RASUL 17:4 - PEJANJIAN EMPAI CERITAU ILUAK

⁴ Adau jemau diau percayau mangku ngikut Paulus ngan Silas. Banyak jemau Yunani diau takut ngan Allah ngan banyak jugau tinau diau diregaui diau percayau.

RASUL 17:4 Referans Kwoze

RASUL 17:12

Banyak jak di ughangtu percayau ngan Yesus, ngan banyak pulau jemau Yunani diau diregaui, empuak tinau empuak lanang.

RASUL 14:4

Mangku jemau kuta itu nidau semegi pendapat. Adau diau mihak ngan jemau Yahudi, adau diau mihak ngan rasul tadi.

RASUL 13:43

La udim jemau ngeluagh jak di ghuma sembayangtu, banyak jemau Yahudi ngan jemau lain diau takut ngan Allah ngikut Paulus ngan Barnabas. Mangku rasultu ngajagh ughangtu, diajungau, supayau maju percayau ngan keilu'an Allah.

2 KURINTUS 8:5

Ughangtu ngenjuak lebia jak di kami aghapka. Ughangtu nyeraka diriau kudai ngan Allah, mangku pulau ngan kami karnau kendak Allah.

RASUL 28:24

Adau diau percayau karnau kici'an Paulus, adau diau nidau.

RASUL 15:22

Mangku rasul-rasul ngan pengulu-pengulu jemau Keristen ngan gegalau jemau percayau mutuska endak milia bebeghapau ughang jak di ughangtu diau ka diajung ke Antiukia serempak ngan Paulus ngan Barnabas. Mangku ughangtu milia Silas ngan Yudas diau pulau dikiciakka Barsabas. Ughang duautu diregaui nian di guak jemau percayau di Yerusalim.

RASUL 13:50

Anyautu pengulu-pengulu kuta itu ngan tinau-tinau diau diregaui ngan takut ngan Allah diasung jemau Yahudi, supayau ughangtu nganiayau Paulus ngan Barnabas, mangku ughang duautu dilaratka jak di daira itu.

RASUL 21:28

sampai tegauk, kataunyau, “Ui, jemau Israil, mela tetulungan! Inila jemaunyau diau ngajagh di manau-manau, ngajaghka gegalau jemau melawan bangsau kitau, melawan ukum Taurat ngan Ghuma Allah ini. Mbak kini diau mbata'i pulau jemau Yunani masuak dalam Ghuma Allah, mangku ngumuhi bada diau suci ini.”

RASUL 19:10

Diau ngerjauka titu selamau duau taun, mangku gegalau jemau diau mendam di daira Asia ndengagh katau Allah, empuak jemau Yahudi, empuak jemau bangsau lain. Ughangtu ndengagh katau Allah galau.

RASUL 18:4

Idang aghi Sabat Paulus pegi ke ghuma sembayang ngiciak ngan jemau Yahudi ngan jemau Yunani di situ, ngici'i ughangtu supayau percayau ngan Yesus.

RASUL 17:34

Anyautu adau pulau bebeghapau jemau diau ngikut Paulus ngan percayau ngan Yesus. Di antaraunyau adau Diunisius, angguta sidang Ariupagus ngan sughang tinau, namaunyau Damaris ngan bebeghapau jemau lain agi.

RASUL 17:17

Karnau itu Paulus peragau di ghuma sembayang ngan jemau Yahudi ngan jemau lain diau takut ngan Allah. Luak itula pulau di pekan idang aghi diau ngiciak ngan jemau diau adau di situ.

RASUL 16:3

Paulus endak mbata'i Timutius, mangku diau nyunatka diau karnau jemau Yahudi di daira itu. Ughangtu keruan galau, bansau ba'au jemau Yunani.

RASUL 15:40

Paulus milia Silas. Ughang duautu didu'aka jemau percayau ngan diseraka ngan keilu'an Tuhan,

RASUL 15:32

Yudas ngan Silas diau pulau nabi lamau bekiciak ngan jemau percayau, melemakka ngan neguaka ati ughangtu.

RASUL 15:27

Mangku kami la ngajung Yudas ngan Silas njenguak kapu dighi. Ughang duautu ka ngiciakka pulau ngan kapu dighi setu diau ditulis dalam surat ini.

RASUL 14:1

Di Ikunium pulau setu diau semegi dighasauka rasul itu. Ughang duautu masuak ghuma sembayang ngan ngajagh ngan carau endak nian, mangku banyak jemau Yahudi ngan jemau Yunani percayau ngan Yesus.

RASUL 4:23

La udim dilepaska, Pitrus ngan Yuhanis pegi njenguak kantin-kantinau ngan nceritauka gegalaunyau diau la dikiciakka imam-imam ngan tuau-tuau tadi.

RASUL 2:44

Gegalau jemau diau percayau maju seghundak, mangku setu diau adau di ughangtu dienjuakka ngan jemau diau nidau bediau.

YUHANIS 7:35

Mangku tuau-tuau jemau Yahudi sangi tanyaui, kataunyau, “Jemau ini endak pegi ke manau, mangku kitau nidau pacak betemu ngan Diau? Apu Diau endak pegi njenguak jemau diau merantau bada jemau Yunani endak ngajagh jemau Yunani?

RASUL 17:10

Malam itu pulau jemau percayau di situ ngajung Paulus ngan Silas pegi ke Beria. La sampai di situ ughang duautu pegi ke ghuma sembayang jemau Yahudi.

RASUL 17:14

Jemau diau percayau di situ cecepat ngantat Paulus ke pantai. Silas ngan Timutius masia mendam di Beria.