PILIPI 3:11 - PEJANJIAN EMPAI CERITAU ILUAK

¹¹ Mangku aku ngaghap, aku ka diidupka pulau jak di mati.

PILIPI 3:11 Referans Kwoze

PENGINA'AN 20:5

Anyautu jemau lain lum diidupka, antak ka masau seribu tauntu lum abis. Itu masau jemau dulu sekali ngulang idup.

RASUL 26:7

Janji itu pulau diaghapka duau belas jungku bangsau kitau, mangku ughangtu sembayang ngan Allah siang-malam. Karnau janji itula diau kuaghapka, aku diaduka jemau Yahudi.

RASUL 23:6

Paulus keruan, mbak bansau separau jak di angguta pengadilan agamautu jemau Saduki ngan separau agi jemau Parisi, mangku diau bekatau ngan ughangtu, “Akuni jemau Parisi, bak kami jemau Parisi pulau. Aku diadapka di pengadilan ini, karnau aku percayau, bansau jemau diau la mati ka idup agi.”

IBRANI 11:35

Karnau percayau, mangku jemau tinau ngulang dapat agi jemau diau la mati. Adau pulau diau sukau disiksau ngan mati, enggup dibibaska, karnau endak diidupka agi ngan idup diau lebia iluak.

2 TESALUNIKA 2:3

Empuak luak manau, jangan kamu ditipuka jemau, karnau antak ka aghitu sampai, banyak jemau ka ngelipat ngan melawan Allah. Mangku ka adau sughang Jemau Ja'at diau ditetapka masuak ke nerakau.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.

2 KURINTUS 11:3

Anyautu aku ghegak rupu'an kamu disesatka, nidau agi ta'at ngan Keristus, luak Hawa senitu pulau disesatka kecalakan ulagh.

1 KURINTUS 9:27

Aku melatia badanku enggut nguasaui gegalaunyau, supayau udim ngiciakka ceritau iluak ngan jemau lain, jangan akuni nidau diterimau.

1 KURINTUS 9:22

Ngan jemau diau nidau tegua imanau, aku pulau luak jemau diau nidau tegua iman, mangku pacak menangka ughangtu batan endak Keristus. Aku njadi gegalaunyau batan endak gegalau jemau, supayau ngan carau manau ajau aku pacak nyelamatka bebeghapau jak di ughangtu.

RUM 11:14

Aghapanku, supayau bangsauku njadi sengit. Mangku ngan carau luak itu aku pacak nyelamatka separau jak di ughangtu.

YUHANIS 11:24

Katau Marta, “Aku keruan, diau ka ngulang idup masau aghi kiamat.”

LUKAS 14:14

Dighi ka riang, karnau ughangtu nidau ka bediau batan pembalasau keilu'an dighi. Keilu'an dighi ka dibalas Allah, masau jemau diau benagh diidupka jak di mati.”

RASUL 27:12

Pelabuan di situ ngenian nidau iluak kapal mendam di situ musim dingin. Karnau itu banyak jemau kerjau kapal tetuju belayar agi ninggalka pelabuan itu, mangku ncubau njenguak kuta Penikes endak mendam di situ selamau musim dingin. Kuta Penikestu pelabuan di Kerita diau tebukak ke ara matau-aghi umban.

1 KURINTUS 15:23

Anyautu bilang jemau ka diidupka nurut gilirannyau: Dulu sekali Keristus, nanti masau Diau datang agi, giliran jemau diau njadi hak Keristus.

2 TIMUTIUS 4:8

Mbak kini adia menang la nunggu aku, karnau idupku la dibenaghka Allah. Masau aghi kiamat, Tuhan akim diau adil ka nyeraka adiatu ngan aku. Ukan aku ajau diau ka nerimau adiatu, tapitu gegalau jemau diau nungguka nian Tuhan datang.