MATIUS 6:2 - PEJANJIAN EMPAI CERITAU ILUAK

² Amun kaba ngenjuak ngan jemau, jangan kaba siarka ngan jemau lain, luak diau dikerjauka jemau diau cak iluak di ghuma-ghuma sembayang ngan di jalan besak, mangku dipuji jemau. Keruanila, ughangtu la nerimau upahau.

MATIUS 6:2 Referans Kwoze

MATIUS 6:5

“Amun kamu bedu'a, jangan luak dikerjauka jemau cak alim. Ughangtu galak bedu'a sampai betegak di ghuma sembayang ngan di penyimpangan jalan endak dikinak jemau. Ingatkala ughangtu la nerimau upahau.

MATIUS 6:16

“Amun kamu puasau, dayi kamu jangan mangut luak jemau cak alim. Ughangtu cak litak, supayau jemau nginak diau dang puasau. Keruanila, ughangtu la bulia upahau.

YUHANIS 5:41

Aku ukan ndalak puji ngan jemau.

IBRANI 13:16

Mangku majula kerjauka diau iluak ngan sangi tulungi, karnau itula kerban diau melemakka ati Allah.

LUKAS 20:46

“Sepepadaula ngan guru-guru ukum Taurat diau galak bejalan pakai baju lambing endak diregaui di pekan. Ughangtu galak duduak di mukau sekali di ghuma sembayang ngan di bada jemau njamu.

YUHANIS 7:18

Jemau diau ngajaghka ajaghannyau sendighi mintak diregaui batan endak diriau sendighi, anyautu jemau diau ndalak pujian batan endak jemau diau ngajungau diautu benagh, nidau endak nian mbu'ung.

1 PITRUS 4:11

Jemau diau beketuba mesti ngiciakka katau Allah. Jemau diau nulungi jemau mesti ngerjaukanyau ngan kekuatan jak di Allah, mangku Allah maju diregaui karnau Yesus Keristus. KuasauNyau ngan keagunganNyau nidau ka udim-udim selelamaunyau. Nyela nian.

IPISUS 4:28

Jemau diau pemaling jangan agi maling. Diau mesti bekerjau nian, mangku bulia pengidupan diau benagh ngan pacak nulung jemau diau kurangan.

GALATIA 2:10

Ughangtu cuman mintak, supayau maju nyanauka jemau serik. Mangku aku riang ngerjaukanyau.

RASUL 10:4

Kurniliustu nginak malaikattu, mangku takut sampai bekatau, “Ngapau, Tuhan?” Malaikattu bekatau, “Gegalau du'a kaba ngan keilu'an kaba la diterimau Allah, mangku Allah teghingat ngan kaba.

1 TIMUTIUS 6:18

Ingatkala jemau, supayau kayau ngan kerjau iluak, mura nulung jemau ngan galak ngenjuak.

RUM 12:8

Jemau diau pacak muji jemau mesti muji nian. Jemau diau pacak ngenju'i jemau mesti ngenjuak nian ngan sepantasau. Jemau diau pacak mimpin mesti mimpin nian. Jemau diau pacak nyialka jemau mesti nyialkanyau ngan riang.

RASUL 24:17

Aku la lamau nidau di Yerusalim, la bebeghapau taun, mangku aku ngulang agi mbatak enju'an tanci batan endak bangsauku ngan endak bekerban batan endak Allah.

RASUL 10:31

Diautu bekatau, ‘Kurnilius, Allah la ndengagh du'a kaba, ngan ngingatka keilu'an ati kaba.

RASUL 10:2

Jemau itu alim. Diau ngan gegalau jemau di ghumahau takut ngan Allah. Diautu banyak ngenjuakka tanci ngan jemau Yahudi diau serik ngan rajin bedu'a ngan Allah.

RASUL 9:36

Di Yupi adau sughang tinau jemau percayau, benamau Tabita. Basau Yunani itu Durkas, retiau ghusau. Diau maju ngerjauka setu diau iluak, nulungi jemau serik.

YUHANIS 13:29

Adau diau nyangkau Yesus ngajung Yudas mbeli setu diau digunauka batan aghi rerayau, ngan ngenjuakka tanci ngan jemau serik, karnau Yudas tukang nyimpani tanci ughangtu.

YUHANIS 5:44

Kapu dighi ndalak puji jak di sughang ngan diau lain, nidau beusaha ndalak puji jak di Allah diau Esa. Luak manau kapu dighi pacak percayau?

LUKAS 6:42

Luak manau kamu pacak ngiciak ngan kantin kamu, ‘Ui kaba, nengkela aku ngeluaghka kempenan diau di matau kaba.’, anyautu baluk di matau kamu nidau kamu kina'i? Kamu cak iluak! Keluaghkala kudai baluk jak di matau kamu, mangku pengina'an kamu terang endak ngeluaghka kempenan tadi jak di matau kantin kamu.”

MARKUS 12:39

Ughangtu galak duduak di mukau di ghuma sembayang ngan di bada diau diregaui di jamuan.

PILEMUN 1:7

Sayang kaba meriangka ngan neguaka aku. Kaba la meriangka gegalau umat Allah.

1 TESALUNIKA 2:6

Kami nidau kekela mintak dipuji manusiau, empuak jak di kamu, empuak jak di jemau lain. Sebenaghau kami behak mintak setu jak di kamu, karnau kamini rasul Keristus.

RASUL 11:29

Mangku jemau Keristen sepakat endak ngumpulka tanci nurut kerilaan sesughangan, endak dikighimka ke jemau percayau diau adau di Yudia.

LUKAS 13:15

Tuhan nimbal, “Kapu dighini cak alim! Ukanau kapu dighi meluputka sapi jak di sangkarannyau aghi Sabat, mangku diau pacak minum?

LUKAS 12:56

Ui, kapu dighi jemau cak nidau terti. Tandau deniau kapu dighi pacak keruan, ngapau tandau saman ini kapu dighi endiak terti?

LUKAS 12:33

Jualkala retau kamu, enjuakkala tanciau ngan jemau serik, buatla batan endak kamu dumpit diau nidau ka rusak njadi retau di sergau diau endiak ka abis. Retau luak itu nidau pacak diambiak pemaling ngan nidau pacak dipajua gegat.

LUKAS 11:43

Celakaula kapu dighi, jemau Parisi, karnau kapu dighi galak duduak di bada duduak di mukau dalam ghuma sembayang ngan galak diregaui di pekan.

LUKAS 11:41

Anyautu enjuakkala isiau ngan jemau serik, mangku gegalaunyau ka beresia batan endak kapu dighi.

LUKAS 6:24

Tapitu celakaula kamu diau kayau mbak kini, karnau kamu la meghasauka lemak.

MARKUS 7:6

Timbal Yesus, “Kamu jemau cak alim! Nyela nian setu diau dikiciakka nabi Yesaya ngiciakka kamu, ‘Luak ini katau Allah, bangsau ini meregaui Aku cuman di mulut, anyautu ati ughangtu nidau terupuak Aku.

MATIUS 24:51

Mangku budaktu ka diukum beghat ngan dijadika senasip ngan jemau diau nidau percayau ngan Allah. Di situ diau ka nangis ngan sengsarau.”

MATIUS 23:6

Ughangtu galak duduak di bada diau iluak di jamuan ngan di mukau dalam ghuma sembayang.

MATIUS 22:18

Yesus keruan rencanau diau jedit itu, mangku Diau bekatau, “Ngapau kamu endak ncubau Aku, ui, jemau cak iluak?

MATIUS 16:3

Mangku akap-akap, amun langit ghenung, kapu dighi bekatau, ‘Aghi ini ka ujan.’ Langit pacak kapu dighi bidaka, tandau saman nidau pacak kapu dighi keruani.

MATIUS 15:7

Kapu dighi jemau cak alim! Ngenian diau dikiciakka nabi Yesaya ceritau kapu dighitu,

MATIUS 7:5

Ui, kaba cak iluak! Keluaghkala kudai baluk jak di matau kaba, mangku kaba nginak ngan terang endak ngeluaghka kempenan jak di matau kantin kaba.

MATIUS 5:18

Ingatkala semasau langit ngan deniau ini gi adau, sutiak kia urup ngan tandau diau keciak nian nidau ka dilengitka jak di ukum Taurat, amun gegalaunyau lum tejadi.

MATIUS 6:3

Anyautu amun kaba ngenjuak ngan jemau, jangan tangan kidau kaba ngeruani setu diau dikerjauka tangan kanan.

MATIUS 23:5

Gegalaunyau diau dikerjauka ughangtu cuman endak dikinak jemau ajau. Ughangtu makai tali sembayang diau libagh ngan ghambu baju diau panjang.

1 KURINTUS 13:3

Empuak gegalau retauku kuenjuakka ngan jemau serik, ngan pulau nyeraka badanku disilap, anyautu aku nidau nyayangi jemau, mangku gegalaunyautu nidau bediau gunaunyau.