PILIPI 4:6 - PEJANJIAN EMPAI CERITAU ILUAK

⁶ Jangan kamu ghegak ngan tuapau kila! Maju bedu'a, mintakla ngan Allah setu diau kamu endak ngan maju beterimau-kasia.

PILIPI 4:6 Referans Kwoze

1 PITRUS 5:7

Serakala gegalau keghega'an ngan Allah, karnau Diau njagaui kamu.

MATIUS 6:8

Jangan luak ughangtu. Bapak kamu la keruan, setu diau kamu enda'au, antak ka kamu mintak ngan Diau.

KULUSI 4:2

Bedu'ala maju ngan sepepadau penarau bedu'a ngan beterimau-kasia ngan Allah.

IPISUS 6:18

Kerjaukala gegalaunyautu sampai bedu'a mintak tulung ngan Allah. Di gegalau kerjau kamu bedu'ala luak Rua Allah mimpin kamu. Kamu mesti maju siagau ngan jangan nyera. Du'akala maju gegalau umat Allah.

KULUSI 3:17

Gegalaunyau diau kamu kerjauka ngan kiciakka kerjaukala dalam namau Tuhan Yesus, sampai beterimau-kasia ngan Allah Bapak karnau Diau.

LUKAS 18:1

Udim itu Yesus ngiciakka cuntau ceritau endak ngajagh anak-buaHau, supayau ughangtu maju bedu'a jangan mura puas,

LUKAS 12:22

Mangku Yesus bekiciak ngan anak-buaHau, “Itula sebapau Aku bekatau ngan kamu, jangan ghegak ngan pengidupan kamu, tuapau diau endak kamu makan ngan tuapau diau endak kamu pakai.

KULUSI 3:15

Damai jak di Keristus diau adau di ati kamu mesti netapka gegalau kerjau kamu, karnau kamu la dipilia Allah batan endak damai, mangku njadi sutiak badan. Kamu mesti beterimau-kasia.

IPISUS 5:20

Luak manau kila maju beterimau-kasiala ngan Allah Bapak dalam namau Tuhan kitau Yesus Keristus.

LUKAS 10:41

“Ui Marta,” katau Yesus, “Kaba ghegak ngan merupuakka ini-itu.

LUKAS 18:7

Apu Allah nidau ka mbenaghka umatAu diau mintak ngan Diau siang-malam? Apu Diau melambatka masau endak nulung ughangtu?

MATIUS 10:19

Amun kamu dibatak endak diadili, jangan kamu ghegak ngan setu diau endak kamu kiciakka, karnau katau diau mesti kamu katauka ka dienjuakka ngan kamu masau itu pulau.

LUKAS 12:29

Jadi, nidau nanti ghegak ngan bingung ngan setu diau endak kamu makan ngan kamu minum.

2 KURINTUS 1:11

Kami percayau, bansau karnau du'a kamu batan endak kami, Allah ka nyelamatka kami agi jak di bayau. Allah ndengaghka du'a jemau banyak, mangku iluak ngan kami. Mangku banyak jemau ka beterimau-kasia ngan Diau.

1 KURINTUS 7:32

Aku endak, supayau kamu nidau ghegak. Jemau diau nidau bebunting, musatka rupu'annyau ngan Tuhan, karnau diau endak melemakka ati Tuhan.

1 PITRUS 4:7

Gegalaunyau laka bekesudiman. Karnau itu kamu mesti nguasaui diri kamu ngan sepepadau, supayau kamu pacak bedu'a.

MATIUS 13:22

Benia diau tumban di pugan ghumput bedughi ibarat jemau diau ndengagh kici'an itu. Anyautu diau ghegak ngan idupau, endak idup lemak ngan riang ajau di deniau ini. Mangku kici'an tadi nidau pacak mendam di atiau, mangku endiak bebua.

1 KURINTUS 7:21

Amun kamu budak masau kamu empai percayau, nidau ngapau-ngapau. Anyautu amun kamu pacak bibas, gunaukala titu.

MATIUS 6:34

Karnau itu nidau nanti kamu ghegak aghi pagi, karnau aghi pagi ka adau agi rupu'an lain. Rupu'an saghi jadila batan endak saghi.”

1 TIMUTIUS 2:1

Diau penting diau endak kukiciakka, supayau jemau Keristen bedu'a, mintak ngan Allah ngan beterimau-kasia, ndu'aka gegalau jemau.

1 TIMUTIUS 5:5

Randau diau nian idup sughang ngan nidau bediau jemau nyayiau cuman ngaghapka Allah. Siang malam diau maju bedu'a ngan mintak tulung jak di Allah.