MATIUS 6:10 - PEJANJIAN EMPAI CERITAU ILUAK

¹⁰ Kami endak Dighi njadi rajau kami, mangku kendak Dighi dituruti di deniau luak di sergau.

MATIUS 6:10 Referans Kwoze

IBRANI 10:36

Kamu mesti tekun, supayau kamu pacak ngerjauka kendak Allah, mangku kamu nerimau setu diau dijanjikaNyau.

YUHANIS 4:34

Katau Yesus, “MakananKu ngerjauka kendak Allah diau ngajung Aku, mangku ngudimi kerjau diau diserakaNyau ngan Aku.

MATIUS 26:42

Yesus pegi agi endak bedu'a, katauNyau, “Bak, amun sengsarau ini mesti Kualami, nengkela kendak Dighi tejadi.”

MATIUS 12:50

Karnau jemau diau ngerjauka kendak BapakKu di sergau, ughang itula ading-beghadingKu ngan makKu.”

1 TESALUNIKA 5:18

Luak manau kia setu diau tejadi di kamu, kamu mesti beterimau-kasia ngan Allah, karnau itula diau Allah kenda'i ngan kamu, jemau diau percayau ngan Yesus Keristus.

RUM 12:2

Jangan menau carau deniauni. Enangka Allah ngubai ati kamu, supayau carau idup kamu njadi empai, mangku kamu pacak ngeruani kendak Allah, tuapau diau iluak diau melemakka ati Allah ngan diau sempernau.

YUHANIS 6:40

Nyela, inila kendak BapakKu: Supayau gegalau jemau diau nginak Ana'Au ngan percayau ngan Diau bulia idup empai selelamaunyau, mangku Akunila ngidupkanyau masau aghi kiamat.”

KULUSI 1:9

Itula sebapau jak ndengagh ceritau kamu, kami maju ndu'aka kamu. Kami mintak ngan Allah, supayau kamu dienjuakka pengertian endak ngeruani kendak Allah nian.

IPISUS 6:6

Jangan ajau, amun dikinak, endak dipuji manusiau, tapitu luak budak Keristus diau na'ati kendak Allah ngan riang.

MATIUS 7:21

“Nidau gegalau jemau diau mantau aku, ‘Tuhan, Tuhan!’ njadi angguta umat Allah, anyautu cuman jemau diau ngerjauka kendak BapakKu diau di sergau.

1 PITRUS 2:15

Karnau Allah endak, supayau ngan perembak kamu diau iluak kamu nukup mulut jemau diau ngiciak jedit tadi.

IBRANI 13:21

Aku bedu'a, supayau Allah ngajung Yesus Keristus ngerjauka di kitau setu diau melemakka atiAu. Tepujila Diau selelamaunyau! Amin.

MATIUS 3:2

“Ubaila perembak ngan dusau kamu, karnau nidau lamau agi Allah ka merinta luak rajau.”

LUKAS 22:42

“Bak, amun pacak, jawuakala sengsarau itu jak di Aku. Anyautu jangan nurut kendakKu, tapitu kendak Dighi ajau.”

YUHANIS 7:17

Jemau diau endak nuruti kendak Allah ka keruan, apu ajaghanKuni asalau jak di Allah, apu jak di Aku.

PENGINA'AN 19:6

La udim itu aku ndengagh muni luak suarau jemau banyak nianan, luak muni ayiak besak ngan gurua diau besak, kataunyau, “Haleluya, tepujila Allah! Karnau Tuhan Allah kitau diau Mahakuasau la njadi Rajau.

1 TESALUNIKA 4:3

Inila kendak Allah, supayau kamu idup beresia. Jangan kamu menaugawia.

RASUL 21:14

Paulus enggup ndengaghka kami, mangku kami mandak negahinyau. Katau kami, “Nengkela kendak Tuhan ajaula diau tejadi.”

RASUL 13:22

La udim itu Allah nukar Saul ngangkat Daud njadi rajau ughangtu, mangku nceritauka Daud luak ini, ‘Aku la keruan Daud, anak Isai, jemau diau melemakka atiKu ngan ngerjauka gegalau kendakKu.’

MATIUS 4:17

Jak masau itu Yesus mulai ngiciakka, “Ubaila jak di dusau-dusau kamu, karnau nidau lamau agi Allah ka merinta luak rajau.”

PENGINA'AN 12:10

La udim itu aku ndengagh suarau diau nyaghing di sergau bekatau, “Mbak kini la masaunyau Allah nyelamatka umatAu. Mbak kini la nyatau kuasau Allah diau merinta luak Rajau. Mbak kini Rajau Penyelamat diau dijanjikatu la nyatauka kuasauNyau. Karnau Iblis diau mburuakka kantin-kantin kitau di adapan Allah siang malam la dilaratka jak di sergau.

1 PITRUS 4:2

Mangku mulai mbak kini selamau gi adau di deniau idupla nurut kendak Allah, jangan agi nurut serilau manusiau.

IBRANI 10:7

Mangku Aku bekatau, ‘Allah, Aku datang endak ngerjauka kendak Dighi, luak ceritauKu diau la ditulis di Injil.’ ”

LUKAS 19:38

Katau ughangtu, “Tepujila Rajau diau datang dalam namau Tuhan. Damai di sergau. Tepujila Allah!”

MARKUS 3:35

Jemau diau ngerjauka kendak Allah, diautu adingKu ngan makKu.”

MATIUS 16:28

Keruanila, jak di kamuni di sini adau diau nidau ka mati, amun lum nginak Anak Manusiau datang luak rajau.”

MARKUS 11:10

Idupla pemerintahan diau ka datang, pemerintahan Daud, niniak puyang kitau. Tepujila Allah diau Mahatinggi!”

PENGINA'AN 11:15

La udim itu malaikat diau ketujua ngembus terumpitau, mangku adau suarau nyaghing di sergau, kataunyau, “Diau nguasaui deniauni Tuhan kitau ngan Rajau Penyelamat diau la dijanjikaNyau. Diau ka merinta luak rajau selelamaunyau.”

PENGINA'AN 20:4

Mangku aku nginak kerusi-kerusi rajau ngan jemau diau duduak di pucu'autu dienju'i kuasau endak ngakimi. Aku pulau nginak jiwa jemau diau la dipancung liaghau karnau nceritauka Yesus ngan ngiciakka katau Allah. Ughangtu nidau nyemba benatang ngan patungautu ngan pulau nidau nerimau tandaunyau di keningau ngan di tanganau. Ughangtu idup agi mangku merinta luak rajau serempak ngan Keristus selamau seribu taun.

IBRANI 1:14

Amun luak itu, malaikattu sapau sebenaghau? Ughangtu rua diau bekerjau batan endak Allah, diajungAu nulung jemau diau ka diselamatka.

KULUSI 1:13

Diautu la ngilakka kitau jak di kuasau iblis mangku ngaliaka kitau dalam kuasau Ana'Au diau disayangi.

LUKAS 19:11

Ngan jemau diau ndengagh kici'anNyautu, Yesus ngiciakka cuntau ceritau ini pulau. Masau itu Diau la pasigh Yerusalim, jemau nyangkau, Allah la endak njadi rajau di deniau ini.

RASUL 22:14

Mangku kataunyau agi, ‘Allah niniak puyang kitau la netapka kaba, supayau kaba ngeruani kenda'Au ngan nginak Jemau diau suci diau ngerjauka kendak Allah ngan ndengagh suarauNyau,