PENGINA'AN 13:10 - PEJANJIAN EMPAI CERITAU ILUAK

¹⁰ Jemau diau la ditetapka endak dijilka cetau ka dijilka. Jemau diau la ditetapka endak dibunua ngan pedang cetau ka dibunua ngan pedang. Diau penting supayau jemau percayau maju tekun ngan ngaligh ngan maju percayau.

PENGINA'AN 13:10 Referans Kwoze

PENGINA'AN 14:12

Diau penting, supayau jemau umat Allah maju na'ati perintaHau ngan maju percayau ngan Yesus.

PENGINA'AN 3:10

Kaba la nuruti kici'anKu endak nantika Aku ngan tekun. Karnau itu Aku ka njagaui kaba jak di masau penanggungan, masau gegalau jemau di deniau ka dicubaui.

LUKAS 21:19

Amun kamu ka beta'an ngan sabar, kamu ka selamat.”

IBRANI 6:12

Kami enggup kamu njadi malas. Kami endak, supayau kamu idup luak jemau diau nunggu ngan ngaligh endak nerimau setu diau dijanjika Allah, karnau percayau ngan Diau.

PENGINA'AN 2:2

Aku keruan kerjau kaba. Aku keruan, kaba bekerjau mati-matian ngan tekun nian. Aku keruan, kaba nidau pacak ngaligh ngan jemau ja'at. Mangku jemau diau ngakuak diriau rasul awuak ukan, la kaba uji. Mangku kaba la keruan, bansau ughangtu pembu'ung.

MATIUS 26:52

Yesus bekatau ngan anak-buaHau itu, “Berangkaukala pedang kaba. Karnau jemau diau makai pedang, ka mati ngan pedang.

PENGINA'AN 16:6

Ughangtu la numpaka dagha umat Allah ngan dagha nabi-nabi. Mbak kini Dighi mbuat ughangtu minum dagha, karnau titu pantas batan endak ughangtu.”

PENGINA'AN 1:9

Aku Yuhanis, kantin kamu diau semegi nanggungau luak diau dighasauka bilang anak-bua Keristus. Kitauni maju ta'an sengsarau karnau njadi umatAu. Aku dicapakka ke pulau Patmus, karnau aku ngiciakka katau Allah ngan ngiciakka Yesus Keristus.

PENGINA'AN 3:3

Mangku ingatkala setu diau la diajaghka ngan kaba ngan setu diau la kaba dengagh, mangku ta'atila itu ngan ubaila jak di perembak kaba! Amun nidau, Aku ka datang luak pemaling. Kaba nidau ka keruan, kebilau masaunyau Aku datang njenguak kaba.

PENGINA'AN 2:19

Aku keruan gegalau kerjau kaba. Aku keruan kaba nyayangi jemau, kaba maju percayau, kaba bekerjau batan endak Allah, kaba tekun. Aku keruan banyakla kerjau kaba mbak kini sangkan senitu.

KULUSI 1:11

Mangku kamu diteguaka ngan kuasau Allah diau agung endak nanggungka gegalaunyau ngan ngaligh ngan riang.

MATIUS 7:2

Karnau luak kamu ngukum jemau kamu pulau ka diukum. Luak manau kamu ngulaki jemau, luak itu pulau jemau ngulaki kamu.

PENGINA'AN 11:18

Gegalau bangsau diau nidau keruan Allah mara, anyautu la masaunyau Dighitu mara. La masaunyau Dighi ngadili jemau mati. La masaunyau pulau Dighi ngenjuakka upa ngan budak-budak Dighi ngan nabi-nabi, pulau ngan gegalau umat Dighi, jemau diau nyemba Dighi, besak keciak. La masaunyau mbenasauka jemau diau mbenasauka deniauni.”

PENGINA'AN 17:8

Benatangtu senitu la adau, mbak kini nidau bediau agi, jerang agi ka nimbul jak di jurang maut mangku ajalau ka benasau. Mangku gegalau jemau di deniau, jemau diau namaunyau nidau ditulis di kitab jemau idup jak deniau adau, ka kemangan nginak benatangtu diau senitu la adau, mangku nidau bediau agi, anyautu ka nimbul agi.

PENGINA'AN 17:11

Mangku benatang diau la adau, mbak kini nidau bediau agitu, rajau diau kedelapan. Diau pulau sughang jak di tujua rajau tadi, mangku diau ka benasau.