PILIPI 3:10 - PEJANJIAN EMPAI CERITAU ILUAK

¹⁰ Diau kukenda'itu ngeruani Diau ngan kuasauNyau diau ngidupka Diau jak di mati. Aku endak ngikut sengsarau ngan Diau ngan njadi seghundak ngan Diau dalam kematianNyau.

PILIPI 3:10 Referans Kwoze

GALATIA 2:20

Mbak kini ukan agi aku diau idup, tapitu Keristus idup dalam diriku. Mangku mbak kini aku idup karnau percayau ngan Anak Allah diau la nyayangi aku ngan nyeraka nyawauNyau batan endak aku.

RUM 8:17

Mangku karnau kitau ana'Au, kitau pulau behak nerimau setu diau dijanjika Allah batan endak ana'Au. Kitau ka nerimau pulau luak Keristus setu diau la disediauka Allah batan endak Diau. Karnau, amun kitau sengsarau ngan Diau, kitau pulau ka diagungka ngan Diau.

PILIPI 3:8

Gegalaunyau kuanggap rugi, karnau beregaula ngeruani Keristus Tuhanku sangkan gegalaunyautu. Karnau Diautu, mangku aku ninggalka gegalaunyau. Kuanggap gegalaunyautu sesara, supayau aku bulia Keristus

1 YUHANIS 2:3

Tandau kitau ngeruani Allah, kitau na'ati perintaHau.

KULUSI 3:1

Kamu la diidupka agi seghundak ngan Keristus. Karnau itu beusahala, mangku bulia setu diau adau di sergau, di bada Keristus duduak di sebela kanan Allah.

KULUSI 1:24

Mbak kini aku riang sengsarau batan endak kamu. Mangku ngan sengsarautu aku nepati di badanku setu diau lum ditanggung Keristus batan endak jemau Keristen. Ughangtu umpamau badanAu.

2 KURINTUS 1:5

Tanggungan diau dighasauka Keristus la banyak pulau kami ghasauka, mangku karnau Keristus pulau kami diteguaka nian.

1 PITRUS 1:3

Mela kitau beterimau-kasia ngan Allah, Bapak Tuhan kitau Yesus Keristus! Diau nyayangi kitau nian. Karnau itu Diau ngenjuakka ngan kitau idup diau empai ngan carau ngidupka Yesus Keristus jak di mati, mangku kitau adau aghapan diau tetap.

2 KURINTUS 13:4

Nyela, masau Diau dipakuka di kayu salip, Diau litak, tapitu mbak kini Diau idup karnau kuasau Allah. Nyela, kamini litak pulau karnau seghundak ngan Keristus, anyautu amun buadapan ngan kamu, kami pulau adau kuasau Allah karnau seghundak ngan Keristus.

1 YUHANIS 2:5

Jemau diau na'ati katau Allah nyayangi Allah nian. Itula tandaunyau kitau idup seghundak ngan Diau.

YUHANIS 17:3

Retiau idup empai selelamaunyau itula ngeruani Dighi, Allah diau sebenaghau diau gi sughang itula ngan ngeruani Yesus Keristus diau la Dighi ajung.

RUM 8:29

Karnau bilang jemau diau la dipilia Allah jak di senitu pulau la ditetapka endak njadi semegi ngan Ana'Au Yesus Keristus, mangku Ana'Autu njadi diau tuau jak di ading-beghadingAu.

PENGINA'AN 1:18

Akunila idup. Aku la mati, anyautu kina'ila akuni idup selelamaunyau. Akuni megang kunci kematian ngan bada rua jemau mati.

KULUSI 2:13

Senitu kamu luak mati, karnau kamu jemau bedusau ngan nidau keruan ukum Allah. Mbak kini kamu la diidupka Allah seghundak ngan Keristus ngan gegalau dusau kitau la diabiskaNyau.

IPISUS 4:13

Ngan carau luak itu gegalau kitau njadi seghundak, karnau kitau semegi percayau ngan Keristus ngan ngeruani diau benagh ceritau Anak Allah. Mangku kitau njadi jemau percayau diau la wagat diau tamba lamau tamba sempernau luak Keristus.

2 KURINTUS 1:10

Diautu la nyelamatka kami jak di bayau maut diau nakutka. Diau pulau ka nyelamatka kami nanti, karnau Diau itula kami aghapka.

YUHANIS 10:18

Sughang kia nidau pacak ngambi'au jak di Aku. Aku ngenjuakkanyau ngan kesukauan atiKu. Aku bekuasau ngenjuakkanyau ngan bekuasau ngambi'au agi. Kuasau itu Kuterimau jak di BapakKu.”

MATIUS 20:23

Katau Yesus agi, “Nyela, kamu ka nanggungka pulau sengsarau luak Aku. Anyautu sapau diau ka duduak di sebela kidau ngan kananKu, itu ukan hakKu. Bada itu batan endak jemau diau ditetapka BapakKu.”

RUM 8:36

Dalam Injil ditulis luak ini, “Sesaghian kami adau dalam bayau maut karnau Dighi. Kami dibuati luak bebiri diau endak disembelia.”

GALATIA 6:17

Mangku jangan sughang kia madakka aku agi, karnau di badanku adau buktiau, bansau aku anak-bua Yesus.

2 PITRUS 1:13

Semasau aku gi idup, aku meghasau pantas ngingatka gegalaunyautu ngan kamu.