PENGINA'AN 2:3 - PEJANJIAN EMPAI CERITAU ILUAK

³ Kaba maju ngaligh ngan sengsarau karnau Aku, mangku kaba nidau kekela tekedan.

PENGINA'AN 2:3 Referans Kwoze

IBRANI 10:36

Kamu mesti tekun, supayau kamu pacak ngerjauka kendak Allah, mangku kamu nerimau setu diau dijanjikaNyau.

IBRANI 12:1

Mangku kitauni banyak nian cuntau, jemau diau percayau tadi. Karnau itu mela kitau pulau ncapakka gegalaunyau diau mbeghati kitau ngan dusau diau maju melekat ngan kitau. Mela kitau maju betanding ngan tekun petandingan diau kitau ikuti.

GALATIA 6:9

Karnau itu jangan kitau puas ngerjauka setu diau iluak. Karnau amun kitau nidau mandak-mandak ngerjauka titu, kitau ka nerimau asilau, amun masaunyau la sampai.

KULUSI 1:11

Mangku kamu diteguaka ngan kuasau Allah diau agung endak nanggungka gegalaunyau ngan ngaligh ngan riang.

YUHANIS 15:21

Gegalaunyau ka dikerjauka ughangtu ngan kamu, karnau kamu anak-buaKu, karnau ughangtu nidau keruan Allah diau ngajung Aku.

1 KURINTUS 13:7

Diau ta'an ngadapi gegalaunyau, percayau gegalaunyau, ngaghapka gegalaunyau, ta'an, ngaligh ngan gegalau penanggungan.

PENGINA'AN 3:10

Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.

IBRANI 6:15

Abrahamtu nunggu ngan ngaligh mangku nerimau setu diau dijanjikatu.

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

IBRANI 6:10

Allah ukan Allah nidau adil. Diau maju teghingat kerjau kamu senitu batan endak Diau. Diau teghingat pulau sayang kamu diau kamu nyatauka ngan carau kamu nulung kantin-kantin diau percayau. Mangku kamu maju ngerjaukanyau enggut mbak kini.

1 TIMUTIUS 4:10

Itula sebapau kitau bejuang ngan bekerjau nian, karnau kitau ngaghapka nian Allah diau idup. Diautu pacak nyelamatka gegalau jemau, terutamau jemau diau percayau.

2 TESALUNIKA 3:13

Mangku kamu, jangan kamu puas bebuat iluak.

2 KURINTUS 4:16

Itula sebapau kami nidau tekedan. Empuak badan kami tamba guyuk, ati kami maju diteguaka.

2 KURINTUS 4:1

Kami nerimau tugas itu, karnau Allah itu iluak. Karnau itu kami nidau tekedan.

RUM 12:12

Aghapkala Tuhan ngan riang. Amun adau penanggungan, ngalighla ngan maju bedu'a.

RUM 8:25

Anyautu amun kitau ngaghapka setu diau lum kitau kinak, mangku kitau ta'an nungguau.

LUKAS 14:27

Jemau diau nidau endak mikul salipau, mangku ngikut Aku, diau endiak pacak njadi anak-buaKu.

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

2 PITRUS 1:6

Ngeruani kendak Allah ditamba ngan nguasaui diri. Nguasaui diri ditamba ngan tekun. Tekun ditamba ngan ta'at ngan Allah.

1 TESALUNIKA 1:3

Kami maju teghingat ngan kamu di adapan Allah Bapak kitau, bansau dalam kerjau kamu kina'an kamu percayau nian, kamu iluak ngan jemau ngan galak bekerjau nulung jemau. Kami teghingat pulau, bansau kamu tekun ngaghapka Tuhan kitau Yesus Keristus.

2 KURINTUS 11:23

Apu ughangtu bekerjau batan endak Keristus? Aku ngiciak luak jemau gilau, iluakla aku sangkan gegalau ughangtu. Nemanla aku bekerjau, rajinla aku dijilka. Banyakla aku disaraui ngan rajin sengkiap mati.

2 KURINTUS 5:9

Mangku kami beusaha nian melemakka atiAu, empuak kami mendam di anjung kami di sini, empuak di situ.

RUM 2:7

Jemau diau maju ngerjauka diau iluak ngan ndalak setu diau dipuji ngan diregaui ngan ta'an selelamaunyau ka dienjuakkaNyau idup selelamaunyau.

LUKAS 18:1

Udim itu Yesus ngiciakka cuntau ceritau endak ngajagh anak-buaHau, supayau ughangtu maju bedu'a jangan mura puas,

LUKAS 8:15

Benia diau tumban di tana diau iluak ibarat jemau diau ndengagh ceritau itu, mangku dimasuakkanyau dalam atiau diau iluak. Diautu buasil karnau ta'an uji.”

IBRANI 13:13

Karnau itu mela kitau pegi njenguak Diau di luagh kuta ngikut meghasauka tanggunganNyautu.

1 TIMUTIUS 5:17

Pengulu diau iluak kerjaunyau pantas diregaui duau kali lipat, terutamau jemau diau rajin beketuba ngan ngajagh.

2 TESALUNIKA 3:8

Kami nidau makan makanan jemau ngan nidau dibayighi. Siang-malam kami bekerjau mbanting tulang, supayau kami jangan merugika sughang kia jak di kamu,

2 TESALUNIKA 3:5

Kami bedu'a, supayau Tuhan nulung kamu, mangku kamu terti nian kasia Allah ngan carau Keristus nanggung ngan ngaligh.

1 TESALUNIKA 2:9

Cengki kamu gi teghingat, luak manau kami bekerjau mati-matian. Siang-malam kami bekerjau, supayau kami nidau ngeriaka sughang kia jak di kamu, masau kami ngiciakka ceritau iluak jak di Allah itu ngan kamu.

PILIPI 4:3

Ngan kaba Sunsugus, kantinku diau pacak dipercayaui, aku mintak, supayau kaba nulung ughang duautu. Ughang duautu la sesamau bekerjau ngan aku endak ngiciakka ceritau iluak jak di Allah luak Kelimines ngan gegalau jemau lainau diau bekerjau ngan aku. Namau ughangtu la adau di buku jemau idup.

PILIPI 2:16

masau kamu ngiciakka ceritau diau ngenjuakka idup. Amun kamu idup luak itu, mangku aku pacak mbanggaka kamu, masau Yesus Keristus datang agi. Itu njadi buktiau, bansau pejuanganku ukan nidau begunau ngan kerjauku adau asilau.

GALATIA 6:2

Betetulunganla kamu nanggungka beban jemau. Ngan carau luak itula kamu na'ati perinta Keristus.

2 KURINTUS 10:15

Kami nidau muji diri kami ngan kerjau jemau diau adau di luagh batas diau ditetapka Allah batan endak kami. Kami ngaghapka kamu tamba percayau ngan Keristus, mangku kami pacak ngerjauka kerjau diau lebia besak agi di guak kamu. Kerjau itu maju adau dalam batas diau ditetapka Allahtu.

2 KURINTUS 6:5

Kami disaraui, dijilka, disamun. Kami bekerjau mati-matian, rajin nidau tiduak, nidau makan.

RUM 16:12

Pesanku ngan Teripina ngan Teripusa diau mbanting tulang bekerjau batan endak Tuhan. Pesanku ngan Persis diau kusayangi diau pulau mbanting tulang nian bekerjau batan endak Tuhan.

LUKAS 21:19

Amun kamu ka beta'an ngan sabar, kamu ka selamat.”

MARKUS 15:21

Masau itu adau sughang jemau lalu, namaunyau Simun, jemau Kirini, bak Aliksandar ngan Rupus. Diau empai datang jak di luagh kuta, mangku diau dipasau mikul salip Yesus.

1 TESALUNIKA 5:12

Kami ngajung kamu nian, kantin-kantinku, supayau kamu meregaui jemau diau bekerjau guak kamu, jemau diau la dipilia Tuhan njadi pengulu kamu ngan ngajaghi kamu.

1 KURINTUS 16:16

Aku ngajung kamu nian, supayau kamu nurut nian ajaghan jemau luak itu ngan jemau lainau diau bekerjau ngan diau ngenian.

LUKAS 5:5

“Pak,” katau Simun, “Semalam getau kami la keria bekerjau, nidau bulia tuapau-apau. Anyautu karnau Dighi ngajung, ka kukipaska agi.”