MATIUS 7:15 - PEJANJIAN EMPAI CERITAU ILUAK

¹⁵ “Sepepadaula ngan cak nabi. Ughangtu datang di guak kamu luak bebiri, anyautu sebenaghau ughangtu luak setuau diau ganas.

MATIUS 7:15 Referans Kwoze

1 YUHANIS 4:1

Kantin-kantinku diau kusayangi. Jangan percayau ngan gegalau jemau diau ngiciakka, diau adau Rua Allah. Anyautu ujila kudai jemautu, mangku kamu keruan, apa rua diau adau di jemautu asalau jak di Allah apu ukan, karnau banyak nabi tiruan la adau di manau-manau.

MATIUS 24:11

Banyak cak nabi ka datang ngan nyesatka banyak jemau.

KULUSI 2:8

Sepepadaula, jangan adau diau mikati kamu ngan rupu'an manusiau diau nidau begunau ngan nyesatka. Rupu'antu ukan jak di Keristus, tapitu jak di manusiau ngan rua deniau.

PENGINA'AN 19:20

Mangku benatangtu ditangkap serempak ngan cak nabi diau la ngerjauka tandau nyelia di adapan benatangtu. Ngan carau luak itu diautu nyesatka jemau diau nerimau tandau benatang ngan nyemba patungautu. Benatang ngan nabitu dicapakka idup-idup dalam laut api diau maghak ngan belirang.

YUDAS 1:4

Adau jemau diau masuak di guak kamu ngan nidau dikeruani. Ughangtu jemau ja'at, nyala-gunauka ceritau keilu'an Allah endak nuruti serilau ngan nidau ngaku'i Yesus Keristus, awuak Diau sughang itula Penguasau ngan Tuhan kitau. Jak di senitu ukuman ughangtu la ditetapka.

2 PITRUS 3:17

Anyautu kamu diau kusayangi la keruan gegalaunyautu. Karnau itu sepepadaula. Jangan kamu tebatak sesat ngan jemau diau nidau keruan ukum, ngan jangan kelengitan aghapan diau tegua.

LUKAS 6:26

Celakaula kamu, amun gegalau jemau muji kamu, karnau luak itu pulau niniak puyang ughangtu muji-muji cak nabi senitu.”

2 TIMUTIUS 3:13

Jemau ja'at ngan jemau penipu ka tamba ja'at. Ughangtu nipuka jemau, awuak ughangtu pulau tetipu.

2 TIMUTIUS 4:3

Karnau ka sampai masaunyau jemau nidau endak agi nerimau ajaghan diau benagh. Anyautu ughangtu ka nunggalka banyak guru nurut kendak ughang itula endak diajagh setu diau lemak didengagh.

PILIPI 3:2

Sepepadaula ngan jemau diau ngerjauka setu diau ja'at diau luak anjing. Ughangtu endak masau jemau besunat,

IPISUS 4:14

Mangku kitau ukan agi luak budak keciak diau diumbang-ambingka ngan dibatak ke situ ke sini karnau bemecam-mecam ajaghan jak di jemau diau cak calak. Ughangtu nyesatka jemau ngan tipuan.

GALATIA 2:4

Nyela, adau jemau diau endak masau carau itu. Ughangtu cak jemau Keristen ngan masuak nidau dikeruani luak mematau. Ughangtu endak ngeruani ngan ngalangi kebibasan diau adau di kitau, karnau kitau idup seghundak ngan Yesus Keristus. Ngan carau luak itu ughangtu endak mbudakka kitau agi.

LUKAS 12:15

Mangku katau Yesus lagi, “Dengaghkala! Sepepadaula, supayau kamu jangan selak, karnau empuak sughang banyak kematila retaunyau, idupau nidau tegantung ngan kekayauannyautu.”

PENGINA'AN 16:13

Mangku aku nginak tigau rua ja'at ngeluagh jak di mulut nagau ngan jak di mulut benatang ngan jak di mulut nabiautu. Rua ja'attu luluak bekatak.

IPISUS 5:6

Jangan kamu tetipu ngan kici'an diau mbu'ung, karnau setu luak itu mbuat Allah mara ngan jemau diau nidau ta'at.

RASUL 13:40

Itula sebapau kapu dighi mesti njagaui iluak-iluak, supayau jangan tejadi ngan kapu dighi setu diau la dikiciakka nabi,

YUHANIS 10:12

Jemau upahan diau ukan tukang sayia ngan ukan ngempu bebiritu nginak setuau datang, ditinggalkanyau bebiritu, mangku larat. Mangku setuautu nerengkam sampai nceghaika bebiritu.

MATIUS 16:11

Ngapau kamu nidau terti, bansau Aku ukanau ngiciakka ruti ngan kamu? Diau Kukatauka, ‘Sepepadaula ngan ghagi jemau Parisi ngan jemau Saduki.’ ”

MATIUS 16:6

Yesus bekatau ngan ughangtu, “Sepepadaula ngan bejagaula ngan ghagi jemau Parisi ngan jemau Saduki.”

MATIUS 10:17

Sepepadaula ngan gegalau jemau. Kamu ka ditangkap, diadapka ngan pengadilan agamau. Kamu ka disaraui di ghuma sembayang.

PENGINA'AN 17:6

Mangku aku nginak tinautu mabuak karnau dagha jemau diau la njadi hak Allah ngan dagha jemau diau nceritauka Yesus. Satu aku nginak tinautu, aku kemangan nian.

RASUL 13:6

Gegalau pulau itu diidari ughangtu enggut ke Papus. Di situ ughangtu betemu ngan sughang jemau Yahudi, benamau Baryisus. Jemau itu dukun diau ngaku'i diriau nabi.

MATIUS 7:14

Anyautu duaghau ngan jalan diau nuju idup supit ngan segau, mangku cuman dikit jemau diau ndapatkanyau.”

PENGINA'AN 20:10

Mangku Iblis diau nyesatka ughangtu dicapakka dalam laut api ngan belirang, bada benatang ngan nabiautu, disiksau siang malam enggut selelamaunyau.