RASUL 19:33 - PEJANJIAN EMPAI CERITAU ILUAK

³³ Separau jak di ughangtu ngirau Aliksandar njadi kepala'au, karnau diautu diajung jemau Yahudi ke mukau jemau banyak. Mangku Aliksandar ngenjuakka tandau ngan tanganau endak ngiciak mbenaghka diriau di adapan jemau banyak itu.

RASUL 19:33 Referans Kwoze

RASUL 12:17

Pitrus ngenjuakka tandau ngan tanganau, supayau tenang, mangku diceritaukanyau, luak manau Tuhan mbata'inyau keluagh jak di jil, kataunyau, “Kiciakkala ceritau ini ngan Yakubus ngan kantin kitau lain.” La udim itu, diau pegi ke bada lain.

2 TIMUTIUS 4:14

Aliksandar, tukang tembagautu, la banyak bebuat ja'at tuadap aku. Tuhan ka mbalaska diau nurut peremba'au.

1 TIMUTIUS 1:20

Di antaraunyau Himenius ngan Aliksandar. Ughang duautu la kuseraka ngan iblis, supayau belajagh mandak nggelakka Allah.

PILIPI 1:7

Gegalau kamu maju adau di atiku. Nyela, sepantasau aku bepeghasauan luak itu tuadap kamu. Gegalau kamu la nulung aku ngan kerjauku diau dienjuakka Allah ngan aku, empuak masau aku dijilka, empuak masau aku na'anka ngan mbenaghka ceritau iluak itu.

RASUL 24:10

Mangku gubernur ngenjuakka tandau ngan Paulus, bansau diau bulia ngiciak. Mangku Paulus bekatau, “Aku keruan dighi la betaun-taun njadi akim di nenggeri ini. Karnau itu aku beghani mbenaghka aku di adapan dighi.

RASUL 21:40

La udim diajung ngiciak, Paulus betegak di tanggau, mangku ngenjuakka tandau endak ngiciak. Jemau banyaktu la diam, diau mulai ngiciak pakai basau Ibrani, kataunyau,

RASUL 13:16

Paulus betegak, mangku ngenjuakka tandau ngan tanganau ngan bekatau, “Ui, kapu dighi jemau Israil ngan kapu dighi jemau diau takut ngan Allah, dengaghkala aku!

LUKAS 1:22

Diau ngeluagh, diau nidau pacak ngiciak ngan ughangtu. Diau makai tandau ajau, karnau maju bisu. Mangku ughangtu ngerti galau, bansau diau la nginak pengina'an di Ghuma Allah.

RASUL 19:34

Anyautu satu ughangtu nginak, mbak bansau diautu jemau Yahudi, ughangtu serempak tepekiak-pekiak selamau duau jam, kataunyau, “Idup Artemis, diwau jemau Ipisus!”