PENGINA'AN 11:2 - PEJANJIAN EMPAI CERITAU ILUAK

² Anyautu tengalaman diau di luagh jangan diukur, karnau la dienjuakka ngan jemau diau nidau keruan Allah. Ughangtu ka nginja'i kuta diau beresiatu selamau empat pulua duau bulan.

PENGINA'AN 11:2 Referans Kwoze

PENGINA'AN 12:6

Mangku tinautu belaghi ke padang bungin, bada diau la disediauka Allah batan endak diau. Di situ diau disayia selamau seribu duau ratus enam pulua aghi.

LUKAS 21:24

Separau ka dibunua ngan pedang, separau agi ka dibata'i luak anak kawalan ke gegalau deniau. Yerusalim ka dipija'i jemau diau nidau percayau ngan Allah, enggut abis masau diau ditetapka Allah batan endak ughangtu.”

PENGINA'AN 11:3

Mangku Aku ka ngajung duau ughang diau makai baju jak di kain karung endak ngiciakka katau Allah seribu duau ratus enam pulua aghi lamaunyau.”

PENGINA'AN 21:2

Mangku aku nginak kuta diau beresia, diautu Yerusalim empai, tughun jak di sergau jak di Allah. Kutatu luak bunting diau la didandani endak betemu pengantinan.

PENGINA'AN 22:19

Mangku amun adau jemau diau ngurangka katau isi kitabni, mangku Allah ka ngambiak bagiannyau jak di batang diau ngenjuakka idup ngan ha'au masuak kuta sucitu, luak la ditulis dalam kitabni.”

MATIUS 27:53

Masau Yesus la ngulang idup, ughangtu ngeluagh pulau jak di kuburan, mangku masuak kuta Yerusalim. Banyak jemau nginak ughangtu di situ.

MATIUS 5:13

“Kamuni umpamau gagham batan endak deniau. Amun gagham nidau teghasau agi, apu pacak ngulang masin agi? Nidau begati agi. Diau dicapakka, mangku dipijakka jemau.

MATIUS 4:5

Udim itu Iblis mbatak Yesus ke Yerusalim, kuta sucitu, mangku diajung betegak di pucuak mubungan Ghuma Allah.

PENGINA'AN 11:11

La tenga empat aghi mangku adau agi nyawaunyau jak di Allah masu'i ughang duautu, mangku ughangtu ngulang idup agi. Gegalau jemau diau ngina'au takut galau.

IBRANI 10:29

Apau agi jemau diau nijak-nijakka Anak Allah, jemau diau nggelakka dagha pejanjian Allah, itu kematian Keristus diau mberesiaka jak di dusau. Jemau itu nggelakka keilu'an Rua Allah. Beghatla ukuman jemautu.

PENGINA'AN 21:10

La udim itu aku dikuasaui Rua Allah mangku dibatak malaikattu ke gunung diau besak lagi tinggi, ditunjuakkanyau ngan aku kuta diau beresiatu, diautu Yerusalim diau tughun jak di sergau jak di Allah.