RASUL 13:3 - PEJANJIAN EMPAI CERITAU ILUAK

³ Ughangtu puasau ngan bedu'a, ditepiakkanyau tanganau di palak ughang duautu, mangku diajungau pegi.

RASUL 13:3 Referans Kwoze

RASUL 6:6

Tujua ughangtu diadapka ngan rasul, mangku rasultu ndu'akanyau ngan nepiakka tanganau di palak ughangtu.

2 TIMUTIUS 2:2

Ajaghan diau la kaba dengagh jak di aku di mukau jemau banyak mesti kaba percayauka ngan jemau diau pacak dipercayaui ngan cakap ngajagh jemau.

1 TIMUTIUS 4:14

Jangan lalai nggunauka kuasau diau dienjuakka Allah ngan kaba, masau pengulu jemau Keristen nepiakka tangan di palak kaba ngan nabi-nabi ngiciakka pesan Allah.

RASUL 13:2

Adau saghi ughangtu dang sembayang ngan puasau, mangku Rua Allah bekatau ngan ughangtu, “Piliala Barnabas ngan Saulus batan endak Aku, supayau ughang duau itu ngerjauka kerjau diau la kutetapka batan endak ughang duautu.”

3 YUHANIS 1:8

Itula sebapau kitauni mesti nulung kantin kitau diau ngerjauka titu, mangku kitau ka ngikut dalam kerjau ughangtu endak ngiciakka ceritau diau benagh jak di Allah.

1 TIMUTIUS 5:22

Jangan cepat nepiakka tangan di sughang jemau njadika diau pengulu. Jangan ngikut ngan dusau jemau. Jagauila diri kaba supayau maju beresia.

RUM 10:15

Mangku luak manau pulau jemau pacak ngiciakkanyau, amun nidau diajung? Dalam Injil ditulis luak ini, “Alaka lema'au nerimau jemau datang ngiciakka ceritau iluak jak di Allah.”

RASUL 14:26

Jak di situ ughang duautu belayar agi ke Antiukia. Kuta itu bada ughang duautu senitu diseraka ngan Allah, supayau ughangtu ngerjauka kerjau diau mbak kini la diudimi.

RASUL 14:23

Di bilang kumpulan jemau Keristen duau rasultu netapka pengulu-pengulu batan endak ughangtu. Mangku sampai puasau ngan bedu'a rasultu nyeraka pengulutu ngan Tuhan diau ughangtu percayauitu.

2 TIMUTIUS 1:6

Itula sebapau aku ngingatka, supayau kaba maju nggunauka kuasau diau dienjuakka Allah ngan kaba, masau aku nepiakka tanganku di pucuak palak kaba ndu'aka kaba.

RASUL 15:40

Paulus milia Silas. Ughang duautu didu'aka jemau percayau ngan diseraka ngan keilu'an Tuhan,

3 YUHANIS 1:6

Ughangtu la ngiciakka ngan jemau Keristen di sini, bansau kaba iluak ngan ughangtu. Tulungla jemau luak itu, mangku diau pacak melajuka pejalanannyau. Ngan carau luak itu kaba melemakka ati Allah.

RASUL 9:17

Mangku Ananias pegi ke situ masuak ghumatu, ditepiakkanyau tanganau di pucuak palak Saulus. Katau Ananias, “Tuhan Yesus diau kaba kinak di tenga jalan masau kaba endak ke sini, Diau ngajung aku njenguak kaba, supayau kaba pacak nginak agi ngan dikuasaui Rua Allah.”

LUKAS 2:37

mbak kini diau la merandau. Umurau la delapan pulua empat taun. Diautu maju di Ghuma Allah. Diau puasau ngan bedu'a siang malam.

RASUL 1:24

Mangku ughangtu bedu'a, kataunyau, “Tuhan, Dighi keruan gegalau ati jemau. Tunjuakkala ngan kami, sapau jak di duau ughang ini diau Dighi pilia

RASUL 13:4

Barnabas ngan Saulus pegi ke Selukia, karnau diajung Rua Allah, mangku jak di situ ughangtu belayar ke pulau Siprus.