MATIUS 9:18 - PEJANJIAN EMPAI CERITAU ILUAK

¹⁸ Yesus gi ngiciak luak itu, adau sughang pengulu ghuma sembayang datang nunduak guak Yesus ngan bekatau. “Anak gadisku empai mati. Datangla tepiakkala tangan Dighi di diau, mangku diau idup agi.”

MATIUS 9:18 Referans Kwoze

MATIUS 8:2

Mangku adau sughang jemau njenguak Diau. Jemautu buidapan ja'at diau mbayauka. Diautu nunduak nyemba Yesus sampai bekatau, “Pak, amun Dighi endak, Dighi pacak meghadui aku.”

LUKAS 13:14

Kepalak ghuma sembayang itu mara, karnau Yesus meghadui jemau aghi Sabat. Mangku diau bekatau ngan ughang banyaktu, “Adau enam aghi batan endak bekerjau. Amun endak dighaduka, datangla aghi itu, jangan aghi Sabat.”

YUHANIS 11:32

La sampai di bada Yesus tadi, Maria nginak Yesus, mangku nunduak di adapanNyau ngan bekatau, “Tuhan, misalau Dighi di sini, cetau muanaiku nidau mati.”

MATIUS 9:24

Diau bekatau, “Keluaghla, karnau budak gadis ini nidau mati. Diauni cuman tiduak.” Gegalau ughangtu nawauka Yesus.

RASUL 13:15

Ukum Taurat ngan kitab nabi la dibacauka, petugas ghuma sembayangtu ngajung nanyauka ughang duautu, “Amun kamu adau pesan diau nguatka ughang ini, kiciakkala ngan kami.”

YUHANIS 11:25

“Akunila ngenjuakka idup ngan mbuat jemau ngulang idup.” Katau Yesus, “Jemau diau percayau ngan Aku ka idup, empuak diau la mati.

LUKAS 18:18

Adau sughang pengulu jemau Yahudi, diau betanyau ngan Yesus, kataunyau, “Pak Guru diau iluak, tuapau diau mesti kukerjauka, mangku bulia idup selelamaunyau?”

LUKAS 7:2

Di situ adau sughang kepalak tentera Rum diau adau sughang budak belian diau disayanginyau nian. Budak itu dang buidapan laka mati.

MATIUS 28:17

Ughangtu nginak Yesus di situ, mangku nunduak nyemba Diau. Anyautu adau pulau diau asau-asau.

MATIUS 17:14

Yesus ngan anak-buaHau la ngulang guak jemau banyak, adau sughang datang nunduak nyemba Yesus,

MATIUS 15:25

Tinautu datang nunduak nyemba Diau sampai bekatau, “Tulung aku, Tuhan.”

MATIUS 14:33

Mangku jemau diau adau di perawu nyemba Yesus, kataunyau, “Nyela nian, Dighila Anak Allah!”

MATIUS 20:20

Mangku mak Yakubus datang ngan duau ana'au njenguak Yesus, diau nunduak di adapanNyau, karnau adau setu diau endak dipintak.

MATIUS 8:25

Mangku anak-buaHau pegi mbangunkaNyau ngan bekatau, “Pak, tulung, kitau celakau!”

MATIUS 9:17

Luak itu pulau nidau bediau sughang kia ngisika ayiak anggur diau empai ke dalam kantung bawak diau lamau, karnau ayiak anggur diau empaitu ka mecaka kantungtu, mangku anggurau tebuang ngan kantungtu rusak. Ayiak anggur diau empai mesti dimasuakka ke dalam kantung diau empai pulau, mangku anggur ngan kantungtu maju iluak.”

MATIUS 9:19

Mangku Yesus betegak ngikutka jemautu, anak-buaHau ngikut pulau.

RASUL 28:8

Masau itu bak Publius dang buidapan demam ngan mising abang. Paulus masuak bili'au. Diau bedu'a, ditepiakka tanganau di diau, dighadukanyau.