RASUL 13:2 - PEJANJIAN EMPAI CERITAU ILUAK

² Adau saghi ughangtu dang sembayang ngan puasau, mangku Rua Allah bekatau ngan ughangtu, “Piliala Barnabas ngan Saulus batan endak Aku, supayau ughang duau itu ngerjauka kerjau diau la kutetapka batan endak ughang duautu.”

RASUL 13:2 Referans Kwoze

GALATIA 1:15

Anyautu karnau keilu'an atiAu Allah milia aku, antak ka aku adau mangku ngajung aku bekerjau batan endak Diau.

RASUL 9:15

Katau Tuhan, “Pegila ajau, karnau Aku la milia diau bekerjau batan endak Aku, ngiciakka Aku ngan bangsau-bangsau ngan rajaunyau ngan jemau Israil pulau.

2 TIMUTIUS 1:11

Endak ngiciakka ceritau iluak itu Allah milia aku njadi rasul ngan guru.

1 KURINTUS 12:11

Gegalaunyautu dikerjauka Rua semegi. Bilang jemau dienju'i kuasau sesughangan nurut kendak Ruatu.

RUM 1:1

Kantin-kantinku di Rum diau disayangi Allah. Aku, Paulus, nulis surat ini. Aku sughang budak Yesus Keristus diau dipilia ngan dijadika rasul mangku ditugaska endak ngiciakka ceritau iluak jak di Allah.

1 TIMUTIUS 2:7

Batan endak itula aku dipilia njadi rasul endak ngiciakka ceritau iluak ngan jemau ukan Yahudi ngan ngajagh ughangtu percayau ngan ceritau benaghtu. Kataukuni benagh, aku nidau mbu'ung.

RASUL 22:21

Anyautu Tuhan bekatau agi, ‘Pegila, Aku ka ngajung kaba ke bada diau jawua jak di sini njenguak jemau bangsau lain.’ ”

RASUL 14:26

Jak di situ ughang duautu belayar agi ke Antiukia. Kuta itu bada ughang duautu senitu diseraka ngan Allah, supayau ughangtu ngerjauka kerjau diau mbak kini la diudimi.

KULUSI 4:17

Kiciakka ngan Arkipus, bansau diau mesti ngudimka kerjau diau diajung ngan diau batan endak Tuhan.

LUKAS 2:37

mbak kini diau la merandau. Umurau la delapan pulua empat taun. Diautu maju di Ghuma Allah. Diau puasau ngan bedu'a siang malam.

2 TIMUTIUS 2:2

Ajaghan diau la kaba dengagh jak di aku di mukau jemau banyak mesti kaba percayauka ngan jemau diau pacak dipercayaui ngan cakap ngajagh jemau.

IPISUS 3:7

Allah ngenju'i aku kerjau endak nceritauka ceritau iluak, karnau Diau iluak ngan aku. Tugastu dienjuakka ngan aku karnau kuasauNyau diau neguaka aku.

RASUL 13:3

Ughangtu puasau ngan bedu'a, ditepiakkanyau tanganau di palak ughang duautu, mangku diajungau pegi.

RASUL 10:30

Katau Kurnilius, “Tigau malam diau la udim, kekirau aghi luak ini, jam tigau petang, aku dang bedu'a di ghuma, mangku adau sughang betegak di guak aku. Bajuautu besinagh-sinagh.

RASUL 10:19

Pitrus masia merupuakka reti pengina'annyau tadi, Rua Allah bekatau ngan diau, “Ui, Pitrus, adau ughang tigau diau dang ndala'i kaba.

RASUL 8:29

Rua Allah bekatau ngan Pilipus, “Pegila, masighi pelangkin itu.”

MATIUS 9:38

Karnau itu mintakla ngan jemau ngempu sawa itu, mangku diau ngajung jemau ngetaminyau.”

MATIUS 6:16

“Amun kamu puasau, dayi kamu jangan mangut luak jemau cak alim. Ughangtu cak litak, supayau jemau nginak diau dang puasau. Keruanila, ughangtu la bulia upahau.

IBRANI 5:4

Nidau bediau jemau diau njadika diriau imam. Diautu dipilia Allah batan endak tugas itu, luak Harun senitu.

2 TIMUTIUS 4:11

Cuman Lukas gi adau guak aku. Depatka Markus, batakla diau ke sini, karnau diau pacak nulung aku.

2 TIMUTIUS 4:5

Empuak luak itu kaba mesti nguasaui diri, empuak luak manau kila. Tanggungkala ngan ngaligh. Kerjaukala tugas kaba endak ngiciakka ceritau iluak jak di Allah. Kerjaukala titu iluak-iluak batan endak Allah.

2 KURINTUS 11:27

Aku mbanting tulang ngan beusaha mati-matian, rajin nidau tiduak. Aku keruan lapagh ngan aus, rajin nidau makan, kedinginan ngan nidau bediau baju.

2 KURINTUS 6:5

Kami disaraui, dijilka, disamun. Kami bekerjau mati-matian, rajin nidau tiduak, nidau makan.

1 KURINTUS 7:5

Jangan kamu beceghai sughang ngan diau lain. Bulia amun jerang ajau, amun tetuju galau, supayau pacak bedu'a. Udim itu kamu mesti ngulang seghundak, supayau jangan diguda iblis, karnau nidau pacak na'ani serilau.

RUM 15:16

Diautu ngajung aku bekerjau batan endak Yesus Keristus. Diau njadika aku imam batan endak ngiciakka ceritau iluak jak di Allah ngan jemau bangsau lain, supayau ughangtu nyeraka diriau ngan Allah endak idup melemakka ati Allah ngan diberesiaka Rua Allah.

RUM 10:15

Mangku luak manau pulau jemau pacak ngiciakkanyau, amun nidau diajung? Dalam Injil ditulis luak ini, “Alaka lema'au nerimau jemau datang ngiciakka ceritau iluak jak di Allah.”

RASUL 20:28

Jagauila diri kapu dighi ngan jagauila pulau gegalau jemau Keristen diau la dipercayauka Rua Allah ngan kapu dighi, supayau dijagaui, karnau kapu dighi la dijadika tukang sayia jemau Keristen. Allahtu diau njadika ughangtu hak Allah, karnau Ana'Autu la mati batan endak ughangtu.

RASUL 6:4

Mangku tugas kamini bedu'a ngan nceritauka katau Allah.”

LUKAS 10:1

La udim itu Tuhan milia tujua pulua anak-bua agi, diajungAu pegi beduau-duau nduluiNyau ke bilang kuta bilang dusun diau endak dijengu'Au.

RASUL 4:36

Luak itula pulau Yusup. Diau pulau njualka tanahau, mangku tanciau dibata'au, diserakanyau ngan rasul. Yusuptu pengadau Liwi, asalau jak di Siprus. Diau pulau diadaki Barnabas, retiau jemau diau meriangka.

RASUL 13:4

Barnabas ngan Saulus pegi ke Selukia, karnau diajung Rua Allah, mangku jak di situ ughangtu belayar ke pulau Siprus.

MATIUS 17:21

Anyautu iblis diau luak itu cuman pacak dilaratka karnau du'a ngan puasau.”