PENGINA'AN 1:16 - PEJANJIAN EMPAI CERITAU ILUAK

¹⁶ Tangan kananAu ngecakka tujua bintang. Jak di mulutAu adau pedang tajam diau bematau duau. DayiAu besinagh-sinagh luak matau-aghi dang tengaghi.

PENGINA'AN 1:16 Referans Kwoze

IBRANI 4:12

Katau Allahtu bekuasau ngan ngenjuakka idup. Tajamla katautu sangkan pedang bematau duau. Diau nusuak dalam nian endak nceghaika jiwa ngan rua, sendi-sendi ngan beghesi, mangku diau ngeruani serilau ngan rupu'an ati jemau.

PENGINA'AN 2:16

Karnau itu, ubaila jak di dusau kamu! Amun nidau, Aku ka cepat datang njenguak kamu, mangku Aku ka merangi ughangtu ngan pedang diau adau di mulutKu.

PENGINA'AN 19:15

Di mulut Jemau tadi adau sebila pedang tajam. Ngan pedangtu Diau ka ngalaka bangsau-bangsau. Diau ka nyayia ughangtu ngan tungkat besi. Mangku Diau ka ngancit anggur di kilangan anggur. Titu mara Allah diau Mahakuasau.

PENGINA'AN 2:12

“Ngan malaikat jemau Keristen di Pergamus tuliskala luak ini: ‘Inila katau Aku, Aku makai pedang diau tajam ngan bematau duau.

IPISUS 6:17

Ambiakla keselamatan njadi tupi besi ngan katau Allah njadi pedang diau dienjuakka Rua Allah.

PENGINA'AN 19:21

Mangku gegalau jemau lain dibunua ngan pedang diau di mulut Jemau diau di pucuak kudautu. Mangku gegalau burung la nyagu makan daging ughangtu.

MATIUS 17:2

Di adapan ughang tigautu Yesus beghuba. DayiAu njadi terang luak matau-aghi ngan bajuAu njadi putia besinagh.

PENGINA'AN 1:20

Mangku inila resiau tujua bintang diau kaba kinak di tangan kananKu ngan tujua tiang lampu emas ini: Tujua bintangtu malaikat jemau Keristen di tujua bada. Mangku tujua tiang lamputu tujua bada jemau Keristentu.”

PENGINA'AN 3:1

“Ngan malaikat jemau Keristen di Sardis tuliskala luak ini: ‘Inila katau Aku, Aku ngempu tujua rua jak di Allah ngan tujua bintangtu. Aku keruan gegalau kerjau kaba. Kaba dikiciakka idup, awuak kaba mati.

RASUL 26:13

Aku dang di tenga jalan kekirau tengaghi, adau sinagh jak di langit, terangla diau sangkan matau-aghi. Terangtu nyinaghi di sekitar aku ngan kantin-kantinku.

PENGINA'AN 12:1

Mangku tekinak di langit setu diau nyelia. Adau sughang tinau diselimuti matau-aghi diau betegak di bulan. Di pala'au adau gitar jak di duau belas bintang.

PENGINA'AN 10:1

Mangku aku nginak sughang malaikat agi diau kuat, tughun jak di sergau ditukupi aban. Di tipatan pala'au adau ghunia. Dayiau luak matau-aghi. Ketingau luak tiang api.

PENGINA'AN 2:1

“Tuliskala ngan malaikat jemau Keristen di Ipisus: ‘Inila katau Aku, di tangan kananKu adau tujua bintang. Aku bejalan di pugan tujua tiang lampu emastu.