RASUL 11:14 - PEJANJIAN EMPAI CERITAU ILUAK

¹⁴ Diautu ka ngiciakka ngan kaba ceritau diau ka nyelamatka kaba ngan jemau di ghuma kaba.’

RASUL 11:14 Referans Kwoze

RASUL 16:15

mangku diau seghuma dibaptis galau. La udim dibaptis, diau ngajak kami ke ghumahau, kataunyau, “Amun kamu meghasau, aku la percayau nian ngan Tuhan Yesus, mela singga kudai di ghumaku. Aku ngajung temalam nian.” Mangku kami ngikut diau.

RASUL 10:22

Ughangtu nimbal, “Kurnilius diau ngepala'i seratus tentera ngajung kami ke sini. Diautu jemau iluak ngan takut ngan Allah, lagi pulau diregaui nian ngan jemau Yahudi. Dalam pengina'an diau nginak sughang malaikat Allah ngajung diau pegi njenguak dighi, supayau dighi datang ke ghumahau, mangku diau pacak ndengaghka setu diau ka dighi ceritauka.”

RASUL 10:6

Diautu dang di ghuma Simun sughang tukang bawuak. Badahau di tepi laut.”

RASUL 10:2

Jemau itu alim. Diau ngan gegalau jemau di ghumahau takut ngan Allah. Diautu banyak ngenjuakka tanci ngan jemau Yahudi diau serik ngan rajin bedu'a ngan Allah.

RASUL 2:39

Karnau inila setu diau dijanjika Allahtu batan endak kapu dighi ngan pengadau kapu dighi ngan batan endak jemau diau di bada jawua diau ka dipilia Allah, Tuhan kitautu.”

YUHANIS 20:31

Tapitu gegalaunyau diau temasuak di sini la ditulis, supayau kamu percayau, Yesus itula Keristus, Rajau Penyelamat, Anak Allah, mangku supayau kamu bulia idup, karnau percayau ngan Diau.

YUHANIS 12:50

Aku keruan perintaHau itu ngenjuakka idup empai selelamaunyau. Mangku setu diau Kukiciakka, Aku ngiciakka luak la dikiciakka Bapak ngan Aku.”

YUHANIS 6:63

Rua Allahtu diau ngenjuakka idup. Kekuatan manusiau nidau bediau gunaunyau. Kici'anKu ini diau Kukiciakka ngan kapu dighi asalau jak di Rua Allah diau ngenjuakka idup.

YUHANIS 4:53

Mangku bapa'autu teghingat, bansau masau itula Yesus bekatau ngan diau, “Anak dighi la ghadu.” Mangku percayau diau. Diau seghuma percayau galau.

LUKAS 19:10

Anak Manusiau datang endak ndala'i jemau lengit ngan nyelamatka jemau sesat.”

MARKUS 16:16

Jemau diau percayau ngan dibaptis ka selamat. Anyautu jemau diau nidau percayau ka diukum.

1 KURINTUS 1:16

Nyela, kapu Setipanus kubaptiska pulau, tapitu lain jak di itu pengingatanku endiak bediau agi diau kubaptiska.

RASUL 18:8

Anyautu Kerispus, kepalak ghuma sembayang itu ngan jemau di ghumahau percayau ngan Tuhan Yesus, ngan banyak pulau jemau Kurintus lainau ndengagh kici'an Paulus. Ughangtu percayau mangku dibaptis.

RASUL 10:43

Gegalau nabi pulau ngiciakka ceritau Diau. Ughangtu bekatau, mbak bansau gegalau jemau diau percayau ngan Yesus ka diabiska dusaunyau karnau Diau.”

YUHANIS 6:68

Katau Simun Pitrus, “Tuhan, amun kami pegi, kami njenguak sapau? Kici'an Dighi ajau diau ngenju'i idup empai selelamaunyau!

RASUL 11:13

Kurniliustu nceritauka ngan kami, luak manau diau nginak sughang malaikat betegak di ghumahau ngan bekatau, ‘Ajungla jemau ke Yupi njenguak Simun Pitrus.