PENGINA'AN 22:1 - PEJANJIAN EMPAI CERITAU ILUAK

¹ Mangku malaikattu nunjuakka ngan aku ayiak batang-aghi diau ngenjuakka idup diau jeghenia luak kacau. Diau melilia keluagh jak di kerusi Allah ngan Anak Bebiritu

PENGINA'AN 22:1 Referans Kwoze

PENGINA'AN 7:17

Karnau Anak Bebiri diau adau di tetengaan kerusi rajautu ka nyayia ughangtu ngan mbata'i ughangtu ke matau-ayiak diau ngenjuakka idup. Mangku Allah ka ngusu'i ayiak matau jak di matau ughangtu.”

YUHANIS 4:14

Jemau diau minum ayiak diau ka Kuenjuakka nidau ka aus agi selelamaunyau. Ayiak diau Kuenjuakkatu ka njadi matau-ayiak dalam idupau diau maju mancagh, mangku ngenjuakka idup selelamaunyau ngan jemau itu.”

PENGINA'AN 21:6

KatauNyau agi ngan aku, “La udim! Akunila Alpa ngan Umiga, diau dulu sekali ngan diau mendian sekali. Jemau diau aus ka Kuenju'i minum jak di matau-ayiak diau ngenjuakka idup, nidau nanti dibayighi.

PENGINA'AN 22:17

Rua Allah ngan buntingtu bekatau, “Mela!” Bilang jemau diau ndengaghkanyau bekatau pulau, “Mela!” Jemau diau aus datangla, mangku jemau diau endak ayiak diau ngenjuakka idup, ngambiakla, nidau nanti dibayighi!

PENGINA'AN 3:21

Jemau diau menang ka Kududuakka sebada duduak ngan Aku, luak Aku pulau la menang mangku duduak sebada duduak ngan BapakKu.

RASUL 2:33

Diau diangkat Allah di sebela kananAu, mangku nerimau Rua Allah diau la dijanjika Bapak. Mangku setu diau la kapu dighi dengagh ngan kinak mbak kini, itu Rua Allah diau la dienjuakka ngan kami.

PENGINA'AN 21:11

Kutatu penua ngan keagungan Allah. Sinaghau semegi ngan permatau diau alap sekali, luak permatau yaspis, jeghenia luak kacau diau alap.

YUHANIS 15:26

Aku ka ngajung Penulung njenguak kamu diau asalau jak di Bapak. Diau ka nyatauka Allah sebenaghau. Amun Diau datang, Diau ka ngiciakka Aku.

PENGINA'AN 5:13

Mangku aku ndengagh gegalaunyau diau benyawau empuak di sergau empuak di deniau empuak di bawa deniau empuak diau di laut ngan gegalaunyau diau di dalamau bekatau, “Jemau diau duduak di kerusi rajau ngan Anak Bebiri dipuji ngan diregaui ngan diagungka ngan bekuasau selelamaunyau!”

PENGINA'AN 5:6

La udim itu aku nginak sikuak Anak Bebiri betegak di tetengaan kerusi rajau tadi, dikelilingi empat benatang itu ngan duau pulua empat tuau-tuau tadi. Anak Bebiritu luak la disembelia. Bebiritu betanduak tujua, bematau tujua, diautu tujua Rua Allah diau la diajung ke gegalau deniau.

PENGINA'AN 1:1

Inila ceritau diau dinyatauka Yesus Keristus nceritauka setu diau ka tejadi. Allah ngiciakkanyau ngan Keristus, mangku diancakkaNyau ngan budak-budak Allah setu diau mesti tejadi. Diautu ngajung malaikatAu endak nyataukanyau ngan Yuhanis, buda'Autu.

PENGINA'AN 21:9

La udim itu datang sughang jak di tujua malaikat tadi diau mbatak tujua pan diau penua ngan tujua sengsarau diau mendian, mangku diau bekatau ngan aku, “Mela ke sini. Aku ka nunjuakka ngan kaba bunting Anak Bebiri.”

PENGINA'AN 22:6

Mangku malaikattu bekatau ngan aku, “Kici'an ini benagh ngan pacak dipercayaui. Tuhan Allah ngenjuakka RuaHau ngan nabi-nabi. Diau la ngajung malaikatAu endak ngancakka ngan buda'Au setu diau laka tejadi.”

YUHANIS 13:32

Amun Allah diagungka karnau Diau, Allah ka ngagungka Diau pulau karnau diriAu. Nyela, Allah ka cepat ngagungkaNyau.