PENGINA'AN 20:2 - PEJANJIAN EMPAI CERITAU ILUAK

² Malaikattu nangkap nagau, ulagh tuautu, diautu Iblis ngan Sitan, dikebat selamau seribu taun,

PENGINA'AN 20:2 Referans Kwoze

2 PITRUS 2:4

Malaikat diau bedusau nidau dienangka Allah bibas jak di ukuman, dicapakka ke nerakau. Malaikattu dimasuakka ke tebuak tana diau keleman endak dita'an di situ enggut masau pengukuman.

PENGINA'AN 12:9

Mangku nagau besaktu dicapakka keluagh. Diautu ulagh tuau diau dikiciakka Iblis ngan Sitan diau nyesatka gegalau deniau. Mangku diau diumbanka ke deniau. Luak itu pulau anak-buahautu.

YUDAS 1:6

Ingatla malaikat-malaikat diau melanggar batas kekuasauannyau. Malaikattu pegi ninggalka badahau. Mangku ughangtu dikebat ngan rantai di bada diau keleman di bawa tana. Di situ ughangtu dita'an enggut diukum masau kiamat nanti.

YUHANIS 12:31

Mbak kini la masaunyau deniau diukum, mbak kini penguasau deniau ka dicapakka keluagh.

1 PITRUS 5:8

Sepepadaula ngan maju siap-siagau, karnau Iblis musua kamu. Diau luak setuau bejalan ghatau sampai ngaum endak ndalak mangsaunyau.

IBRANI 2:14

Jemau diau dikiciakka anak-buaHautu manusiau diau ka mati. Mangku Yesus njadi semegi ngan jemau, idup luak jemau, mangku karnau Diau matitu Iblis diau nguasaui mauttu la dikalaka.

RUM 16:20

Allah ngenjuakka damai ngan manusiau. Diau ka cepat ngancurka kuasau iblis ngan nunduakka diau ngan kamu. Yesus, Tuhan kitau, maju iluak ngan kamu.

YUHANIS 16:11

Mangku Diau ka nyatauka pulau Allah la mulai ngukum, karnau penguasau deniauni la diukum.

PENGINA'AN 13:2

Benatang diau kukinaktu semegi ngan setuau tutul. Ketingau luak keting beghuang. Mulutau luak mulut setuau. Mangku nagautu ngenjuakka ngan diau kekuatannyau ngan kuasaunyau diau besaktu.

PENGINA'AN 12:17

Nagautu mara kematila ngan tinautu, mangku diau nyerangi pengadaunyau diau lain diau na'ati ukum Allah ngan ngiciakka ceritau Yesus.

PENGINA'AN 12:15

Mangku mulut nagautu nyemburka ayiak besak luak batang-ayiak merampus ke ara tinautu, supayau diau anyut.

PENGINA'AN 12:13

Satu nagautu la jagau, bansau diau dicapakka ke deniau, diau njagal tinau diau melahirka Anak lanang tadi.

MARKUS 5:7

mangku tegauk ngan suarau bias, “Ka Dighi apauka akuni, ui Yesus, Anak Allah diau Mahaagung? Demi Allah aku mintak, jangan Dighi nyaraui aku.”

MATIUS 8:29

ngan tegauk-gauk, kataunyau, “Ka Kaba apauka kami, ui Anak Allah? Apu Kaba endak nyaraui kami, empuak lum masaunyau?”

PENGINA'AN 13:4

Mangku ughangtu nyemba nagautu, karnau diau ngenjuakka kuasau ngan benatang tadi. Mangku ughangtu nyemba benatangtu ngan bekiciak, “Nidau bediau diau semegi ngan benatang itu! Nidau bediau diau pacak beperang melawan diau!”

PENGINA'AN 9:11

Rajau diau merintaka belalangtu malaikat jurang maut. Namaunyau basau Ibrani Abadun, basau Yunani Apuliun, retiau “Perusak”.

MATIUS 19:29

Jemau diau ninggalka ghumahau, ading-beghadingau, pejadiau, anak-ana'au ngan umaunyau karnau Aku, jemautu ka nerimau agi lipat gandau, mangku diau ka nerimau idup selelamaunyau.

MARKUS 4:15

Benia diau tumban di jalan umpamau jemau diau ndengaghka ceritau tadi, mangku datang iblis ngambiak ceritau Allah diau empai dikiciakka ngan jemautu.

PENGINA'AN 12:3

Mangku tekinak agi di langit setu diau nyelia. Adau sikuak nagau abang diau besak nianan. Pala'au tujua, tandu'au sepulua. Di pala'autu adau tujua gitar.

PENGINA'AN 12:4

Iku'au naghiak bagi tigau sebagi jak di bintang di langit, mangku diumbankanyau ke deniau. Nagautu betegak di guak tinau diau endak merunggutu endak makan Ana'au, amun Diau la adau.

PENGINA'AN 20:7

Mangku la udim abis seribu tauntu, Iblis ka dibibaska jak di kawalan.

PENGINA'AN 20:10

Mangku Iblis diau nyesatka ughangtu dicapakka dalam laut api ngan belirang, bada benatang ngan nabiautu, disiksau siang malam enggut selelamaunyau.