PILIPI 2:19 - PEJANJIAN EMPAI CERITAU ILUAK

¹⁹ Aku ngaghap, aku pacak ngajung Timutius berayak ngan kamu, amun titu kendak Tuhan, mangku aku diriangka ngan ceritau kamu.

PILIPI 2:19 Referans Kwoze

1 KURINTUS 4:17

Itula sebapau aku ngajung Timutius guak kamu. Diautu anakku dalam Keristus diau kusayangi ngan pacak dipercayaui. Diau ka ngingatka kamu carau idupku ngikut Yesus Keristus, carau diau kuajaghka ngan jemau Keristen di manau kila.

1 TESALUNIKA 3:2

mangku kami ngajung Timutius, ading kitau. Diautu bekerjau ngan kami batan endak Tuhan ngiciakka ceritau Keristus. Kami ngajung Timutius, supayau diau neguaka ati kamu ngan ngajung kamu tamba percayau nian ngan Keristus,

PILIPI 1:1

Jak di aku, Paulus, ngan Timutius diau bekerjau batan endak Yesus Keristus. Kami nulis surat ini batan endak kamu diau njadi umat Allah diau adau di Pilipi karnau percayau ngan Yesus Keristus ngan pulau batan endak pengulu jemau Keristen ngan penulungau.

PILIPI 2:28

Itula sebapau aku cepat ngajung diau baliak. Mangku kamu riang, amun betemu ngan diau agi, mangku atiku tenang.

YAKUBUS 4:15

Semestiau kamu bekatau, “Amun Tuhan ngenda'inyau, kami gi idup ngan ngerjauka itu-ini.”

2 TIMUTIUS 1:12

Itula sebapau aku nanggungka gegalaunyautu, tapitu aku nidau maluan, karnau aku keruan diau kupercayauitu. Aku yakin, bansau setu diau la dipercayauka ngan aku pacak Diau jagaui enggut aghi kiamat.

2 TESALUNIKA 1:3

Kantin-kantinku, kami maju beterimau-kasia ngan Allah karnau kamu. Nyela, semestiau luak itu, karnau kamu tamba percayau ngan Keristus ngan tamba sangi sayangi.

IPISUS 1:13

Kamu pulau la njadi umatAu, masau kamu ndengagh katau Allah, ceritau iluak diau nyelamatka kamu. Kamu la percayau ngan Keristus, mangku kamu ditandaui Rua Allah diau dijanjikaNyautu.

RUM 16:21

Timutius, kantin sekerjauku, bepesan ngan kamu. Luak itu pulau Lukius, Yasun ngan Susipatir, jemau sebangsau ngan aku.

RUM 15:12

Mangku nabi Yesaya la ngiciak, “Jak di pengadau Isai ka adau sughang diau merinta bangsau-bangsau. Ughangtu ka ngaghapka Diau.”

MATIUS 12:21

Mangku gegalau bangsau ka ngaghapka Diau.”

1 PITRUS 1:21

Karnau Diau kamu percayau ngan Allah diau la ngidupkaNyau jak di mati ngan ngagungkaNyau, mangku kamu percayau ngan ngaghapka Allah itula.

RASUL 16:1

Paulus la pegi sampai di Derbi ngan Listera. Di situ adau sughang percayau, namaunyau Timutius. Endu'au jemau Yahudi diau la percayau pulau. Ba'au jemau Yunani.

PILIPI 2:18

Mangku kamu pulau mesti beterimau-kasia ngan ikut riang ngan aku.

1 TESALUNIKA 3:5

Itula sebapau aku ngajung Timutius, karnau aku nidau ta'an agi, mangku aku keruan nian, apu kamu percayau. Aku ghegak, kalu kamu la dicubaui iblis ngan dikalaka, mangku kerjau kami nidau bediau gatiau.