PILIPI 2:2 - PEJANJIAN EMPAI CERITAU ILUAK

² Mangku cubaula kamu meriangka atiku nian ngan carau ini: Kamu mesti idup suati ngan sayang diau semegi, serupu'an ngan tujuan diau semegi.

PILIPI 2:2 Referans Kwoze

RUM 12:16

Suijauanla sughang ngan diau lain. Jangan geduak. Terimaula pulau jemau diau nidau diregaui. Jangan anggap diri kamu pintar.

1 KURINTUS 1:10

Dalam namau Tuhan kitau Yesus Keristus aku mintak nian, supayau kamu suijauan ngan jangan adau diau bebala, anyautu kamu mesti semegi pendapat.

2 KURINTUS 13:11

Mangku, kantin-kantinku, kamu mesti riang ngan beusaha, supayau sempernau. Terimaula gegalau petuaku. Kamu mesti suijauan ngan idup bedamai sughang ngan diau lain. Mangku Allah ka nyayangi kamu ngan ngenjuakka damai ngan kamu.

3 YUHANIS 1:4

Aku riang ndengagh, bansau anak-buaku idup nurut ajaghan Allah. Titula mangku aku riang nian.

PILIPI 2:16

masau kamu ngiciakka ceritau diau ngenjuakka idup. Amun kamu idup luak itu, mangku aku pacak mbanggaka kamu, masau Yesus Keristus datang agi. Itu njadi buktiau, bansau pejuanganku ukan nidau begunau ngan kerjauku adau asilau.

RASUL 2:46

Idang aghi ughangtu maju seghundak di Ghuma Allah. Ughangtu makan, makan jamuan Tuhan jak di ghuma ke ghuma ngan riang ngan tulus ati.

2 YUHANIS 1:4

Aku riang nian jak keruan, bansau adau anak kamu diau nuruti ajaghan Allah, luak diau la diperintaka Allah Bapak ngan kitau.

2 TESALUNIKA 2:13

Kantin-kantinku diau disayangi Tuhan. Kami sepantasau beterimau-kasia ngan Allah karnau kamu, karnau jak di penembai Allah milia kamu batan endak diselamatka karnau kerjau Rua Allah diau njadika kamu umatAu diau beresia, lagi pulau karnau kamu percayau ceritau diau benagh jak di Allah.

KULUSI 2:5

Empuak aku jawua ngan kamu, rupu'anku guak kamu. Aku riang nginak kamu suati ngan tegua percayau ngan Keristus.

PILIPI 4:2

Yudia ngan Sintiki, aku mintak nian, supayau kamu duau suati serupu'an karnau sesamau percayau ngan Tuhan.

PILIPI 2:20

Cuman Timutius sughang diau suati serupu'an ngan aku ngan nyanauka kamu nian.

2 KURINTUS 7:7

Aku riang ukan ajau karnau Titus datang, tapitu pulau karnau diau ngiciakka atiau riang karnau kamu. Diau ngiciakka ngan kami, bansau kamu ghindu nian endak betemu ngan aku, bansau kamu la nyesali kerjau senitu, mbak kini endak mbenaghka aku. Karnau itu aku tamba riang nian.

2 KURINTUS 2:3

Itula sebapau aku nulis surat senitu ngan kamu. Aku enggup berayak ngan kamu, amun aku ka bingung karnau kamu, awuak kamu diau mesti meriangka aku. Aku percayau, amun aku riang, kamu riang pulau.

RASUL 5:12

Rasul-rasul banyak ngadauka tandau nyelia di guak jemau banyak. Ngan sepakat gegalau jemau percayau maju seghundak di Ghuma Allah di anggung diau benamau Salumu.

RASUL 1:14

Gegalau rumbungan itu maju seghundak ngan rajin bedu'a. Ughangtu bedu'a ngan tinau-tinau, ngan pulau Maria, mak Yesus, ngan ading-beghading Yesus.

PILIPI 1:4

Mangku dang aku ndu'aka gegalau kamu, aku bedu'a ngan ati riang.

YUHANIS 3:29

Jemau diau bebunting diautu pengantinan. Kantin pengantinantu ngantininyau ngan ndengaghkanyau ajau, mangku diau riang, amun ndengagh suarau pengantinantu. Luak itu pulau ngan aku. Mbak kini atiku riang nian.

2 TIMUTIUS 1:4

Amun aku teghingat kaba nangis, aku ghindu nian endak betemu ngan kaba, mangku aku riang nianan.

RASUL 2:1

Aghi Pentakusta la sampai, mangku gegalau jemau diau percayau ngan Yesus betunggal sebada.

PILEMUN 1:20

Karnau itu, cubau tulung aku karnau Tuhan. Riangkala atiku, karnau kitau sekantin dalam Keristus.