PENGINA'AN 11:19 - PEJANJIAN EMPAI CERITAU ILUAK

¹⁹ Mangku tebukak Ghuma Allah di sergau mangku kina'an di dalamau Peti Janji Allah. Mangku adau kilat nyelanyar ngan gurua gelugur ngan gempau besak ngan ujan es diau deghas.

PENGINA'AN 11:19 Referans Kwoze

PENGINA'AN 16:21

Mangku adau ujan es, beghat titi'au limau pulua kilu. Es itu umban jak di langit ninggang jemau, mangku jemau ndawaika Allah karnau sengsarau ujan estu, karnau ughangtu nanggung kematila.

PENGINA'AN 4:5

Jak di kerusi rajau tadi ngeluagh kilat ngan muni gurua telutur. Mangku di adapan kerusitu adau tujua ubur diau maghak. Itula tujua Rua Allah.

PENGINA'AN 8:5

La udim itu malaikattu ngambiak bada keminyantu dimasuakkanyau api jak di mija bada bekerban tadi, mangku diumbanka ke deniau. Mangku adau muni gurua besak ngan kilat nyelanyar, mangku adau gempau.

PENGINA'AN 19:11

Mangku aku nginak sergau tebukak, ngenian adau sikuak kudau putia. Jemau diau nayi'inyau benamau “Diau Setia ngan Benagh”. Diautu ngukum ngan beperang adil.

PENGINA'AN 11:15

La udim itu malaikat diau ketujua ngembus terumpitau, mangku adau suarau nyaghing di sergau, kataunyau, “Diau nguasaui deniauni Tuhan kitau ngan Rajau Penyelamat diau la dijanjikaNyau. Diau ka merinta luak rajau selelamaunyau.”

PENGINA'AN 16:18

Mangku nyelanyar kilat ngan gelugur gurua, mangku adau gempau diau besak luak lum kekela adau jak manusiau adau di deniau. Besak kematila gempautu.

PENGINA'AN 11:13

Masau itu pulau adau gempau besak, mangku bagi sepulua sebagi jak di kuta itu runtua. Tujua ribu ughang mati karnau gempautu. Jemau lain takut kematila mangku ngagungka Allah di sergau.

PENGINA'AN 8:7

Malaikat diau petamau ngembus terumpitau, mangku adau ujan es ngan api beundak dagha pulau. Gegalaunyautu diumbanka ke deniau. Mangku bagi tigau sebagi jak di deniau mutung, mangku bagi tigau sebagi jak di kekayuan mutung pulau ngan gegalau gheghumputan diau ijang mutung galau.

PENGINA'AN 4:1

La udim itu aku tekinak agi. Aku nginak adau duaghau tebukak di sergau, mangku aku ndengagh agi suarau diau la kudengagh empaini, muniau luak terumpit, kataunyau, “Mela, nayiakla ke sini, mangku aku ka nunjuakka ngan kaba setu diau mesti tejadi nanti.”

PENGINA'AN 7:15

Itula sebapau ughangni betegak di adapan kerusi Allah mangku sembayang nyemba Diau siang malam di Ghuma Allah. Mangku Allah diau duduak di kerusi rajautu ka ngantini ngan njagaui ughangtu.

PENGINA'AN 12:1

Mangku tekinak di langit setu diau nyelia. Adau sughang tinau diselimuti matau-aghi diau betegak di bulan. Di pala'au adau gitar jak di duau belas bintang.

PENGINA'AN 16:1

La udim itu aku ndengagh suarau bias jak di dalam Ghuma Allah ngiciak ngan tujua malaikattu, kataunyau, “Pegila, tuangkala pan mara Allahtu ke deniau.”