PENGINA'AN 7:15 - PEJANJIAN EMPAI CERITAU ILUAK

¹⁵ Itula sebapau ughangni betegak di adapan kerusi Allah mangku sembayang nyemba Diau siang malam di Ghuma Allah. Mangku Allah diau duduak di kerusi rajautu ka ngantini ngan njagaui ughangtu.

PENGINA'AN 7:15 Referans Kwoze

PENGINA'AN 22:3

Mangku nidau bediau agi diau didawaika. Kerusi Allah ngan Anak Bebiritu ka adau di dalamau, mangku budak-buda'Au ka nyemba Diau

2 KURINTUS 6:16

Tuapau ubungannyau Ghuma Allah ngan keramat? Kitau ini Ghuma Allah diau idup. Allahtu bekatau, “Aku ka mendam di guak ughangtu, Aku endak idup seghundak ngan ughangtu. Aku ka njadi Allah ughangtu, mangku ughangtu ka njadi umatKu.”

IBRANI 12:2

Mela kitau ngerjauka titu ngan maju merupuakka Yesus. Diau itula mbuat kitau percayau, mangku Diautu pulau nulung kitau maju percayau. Yesustu ta'an sengsarau, nidau nyanauka, bansau mati di kayu saliptu setu diau maluka. Diau cuman ngingatka riang diau ka dighasaukaNyau nanti. Mbak kini Diau duduak di sebela kanan Allah.

YUHANIS 1:14

Pirman itu la njadi manusiau diau iluak nian ngan kitau. Di Diau kitau nginak diau benagh ceritau Allah. Diau mendam ngan kitau. Kitau la nginak keagunganNyau, keagungan diau dienjuakka ngan Diau, karnau Diautu Anak Bapak diau sughang itula.

PENGINA'AN 22:5

Malam nidau ka bediau agi di situ, mangku ughangtu nidau ka merluka terang lampu ngan terang matau-aghi, karnau Tuhan Allah ka nerangi ughangtu. Mangku ughangtu ka merinta luak rajau enggut selelamaunyau.

PENGINA'AN 11:19

Mangku tebukak Ghuma Allah di sergau mangku kina'an di dalamau Peti Janji Allah. Mangku adau kilat nyelanyar ngan gurua gelugur ngan gempau besak ngan ujan es diau deghas.

PENGINA'AN 7:9

La udim itu aku nginak, mangku adau tunggalan jemau banyak diau nidau kebilangan agi. Ughangtu jak di gegalau bangsau ngan jungku ngan pemili ngan basau betegak di adapan kerusi rajau ngan di adapan Anak Bebiritu. Ughangtu makai baju putia, mangku adau daun paku bindu di tanganau.

PENGINA'AN 4:4

Di ngepungan kerusi rajautu adau duau pulua empat kerusi agi. Di kerusitu duduak duau pulua empat tuau-tuau diau makai baju putia ngan gitar emas di pala'au.

IBRANI 8:1

Inti gegalau kici'an tadi kitau adau Imam Besak diau duduak di sebela kanan Allah diau Mahabesak di sergau.

1 KURINTUS 3:16

Keruan ngan kamu, bansau kamu ghuma Allah? Mangku kamu bada Rua Allah.

PENGINA'AN 20:10

Mangku Iblis diau nyesatka ughangtu dicapakka dalam laut api ngan belirang, bada benatang ngan nabiautu, disiksau siang malam enggut selelamaunyau.

PENGINA'AN 4:8

Empat benatangtu padau sikuak adau enam butiak sayap. Sayapautu penua ngan matau galau, di sebela dalamau pulau. Siang malam benatangtu nidau mandak-mandak benyanyi, kataunyau, “Suci, suci, sucila Tuhan, Allah diau Mahakuasau; Diau la adau jak di senitu enggut mbak kini ngan maju ka adau.”

PENGINA'AN 4:9

Empat benatangtu benyanyi beterimau-kasia ngan meregaui ngan ngagungka Jemau diau duduak di kerusi rajautu diau idup selelamaunyau. Idang kali benatangtu benyanyi,

PENGINA'AN 13:6

Mangku diau nggelakka Allah ngan namau Allah ngan Ghuma Allah ngan gegalaunyau diau adau di sergau.

PENGINA'AN 21:22

Aku nidau tekinak Ghuma Allah di kuta itu, karnau Ghuma Allahtu Tuhan itula, Allah diau Mahakuasau ngan Anak Bebiri itu.