau pacak percayau ngan Allah.

RASUL 13:16

Paulus betegak, mangku ngenjuakka tandau ngan tanganau ngan bekatau, “Ui, kapu dighi jemau Israil ngan kapu dighi jemau diau takut ngan Allah, dengaghkala aku!

RASUL 6:14

Karnau kami la ndengagh diau ngiciakka, bansau Yesus, jemau Nasarittu, ka merubuaka bada ini ngan endak nguba adat lembagau diau diajaghka Musa ngan kitau.”

RASUL 5:35

Mangku diau bekiciak ngan sidangtu, “Ui, kapu dighi, rupuakkala iluak-iluak, tuapau diau endak kapu dighi buat ngan ughangtu.

RASUL 3:12

Pitrus nginak jemau banyak itu mangku bekatau, “Ui, kapu dighi. Ngapau kapu dighi kemangan nginak titu? Ngapau kapu dighi ngina'i kami? Apu kapu dighi kirau, kami mbuat jemautu bejalan, karnau adau kuasau di kamini ngan kamini alim nian?

YUHANIS 19:19

Pilatus ngajung ngenauka tulisan di kayu salip itu, bacauannyau, “Yesus, jemau Nasarit, Rajau jemau Yahudi.”

YUHANIS 15:24

Misalau di guak ughangtu Aku nidau ngerjauka setu diau lum kekela dikerjauka jemau, ughangtu nidau besala. Mbak kini ughangtu la nginak gegalaunyau diau Kukerjauka, anyautu ughangtu meluatka Aku ngan BapakKu.

YUHANIS 12:17

Jemau banyak diau la nginak Yesus ngajung Lasarus ngeluagh jak di kuburan diidupkaNyau jak di mati maju ngiciakka kejadian itu.

YUHANIS 11:47

Mangku imam-imam bepangkat tinggi ngan jemau Parisi ngajung pengadilan agamau betunggal, ngiciakka, “Tuapau diau mesti kitau kerjauka? Jemau itu ngerjauka banyak tandau nyelia.

YUHANIS 10:37

Amun Akuni nidau ngerjauka gegalau kerjau BapakKu, kapu dighi jangan percayau ngan Aku.

YUHANIS 9:33

Amun asal jemau itu ukan jak di Allah, Diau nidau ka pacak mbuat tuapau-apau.”

YUHANIS 7:31

Jak di jemau banyaktu banyak diau percayau ngan Diau. Ughangtu bekatau, “Amun Keristus datang, cengki nidau ka banyak tandau diau dikerjaukaNyau jak di diau dikerjauka jemau ini.”

YUHANIS 6:27

Jangan bekerjau endak ngerjauka makanan diau ka busuak. Bekerjaula ajau endak makanan diau nidau ka busuak ngan ngenjuakka idup empai selelamaunyau. Makanantu ka dienjuakka Anak Manusiau ngan kapu dighi, karnau Diautu la ditetapka Allah Bapak.”

YUHANIS 6:14

Jemau banyaktu nginak tandau diau diadauka Yesus tadi mangku bekatau, “Nyela, Diaunila Nabi diau diaghapka ka datang ke deniau.”

YUHANIS 5:36

Anyautu Akuni adau tandau bukti lain pulau, pentingla diau sangkan kici'an Yuhanistu. Setu diau la dienjuakka Bapak ngan setu diau Kukerjauka mbak kini nyatauka Aku diajung Bapak.

YUHANIS 4:48

Yesus ngiciak ngan diau, katauNyau, “Nidau bediau jemau di sini diau endak percayau, amun nidau nginak tandau buktiau diau nyelia.”

YUHANIS 1:45

Pilipus betemu ngan Natanail, mangku bekatau, “Kami la betemu ngan jemau diau dikiciakka Musa dalam buku Taurat ngan buku nabi-nabi. NamauNyau Yesus, anak Yusup, jak di Nasarit.”

LUKAS 24:18

Keliupas, sughang jak di ughang duautu, nimbal, “Apu Dighi sughang jemau asing di Yerusalim diau nidau keruan setu diau tejadi di situ empai ini?”

MATIUS 2:23

La sampai di Galilia diau mendam di kuta Nasarit. Luak itula ditepati katau Allah diau la dikiciakka nabi, “Diau ka dikiciakka jemau Nasarit.”

RASUL 2:19

Aku ka ngerjauka setu diau nyelia di langit ngan tandau di deniau, ka adau dagha ngan api ngan asap bekabut.

RASUL 2:43

Banyak nian tandau nyelia diau dikerjauka rasul itu, mangku gegalau jemau kepagauan ngan penakut.

RASUL 3:6

Katau Pitrus, “Aku nidau bediau tanci dikit kiala. Anyautu tuapau diau adau di aku ka kuenjuakka ngan dighi. Ngan kuasau Yesus Keristus, jemau Nasarit itu, bejalanla!”

LUKAS 18:37

Katau ughangtu, “Yesus, jemau Nasarit, lalu.”